اشهر الجمل المكتوبه على التوك توك والميكروباص !!!!

[Raul]

انا جايبلكم اشهر واغرب الجمل اللى مكتوبه على التوك توك والميكروباص :biggrin:

نبدأ بسم الله


" تعمل حسابي أقدرك، تهزر معايا أعورك"

" الحلوه لما تتدلع، تخلى الاسفلت يولع "

" ما تبحلقش كده يا لوح، دي جت بطلوع الروووح "

" ما تبصش كده يا عبيط، الحلوه دي بالتقسيط "

" سوقوا بالراحه يابهايم، أصل سواق العربيه نايم "

"الحلوه خوخه ،جت بعد دوخه "

"الحلوه تفاحه، للسفر والسياحه "

" دلعها فى الغيارات، وريحها على المطبات "

" متقولش دى بكام دى جايه بدهب المدام "

" ان نام السبع ،شويه كــلاب يكلوه "

" لما كنت عصفور كلونى، ولما بقيت اسد صاحبونى"

" مشنه مشنه بس ممشيه حالنا"

" تركب اسليك , تنزل اولع فيك "

" ما تزعليش يا اموره بكره يركبلك مقطوره "

" بنزين في التنك ولا مليون جنيه في البنك "

" لتهدي لتعدي "

" مستوره خليك هادي لاني مبعرفش ادادي "

" هسيبك كده ورايا انت مش مستواي"

" متقولش دى بكام دى جايه بدهب المدام "

" لما كنت عصفور كلونى، ولما بقيت اسد صاحبونى"

" كمان الحلوة من اليابان وصاحبها بايت جعان "

[محبة الضحك]

ههههههههههههههههه

جامدين اوى
وهو ده اللى بنلاقيه حقيقى
دانا كمان بلاقى ناس كاتبة

ياناس يا شر كفاية قر
طب احنا هنقر على ايه بس

[حياتي مجرد ذكريات]

ههههههههههههههه


تسلم الأيادي

[ماتركس]

# انا شوفت العباره دى على عربيه تريلا كبيره 2 مقطوره عجبتنى اوى

" فأغشيناهم فهم لا يبصرون "

ههههههههههههه



اخي العزيز استفر الله العظيم

انتاا بتضحك علي كلام ربناا خلاص

ملقيتش حااجه تعملهاا غير كده

ارجووو من الاداره التدخل والتعديل في المووضوع

[Raul]

اقتباس المشاركة الأصلية كتبت بواسطة ماتركس # انا شوفت العباره دى على عربيه تريلا كبيره 2 مقطوره عجبتنى اوى " فأغشيناهم فهم لا يبصرون " ههههههههههههه اخي العزيز استفر الله العظيم انتاا بتضحك علي كلام ربناا خلاص ملقيتش حااجه تعملهاا غير كده ارجووو من الاداره التدخل والتعديل في المووضوع

مان الكلام له معنى تانى خالص انتا هتخلينى كافر ليه :sly:
على العموم هشيل الجمله دى عشان مفيش حد تانى يفكر زيك كده
مع انى معتقدش انها هتحصل مع حد تانى