أصعب موقف حصل معاك في الامتحانات تعالى احكلنا وما تتكسفش من اخواتك كلنا في لجنة واحدة

[ARAGON]

أصعب موقف حصل معاك في الامتحانات تعالى احكلنا وما تتكسفش من اخواتك كلنا في لجنة واحدة

طبعا العنوان باين يا جماعة

أهلا بيكم

الكل ها يدخل ويقول اصعب موقف حصل معاه في الامتحانات

واكثر مادة كان بيكرهها

كل واحد ليه مواقف

وبمناسبة الامتحانات

نبدأ نتكلم عن يومياتنا في الامتحانات

منورين يا حلوين

عمرك مرة اتقفشت في اللجنة

كان فيه واحد زميلك بيغلس عليك في اللجنة

يا احمد اجابة السؤال رقم 9 كام

دا على اساس ان الامتحان 15 سؤال..

منفصلين

طبعا الثانوية العامة غلسة جدا

وانا من الناس اللي متشرفتش بالثانوية العامة

لاني كنت في الدبلوم والحمد لله كملت وحصلت على البكالوريوس

مغامرتنا ايه مع الامتحانات

اول واحد يدخل ما تقلقش

ابعتلنا رسالة لو كنت بتغش ومش عايز حد يعرف انكـ بتغش

ووعد مني احفظ سركـ في المنتدى

انا هاشهرك في المنتدى ههههه..

يلا يا حلوين

معاكم

90 دقيقة على نهاية الامتحانات

[big bốss]

شكرا يا مستر احمد


انا المواد كلها غلسه معايا فى الثانويه العامه

كانت كرهانى وانا بكرها


فيه مره فى لجنه امتحان ثانويه عامه


كانت ماده فرنسيه وكانت متنكد ومش عارف اعمل فيها ايه ؟


وسبحان الله دخلت الجنه وان مخى متبرجل


لقيت كتاب فى الدرج كان واحد بيغش منه فى اللجنه الى قبلى

انا شفته وافرحت وقلت الحمد الله


رحت غشيت منه وكتبت كتير وقعدت ارس حوالى ساعه


والمفاجاه انى بعد مافقت من الصدمه

لقيته كتاب انجليزى هههههههههههههههههه


وانا امتحان فرنسيه

على طول غيرت الورقه وحليت بنفسي والحمد الله جبنت 45


ليا عوده مره اخرى انتظرونى

[أنثـے مًنْ الّخٍـْيـِالْ→♀]

ههههههه

و الله يا احمد

عمرى ما حسيت انى عندى ازمة او كده زى ما بسمع و انا رايحة امتحانات

..

بس ارخم حاجة ان حد يطلب منك انك تغششه

لان كنت بكره الغش سواء انى اغش او اغشش

فكان دايما ربنا بيبتلينى بناس اجاركم الله

دى مثلا مش عايزة اجابة سؤال

دى عايزة اجابة الامتحان كله

و هى تقول بس بس وانا و لا اكنى سامعة حاجة >> مش ندالة و الله بس كرها للغش

و بعدين تضربنى على ظهرى

ففى مرة و انا بجاوب لها سؤال

فانا اللى بتكلم

راحت المراقبة اخدت الورقة منى كان فى امتحان الكيمياء بتاع 2 ثانوى

و اخدت الورقة ربع ساعة

لحد لما خلاص فقعت مرارتى

بس اللى كان مصبرنى ان انا حليت 5 اسئلة و هو ده المطلوب و كنت بس عايزة احل السادس زيادة فى التاكيد

و فعلا حليته لما رجعت لى الورقة فى اخر الوقت

ربنا ينتقم من الظالم

..

[ARAGON]

اقتباسالمشاركة الأصلية كتبت بواسطة نورررشكرا يا مستر احمد


انا المواد كلها غلسه معايا فى الثانويه العامه

كانت كرهانى وانا بكرها


فيه مره فى لجنه امتحان ثانويه عامه


كانت ماده فرنسيه وكانت متنكد ومش عارف اعمل فيها ايه ؟


وسبحان الله دخلت الجنه وان مخى متبرجل


لقيت كتاب فى الدرج كان واحد بيغش منه فى اللجنه الى قبلى

انا شفته وافرحت وقلت الحمد الله


رحت غشيت منه وكتبت كتير وقعدت ارس حوالى ساعه


والمفاجاه انى بعد مافقت من الصدمه

لقيته كتاب انجليزى هههههههههههههههههه


وانا امتحان فرنسيه

على طول غيرت الورقه وحليت بنفسي والحمد الله جبنت 45


ليا عوده مره اخرى انتظرونى

منور يا نووور

بصراحة موقف صعب..

