نمت و صحيت في 22 ساعة!!

[SiLver Spectra]

يوم الحد (امبارح)
لواحدي في شقة المنصورة
على الساعة 6 بعد العشا قولت أما أناملي ساعتين عالسريع
غصت في النوم..عدت الساعتين و فضلت نايم..نايم...نايم..
الساعة 9 مخي صحي شوية و بعدها كملت نوم و النور مفتوح و التلفزيون
مخي كل ساعة يصحى و اسمع صوت برنامج شغال في التلفزيون و أحسبها في دماغي
كدا الساعة باقيت 10 و نص
و فضلت مكمل نوم...نوم...نوم...
وداني سمعت البرنامج خلص يعني الساعة عدت الواحده بالليل
و فضلت مكمل نومي...

مخي صحي تاني و وداني سمعت اعادة البرنامج
دا كدا الساعة عدت عشرة الصبح!!
كدا بقالي كتير نايم
لسه عايز أنام و مافيش نية للحضور النهارده
مش هحضرو هقضيها نوم
خليك نايم يا طارق و أوعى تفتح عينيك
كمل نوم...نوم...نوم...

مخي صحي تاني و البرنامج خلص و لسه عايز أنام..
كمل نوم طالما لسه في نعوسه

و مخي صحي بعدها مرتين
و في آخر مره قولت كفاية بقى...كفاية بقى ( زي عادل امام في فيلم بخيت و عديلة لما كان بياكل الأكل الي طلبه ...كفاية بقى)

كفاية بقى نوم الساعة دلوقتي اتأخرت أكيد
بصيت في ساعة الموبيل لاقيتها 4 و تلت العصر
و قاعدت أحسبها مع نفسي
من 6 بالليل ل4 العصر
فيها 22 ساعة نوم!!
دي عمرها ما حصلت في تاريخي
يبقى هبطل نوم ال3 أيام الي جايين

و فضلت مكفي عالسرير ساعة و باكل أي حاجه حلوة جنبي
و بتفرج على اي حاجه في التلفزيون ..كانت مصارعه باين مع اني ماليش فيها
بس اي هباب و خلاص
:juvefan2:

المغرب إدن
قولت بقى أجهز شنطتي عشان أرجع بلدنا بما أن النهارده يوم الاتنين
جهزت العدة و لبست الجزمة و سرحت شعري و كلوا تمام
و قفلنا الشقة
و توكلنا على الله و الساعة كانت 5 و نص

قفلت الباب و نزلت على السلالم لاقيت البوابة مقفولة بالترباس!!
عم محمد هيتربس الباب بعد المغرب ليه!!
ما عاينا فتحت الترباس و خرجت

لاقيت الدنيا ساقعه..الجو مش طبيعي
و الديك بيدن!!
جايز الديك بيدن الفجر و بعد المغرب
:smurf:

الشوارع مافيهاش صريخ بني آدم!!
و بدأت الصدمة...طلعت الموبيل ابص في الساعة
لاقيتها..
5:30
بس

am

:766:

رجعت من حيث أتيت
و لسه دماغي مش مستوعبة الصدمة
لأني خلاص صاحي بقالي ساعة و نص و مبرمج دماغي على إن الوقت آخر نهار
(الشباك الأوضه الي كنت نايم فيها على المسقط عني الطبيعي إنه مضلم على طول)
طبعا دا غير و أنا نايم و عامل حسابي على إني الصبح برضو

و برضو مافيش ولا ميسد و لا اتصال من حد
الموضوع كان غريب..حد بينام 22 ساعة

من 5 و نص المغرب ل5 و نص الفجر فرق 12 ساعة

أعمل فيهم ايه!!
و كأن التوقيت رجع لورا نص يوم بحاله

قولت اروح أتمشى شوية و الدنيا مليلة بما أن مافيش نوم
مشيت و عديت على البقال النصاب الي على الناصية الي مافيش غيره بيسهر
نظام الي يعبيلك حاجتك في الكيس و يحسب في سره و يزود كام جنيه في الخباثه
تسأله ليه يا عم مثلا 17 جنيه!!
يضحكلك ضحكة نصب و تسأله بكام التونه دي يقولك بصوت واطي و هو بيفرك في عينيه ب8 جنيه
8 مين يا عم الحاج في تونه ب8 جنيه برضو
يقعد يقولك لأ أصل في اصفر و أزرق و أخضر و أحمر و بتاع
و بعدين يقولك ب6 و نص

