التهييس الى هو !!!!!!!!

[scream]

-الله أكبر الله أكبر..أذان الظهر..


-يارب.. يارب بحق ده الآدان تنجح يابن ابنى وأشوفك دكتور أد الدنيا

-ياستى بس أنا فى الاداب

-وماله يابنى هو يكتر على ربنا...... ده ربنا قادر على كل شئ

-ياستى ونعم بالله بس اللى بيطلع دكتور لازم يكون فى كلية الطب مش الاداب


-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق

-جدى إيه اللى هايخدنى معاه .....ده جدى مات من زمان ياستى

-يامصيبتى عبد الواحد مات..ياحبيبى ياأخويا..مكنش يومك ياسبعى

-ياستى ده ميت من تلتين سنة

-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة

-ياستى حرااام عليكى عايز أذاكر بقى

-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون

-ياستى دبلون إيه..أسمه البكالوريوس

-أنته هتضحك عليا ياوله..أسمه الدبلون الواد ابن عبده زيك كده فى مدرسة الاداب وخد الدبلون

-خلاص دبلون دبلون ياستى ..سيبينى بقى عشان أذاكر

-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب- وأخلاق..وعلام كمان

-ياستى عبير دى معاها أعدادية

-وماله يابنى ...الراجل مايعبهوش إلا جيبه

-راجل ...راجل مين ياستى...عبير دى بنت

-عبير ...عبير مين ياوله..أنته بتعرف بنات من ورانا

-لا إله إلا الله....أبوس رجلك ياستى أرحمينى بقه

-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس و النبى لكون مبوظه الخطوبة دى ومجوزاه أنيسة بت أختى

-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوكى مش بنت أختك ..وأساسا إنتى ملكيش إخوات بنات

-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان

-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره

-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

-خلاص روحى المطبخ ...أهو زمان أمى خلصت الرز

-رز...رز إيه يابنى....هو أنا ليه سنان للرز...أناهطلع البلكونه أحسن

-طب أبقى خلى بالك م الهوى ياستى
-هوى لما يلطشك

الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها



ياترى أنا كان إسمى إيه؟؟


ياترى كان إسمى إيه؟؟

[رقة BaNOTa]

هههههههههههههههههههه
تهيس جااااااااااااااامد مرررررررسي

[scream]

لا شكر على واجب الحمد الله انة نال اعجابك

[سندريلا]

يعني علي التهيييييس و انا كمان زيهم بالظبط




و بشكرك علي موضوعك

[حلم بريء]

هههههههههههههههه ههههههههههههههههه هههه
انا اتجنيييييييييت

و مش فاكرة اي حاااااااااجة ...

تسلمي على الموضوع اللي يجنن
وينسي الواحد اسمه ،،

تحياتي ،،

[فرح***]

ههههههههههههههههههههه
موضوع يجنن وزي العسل :vb36:
ميرسي

[boussy]

ههههههههههههه ميرسى على التهييس الجامد دا انا مهيساتيه درجه اولى ههههههههههه

[scream]

الف شكر ليكم كلكم على الرود الجميلة دى وان شاء الله اجيب تهيس تانى