واحده ماتت بالضغط والسكر والمراره .. من إيــه ؟؟!!

[محمد شرف]

بسم الله الرحمن الرحيم

السلام عليكم ورحمه الله وبركاته


التليــــفون بيـــــرن ..

الأم تقـول لأبنتـها شوفى مين ع التليـفون ..

البنــت .. مفيش حد واقف ع التليـفون ..

الأم طيب ارفعى السماعه وحطيها ع ودنك وشوفى مين ..

الطفـلة .. الـــو
المرأة .. الـو مرحبا
الطفلة .. اهلا وسهلا
المرأة .. فين الوالده
الطفلة .. معندنـاش واحده والده
المرأة .. لالا لاسمح الله
الطفلة .. وليه لا سمح الله انا بقولك معندناش واحده والده
المرأة .. وكم عمرك ياشاطره
الطفلة .. وعرفتى منين انى شاطره
المرأة .. تضحك وتقول باين عليك دمك خفيف
الطفلة .. انتى اللى دمك خفيف متقـوليش عليا كده
المرأة .. باين عليكى صغيره
الطفلة .. انا اطول منك
الامرأة:طيب يلا ادينى ماما
الطفلة .. ليه هى امك عندنا ؟
المرأة .. خلاص نادى امك
الطفلة .. امى معندهاش نادى
المرأة .. الله يطولك يا روح
الطفلة .. يعنى تبقى كام سنتى كدا
المرأة .. تصرخ " اعطينى حد كبير"
الطفلة .. كبير بالحجم ولا بالطول ولا بالعمر ؟
المرأة .. ادينى اى برميل اتكلم معاه
الطفلة .. بس البرميل جماد
المرأة .. انا جاية عندكوا ادينى حد كبير اكلمه
الطفلة .. متجيش عندى لان صديقاتى عندى لما يروحوا تعالى
المرأة .. طيب بس لو اشوفك لعمل منك بطاطا
الطفلة .. بطاطا مسلوقة ولا مشوية بالفرن
المرأة .. احسنلك اسكتى لانك زعلتينى
الطفلة .. مين اللى زعل التانى اصلا
المرأة .. خلاص انتى كدة زودتيها عاد
الطفلة .. عاد من وين ؟
المرأة .. عاد الى بيته
الطفلة .. الصراحة فى شئ مزعلنى
المرأة .. خليه يزعلك يمكن تنفجرى زى البلونة
الطفلة .. ايه لون البلونة
المرأة .. تصرخ باعلى صوتها " فيييييييييييييين امـــــــــــــــــــــــك "


فتاخد الام التليفون وتقول الـــــو

المرأة .. الحمدلله البنت دى طلعتلى قرن فرأسى
الام .. انهى قرن قرن الغزال ولا قرن الموز
المرأة .. دايما رايقة وبتحبى تهزرى لاطلعتلى قرن طور
الام .. ايه هو حجم الطور


المرأة تغلق السماعة وتذهب الى بيت صديقتها وترن الجرس ..


فتقول الأم للطفلة .. قومى شوفى مين على الباب

تركض الطفلة نحو الباب وتجلب كرسى وتصعد عليه ثم تنظر الى اعلى الباب وتقول مفيش حد على الباب

بس فى واحده وراه

فتقول الام .. يعنى هى بتستخبى مننا وراه خليها واقفه ترن الجرس براحتها

الطفلة .. اى جرس ! جرس المدرسة ؟ ولا جرس البيت؟
الام .. جرس البيت
الطفلة .. جرس بيتنا هذا ؟ ولاجرس بيتنا اللى بنبنيه ؟
الام .. لاجرس بيت الجيران
الطفلة .. الجيران اللى فوق ولا اللى تحت

وبعد ربع ساعة وجدوا المرأة ميـته عند الباب بسبب ارتفاع حاد فى ضغط الدم والسكر وانفجار بالمرارة وتمزق بالمصران الاعور