ساكـن الشرقـيّـه

[عادل الدوسري]

ياحبيبي لهفـة الخافـق طغـت باشواقـي
والغـلا والشـوق لـك ياساكـن الشرقـيّـه

كـل ماهـب الهـوا مـع طلعـة الاشـراقـي
قامت الذكرى تقلـب صفحتـي المطويـّه

وكل عـرق وكـل نبـض ينبضـه خفاقـي
ايتوقـف لا قريـت اسمـك او اســمٍ زيّــه

الصـبـر عـيـا يـعـزز خـزنـة المشتـاقـي
حافظٍ ماضي العهود وصادقٍ بالنيـّه

واتحمـل مـن غرامـك حـمـل ماينطـاقـي
مايشيـلـه كـتـف كـيـف تشيـلـه الألفـيّـه؟

كيـف اعبرهـا حـروف ونزفـهـا دفـاقـي؟
والـحـروف الابجـديـه عـاجـزه مـولـيّـه

انت ياللي تلتوي مـن حسنـك الاعناقـي
مـن يلومـك لا سكنـت ابراجـك العاجيّـه؟

خذت خفاقي وعقلي بعدها وش باقـي؟
مابقى الا روحي اللي لاجـل حبـك حيّـه

اخـذهـا فــدوه لعيـنـك يالـغـرام الـراقـي
بـس تكفـى لاتجـازي حسنـتـي بالسـيّـه

الله انــــه لايــعـــود حـــــزة الـفــراقــي
حزة حطـت وسـط حـدب المحانـي كيـّه

حطني في وسط عينك واغلق الاحداقي
وضمنـي بيـن الضلـوع بلهـفـه وحنـيّـه

واذكـر انـك منتهـى الامـال والاشواقـي
والغـلا والشـوق لـك ياساكـن الشرقـيّـه

عادل بوبدر الدوسري

[AngelEyes]

رائعة هي المشاعر ..
حتى لو كانت ذكريات .. تشعل القلب بدقائق ..
هي لحظة بين عالم الحقيقة و الخيال ..
يدق القلب بقوة .. لنستوعب كل تلك المشاعر ..
تأتي بدون استأذن ..

دام قلمك و احساسك أخ عادل ..
راقت لي كثيراً الكلمات ..