المهم لسه بروحله لاقيت واحده نازلة من عربية بيسوقها شاب و بتسأله و هي بتهز في شعرها : ماعندكش حاجه حلوة تتاكل
:cv34:
ادالها جالاكسي و أخدتها زي الشاطره و ركبت مع الشاب الي ما رضاش ينزل من العربية الساعة 6 الا ربع الفجر
و البقال رماها بشتيمة عالماشي بعد ما مشيت
و جيبت نفس نوع الجالاكسي بتاعها
:juvefan2:

و أخدتها زي الشاطر و أكلتها و أنا بتمشى في البلد الي شبه مهجوره بعد الفجر
و روحت...
لحاد الصبح و بعدين روحت الكلية

المهم بقى التساؤل إلي خلاني أكتب الموضوع دا

الواحد لو الساعة رجعت بيه لورا مثلا 12 ساعة أو أكتر
مش بيعرف يعمل في وقته الاضافي ايه بالذات لما يبرمج نفسه و يعد فترة كبيره زي ما قاعدت كدا ساعتين و في دماغي إن الوقت اتأخر و خلاص بقى حضرت عشان أسافر

الوقت أثناء الحاضر ما تحسش بيه
و لو راح بيك للمستقبل ( تروح عليك نومه) تبقى نفسك توقفه
و لو راح بيك الوقت للماضي تبقى مش عارف تعمل بيه ايه و مستعجله!!

و دا الي جالي النهارده
كأني رجت للماضي 12 ساعة


بالتوفيق...

[مشتاقه للجنه]

هههههههههههههههه

المهم انت لسه نايم ولا صحيت :vb17:


حمد الله على سلامتك يا طارق

اقتباس ادالها جالاكسي و أخدتها زي الشارطه و ركبت مع الشاب الي ما رضاش ينزل من العربية الساعة 6 الا ربع الفجر و البقال رماها بشتيمة عالماشي بعد ما مشيت و جيبت نفس نوع الجالاكسي بتاعها :juvefan2: و أخدتها زي الشاطر و أكلتها و أنا بتمشى في البلد الي شبه مهجوره بعد الفجر و روحت... لحاد الصبح و بعدين روحت الكلية

لازم تأخذ زيها .... :vb20:

اقتباس الوقت أثناء الحاضر ما تحسش بيه و لو راح بيك للمستقبل ( تروح عليك نومه) تبقى نفسك توقفه و لو راح بيك الوقت للماضي تبقى مش عارف تعمل بيه ايه و مستعجله!!

والله عندك حق فعلا لو حاضر ما تحسش بيه ... بس اتصدق

لو راح بيك للماضى ... حلوه هو ممكن الوقت يرجع !!!:078:

لما اجرب .......

حمد الله على سلامتك مره تانيه والمره الجايه ابقى خد بالك

دمت بخير

[nooody]

موقف المغزى منه حلو

قيمه الوقت مش بنقدرها

الا بعد ما تضيع من ايدينا

عشان كدة لو ان كل واحد فينا عرف يخطط

حياته ويستثمر كل دقيقه

هيوصل للى هو عايزة وهيوفر مجهودة

ومش هيندم على الوقت اللى فات

لانه مش هيكون راح هباءا

تقديرى

[SiLver Spectra]

اقتباس
المشاركة الأصلية كتبت بواسطة حواء الشرق





هههههههههههههههه

المهم انت لسه نايم ولا صحيت :vb17:


حمد الله على سلامتك يا طارق





لازم تأخذ زيها .... :vb20:





والله عندك حق فعلا لو حاضر ما تحسش بيه ... بس اتصدق

لو راح بيك للماضى ... حلوه هو ممكن الوقت يرجع !!!:078:

لما اجرب .......

حمد الله على سلامتك مره تانيه والمره الجايه ابقى خد بالك

دمت بخير

ممكن أكون لسه نايم حد عالم
^_^

نايم في الحياة

ممكن أديكي الوصفة الي بتاكليها قبل النوم و بترجعك للماضي زي كدا
ههههه

نورتي يا حواء يا شرق

[SiLver Spectra]

اقتباس
المشاركة الأصلية كتبت بواسطة nooody





موقف المغزى منه حلو

قيمه الوقت مش بنقدرها

الا بعد ما تضيع من ايدينا

عشان كدة لو ان كل واحد فينا عرف يخطط

حياته ويستثمر كل دقيقه

هيوصل للى هو عايزة وهيوفر مجهودة

ومش هيندم على الوقت اللى فات

لانه مش هيكون راح هباءا

تقديرى

لا بس أنا وقتي لما زاد 12 ساعة ما عرفتش أعمل بيه ايه
خصوصا إني عامل حساب السفر

قولت بقى يووه لسه هستنى كمان 10 ساعات عشان أروح

فلما ترجع للماضي هتستعجل الوقت فعلا على عكس المستقبل الي بتتمنى فيه تأخير الوقت

نورتي يا هند...

