إسكتوا مش بابا كان عندنا النهارده !!!!!!!!!

[dr.marmar]

تعالوا بقي أحكيلكوا عن الي حصل النهارده
أنا نازله الصبح عادي
رايحه الجامعه زي كل يوم
وعلشان اروح الموقف
لازم أعدي علي جامعه كفرالشيخ في الطريقه
ومبني المحافظه وكل الجو ده
المهم خير الله أما إحعله خير
فاكرين فيلم محمد هنيدي
عسكر في المعسكر
لما كان محمد هنيدي واقفين واصحابه علي الكوبري
ومابين كل عسكري وعسكر أقل من المتر
أهو انا لاقيت الطريق عامل كده
مليان عساكر
والأعلام بقي
وكله جديد في جديد
أنا إستغربت
فبسأل الناس هو فيه إيه النهارده
المحافظ جاي يفتتح حاجه ولاايه
لاقيت الناس بتضحك اوي
ويقولوا محافظ ايه
إنتي مش عايشه في البلد ولاايه
قلتلهم ليه يجماعه خير
قالوا إسكتي مش بابا جاي عندنا النهارده
قلتلهم ايه ده هو بابا بقي مهم كده
بستعبط يعني
هههههههههههههه
قالولي يابنتي مش بابا الصغير
لا بابا بتاع الناس دي كلها
بابا محمد حسني مبارك
انا إتصدمت ايه ده بابا جاي عندنا النهارده
ليه يجماعه خير
قالوا اهو فيه شويه حاجات هيفتتحها
قلت كويس والله
الغريبه بقي الأمن المستتب
الطريق كله من كفرالشيخ لطنطا
كله عساكر وعربيات شرطه
وعندنا طريق المحافظه
لاقيت شجر غريب طلع مش عارفه طلع إمتي
مانا كنت لسه معديه إمبارح المغرب
قلت النظافه حلوه بردوا ياولاد
ياريت يفضلوا كده علي طول ويفضل الدنيا أمان كده
والمكان بقي الي الريس هينزل فيه بالطياره بتاعته
بيقولوا مشوا كل سكان البيوت في المنطقه دي
قعدوهم في فندق النهارده لغايه مابابا يروح
وفي كل بلكونه عسكري
ياحلاوه ياولاد
ماهي مش حياه حد عادي بردوا
دي حياه بابا 85ميلون واحد
مش اي كلام يعني
المهم رحت الجامعه وكنت مصممه أجي بدري علشان أشوف الريس
بس ياخساره علي ماجيت كان مشي
مش ده المهم بقي
المهم اني وانا راجعه مالقتش ولاعسكري واحد حتي
الظاهر الأرض إنشقت وبلعتهم ولاإيه ؟
السجر الي طلع الصبح إختفي تاني
الظاهره انه شجر بيمشي
وكان جاي يتفسح عندنا شويه
حتي اللوح الي كانوا كاتبين عليها اهلا بالريس
وقعت علي الأرض
ورجع الحال زي الحال
واحده صاحبتي بقي بتحكيلي ان باباها كان واقف
بيقولك ايه
يادوب الريس مشي من هنا
يادوب خطوتين الا ولاقوا الشجر والاعلام
وكه بيتشال
يعني لو كان بص وراه كان شافهم
حتي مش قادرين يخلوا البلد نضيفه شويه علي مايروح
سبحان الله
هو احنا في بلدنا مش بنمشي علي نظام ونضافه
غير لما بابا يجي او اي حد من الناس الكبار في البلد
ولا كل الأمن الي كان موجود ده
خلاني إفتكرت كلمه قالها واحد في عهد سيدنا عمر إبن الخطاب
(حكمت فعدلت فنمت ياعمر)

[MoHaMeD SaadY]