[smsma666]

ههههههههههههههه كل ده حصل لك يا طارق نمت وصحيت على ان المغرب اذن وطلع الفجر ههههههههه
يلا معلش بتحصل فى احسن العائلات انا قمت مره الساعه واحده باليل ورايحه البس واروح المدرسه فوجئت ان الدنيا ضلمه ههههههههه عملت ايه بقى عادى جدا رحت كملت نوم هههههههههه

الموقف جميل لو خرجنا منه بافاده وهى قيمة الوقت فى حياتنا

يعنى لما انت حسيت انك اتاخرت استعجلت نفسك علشان تقوم بسرعه وماتتاخرش
لما اتصدمت فى ان الوقت لسه الفجر زى ماتقول كده قلت نفسك طب انا ايه اللى صحانى وطبعا كان نفسك الوقت يجرى علشان انت صحيت بدرى لا وكمان فقت اوى ههههههههه

شكرا ياطارق على الموضوع الجميل

[خالد ابو النجا]

زى ماتكون بتتكلم عنى
عشان انا بيحصل معايا
نفس الحكاديه دى
ووفى نفس الوقت انتى بتنبه
عن قيمه الوقت فى حياتنا
ويجب علينا استغلالها افضل استغال
وتقبل منى ارق تحيه

[SiLver Spectra]

اقتباس
المشاركة الأصلية كتبت بواسطة smsma666





ههههههههههههههه كل ده حصل لك يا طارق نمت وصحيت على ان المغرب اذن وطلع الفجر ههههههههه
يلا معلش بتحصل فى احسن العائلات انا قمت مره الساعه واحده باليل ورايحه البس واروح المدرسه فوجئت ان الدنيا ضلمه ههههههههه عملت ايه بقى عادى جدا رحت كملت نوم هههههههههه

الموقف جميل لو خرجنا منه بافاده وهى قيمة الوقت فى حياتنا

يعنى لما انت حسيت انك اتاخرت استعجلت نفسك علشان تقوم بسرعه وماتتاخرش
لما اتصدمت فى ان الوقت لسه الفجر زى ماتقول كده قلت نفسك طب انا ايه اللى صحانى وطبعا كان نفسك الوقت يجرى علشان انت صحيت بدرى لا وكمان فقت اوى ههههههههه

شكرا ياطارق على الموضوع الجميل

ههههههههههه
لا أنا كنت رايح براحتي لأني خلاص ضعت المحاضرة و كنت مروح

بس و الله زعلت عشان قولت لسه هستنى كل الوقت دا....عايز أنجز عشان أروح
و كنت كمان هروح فايق آخر حاجه
نايم 22 ساعة بقى
هروح سوبر فايق
هههههههههه

بس فعلا الموقف خلاني أحس إن رجعت بالزمن لورا
زي أفلام الخيال العلمي

نورتي يا سلوتنا

[razan]

ياااااة صح النوم 22 ساعه

غيرك نفسة ينام 10 حتى

بس ماشاء الله دايما تقلب كل حاجة بعظة فى الاخر

يعنى متقولش حاجة من غير ما يكون ليها هدف


حتى الموقف اللى حصلك

ربنا يوفقك فى حياتك

والمفروض تعيش على ال22 ساعه دول اسبوع متنامش ^_^

[مشتاقه للجنه]

اقتباس ممكن أديكي الوصفة الي بتاكليها قبل النوم و بترجعك للماضي زي كدا ههههه

ممكن تعطيها لى .... علشان أعمل باك شويه وأخلص باقى المواد اللى عندى

هههههههههههههههههه



ممكن الوقت مبيرجعش ... سعات كتير بحس ان نفس تلك الاشياء حصلة

لى قبل كده ... ايوه والله يعنى ممكن اروح مكان اول مره اروووحه

وتجد ان زى ميكون شوفته سابقا وعارف ايه اللى سيحدث ...

عندك تفسير لهذا الشئ د/طارق ........ ههههههههههههه

دخلنا على الطب النفسى ..!!