امال احنا بقي لما جه عندنا بورسعيد
كان كل سطح عمارة واقف عليه واحد بقناصة
ومابين كل واحد من امن الدولة واحد تاني
والبلد كانت مقفولة
وكنت رايح اليوم ده الكلية بتاعتي في المنصورة بدل مانعدي من طريق المنصورة عدينا من طريق القاهرة ههههههههه
يعني كان يوم غير عادي وبالنسبة للي عندكم ده ولا حاجة والله
احنا كان عندنا مفيش دبانة بتعدي من الشوارع
والشوارع نضيفة ومغسولة ببريل ومفيش مطبات خالص هههههههههه

[dr.marmar]

ههههههههههههههههههههههه
ماهو الكلام ده موجود
بس انا ماركزتش اوي
لاني كنت رايحه الكليه وكمان بعدي من الطريق الدولي
يعني مش بروح المكان الي الريس بيبقي فيه
بس تصدق كان نفسي أشوفه وأسلم عليه والله
هههههههههههههههههههه

[MoHaMeD SaadY]

مابلاش كلمة اشوفه واسلم عليه دي
والا هتوحشينا ههههههههههه

[dr.marmar]

ياخبر
لا يجماعه حد قال يسلم
انا ماقلتش حاجه
ههههههههههههههههههههه

[toto]

ححححححححححححححححححححح
هبلغ عنك امن الدوله انا خالى مدير مباحث
لو مجبتيش 6 جنيه وربع



كلنا مع البرادعى من اجل حياه افضل

[مشتاقه للجنه]

طيب يا مروره يارب بابا يعدى من عندكم علطول


ويارب يعدى من عدنا كمان يارب .. اهو الشوارع تترصف

والاشجار تنزرع ... يعنى نفرح شوى .... !!!!

يلا يا مرمر كل زياره وانتى طيبه


تسلمى على الموضوع

[ARAGON]

شكرا يا مرمر..

للأسف لازم نحتاج زيارات من دي .. عشان الجماعة بتوع البلدية يطلعوا عمال النظافة من تحت السلم

شكرا على الموضوع

ظاهرة دائما مستمرة..

وشوفناها في افلام كتيرة

خالص تقديري

[حياتي ذكريات]

أنا بقى افتكر كنت راحية مع أخويا وعمي مشوار
يعني ناخده كده في ساعه طلعنا من البيت الساعه
8 الصبح ولقينا بقى الدنيا زحمــــــــة تخيلي وصلنا المكان
اللي عايزينه الساعه 2 الضهر وحتى اتصلت على ابن عمتي
يشوف فيه ايه لأنه شرطي قالي شايفة الناس الشرطيين اللي صافين
على طول الجسر قلتلو ااه قالي ااحنا واقفين من الفجر بابا حسني بيفتح مشاريع
اين عمتي كان دايما بينقذني في مواقف المرور بس المرة دي كنت هعيط
لأاننا كنا في رمضان والجو نااااار
وأنا كنت عامله حسابي 9 هكون في الييت
ههههههههههههههههههههههههه

[Şα3Đ..♥]

بئه انتوا بتتريقوا علي بلدياتي بئه
اااااااااااااااااااااااااااه
وياريته بلدياتي وبس
وياريته واحد عادي
ماشي ماشي
عموما انا اخدت اساميكم واحد واحد
وان شاء الله مش هتباتوا في بيوتكم
ههههههههههههههه
بصي يا اميره
مش الريس هو اللي وحش
اللي شالوا اللوحه
واللي شالوا الشجر
والي رجعوا كل حاجه زي ما كانت هما اللي وحشين
انا قصدي مشض الريس هو اللي سبب كده

اللي تحته برضه في حجات مش بوصلوها ليه
ان مش هأفلم حات
بس برضه منظلمهوش
هويعتبر احسن رئيس مسك مصر لحد الفتره اللي فاتت دي
وكمان لافي حرب ولا يولو
انه دماغه سياسيه ومتكلفه
منوفي بئه
هههههههههههههه
والله اعلم ان كان هو السبب ولا مش هوفي اللي بيحصل ده

وبس
انا علي فكره ا قلتش حاجه
ها
هههههههههه