فيه موقف يعتبر شبيه حصل لصحبي

كان بيذاكر طول الليل لغة انجليزية

وراح الامتحان لقى المادة اللي عنده لغة عربية

وحظه الحلو انه عارف شوية في التعبير والاملاء.. هههههه

منورين يا حلوين

[Rona el Tota]

هههههههههههههههه
حلوة المواقف دى
انا عمري محصلي موقف فى الغش لانى الحمد لله عمري مغشيت
بس مرة وانا لسة فى ابتدائي << ياسلام عالذكريات
كنت فى امتحان دراسات وكنت زى متقول كدة لسه بردو مش واخدة على الامتحانات
فقولت اكتب بقى بنظام وخط حلو وبتاع
والحمد لله الوقت خلص وانا كنت لسة مخلصتش
وقعدت اعيط والمراقبة كانت ميس عندي فى رابعة ابتدائي تقريبا وقالتلى خلاص خدى وقتك وبراحتك
<< المدرسة اللى كنت فيها كانت رووووووووووووعة
واللهى ادتنى وقت براحتى وخلصت ولا كان فى اى حاجة وطلعت ملكة زمانى
ههههههههههههه :vb8:
اكيد عاوزين تعرفوا اسم المدرسة اللى كنت فيها هـــــــــــــــــــــــــــــــــــــع

بس فى حاجة حصلتلي السنة الى فاتت ندمت عليها
ان مستر الاحياء بتاعنا مكنش بيشرح حاجة اصلا :thumbdown:
ومكنتش باخد درس
كنت فاكرة نفسي بقى داروين وهدخل اجيب النهائية
المشكلة انى وانا براجع قبل الامتحان لقيت نفسي ضايعة ومش فاهمة حاجة
فطبعا دعيت عالمستر دة من قلبى وقولت حسبى الله ونعم الوكيل فيه
بس المشكلة انى جبت 19.5 من عشرين
والمستر السنة دى مبيجيش المدرسة عشان جاله القلب
ادايقت اوى بصراحة وصعب عليا :cv23:
وبس

[شاعر الجروح]

والله انا اصعب موقف عليا في لجنة امتحانات ان كان فيه معيد عندنا في المعهد دايما ضدي وضد اشعاري
فجأه في امتحان لقيته في اللجنه واقف مراقب .. وكمان كان بيحاول يستفزني .. وكان بيحاول يعمل معايا مشاكل
والحمد لله عدت علي خير

[ARAGON]

اقتباسالمشاركة الأصلية كتبت بواسطة stOp maSr tOpههههههه

و الله يا احمد

عمرى ما حسيت انى عندى ازمة او كده زى ما بسمع و انا رايحة امتحانات

..

بس ارخم حاجة ان حد يطلب منك انك تغششه

لان كنت بكره الغش سواء انى اغش او اغشش

فكان دايما ربنا بيبتلينى بناس اجاركم الله

دى مثلا مش عايزة اجابة سؤال

دى عايزة اجابة الامتحان كله

و هى تقول بس بس وانا و لا اكنى سامعة حاجة >> مش ندالة و الله بس كرها للغش

و بعدين تضربنى على ظهرى

ففى مرة و انا بجاوب لها سؤال

فانا اللى بتكلم

راحت المراقبة اخدت الورقة منى كان فى امتحان الكيمياء بتاع 2 ثانوى

و اخدت الورقة ربع ساعة

لحد لما خلاص فقعت مرارتى

بس اللى كان مصبرنى ان انا حليت 5 اسئلة و هو ده المطلوب و كنت بس عايزة احل السادس زيادة فى التاكيد

و فعلا حليته لما رجعت لى الورقة فى اخر الوقت

ربنا ينتقم من الظالم

..



معلشي يا طمطم.. انا كان بيحصل معايا كده في البكالوريوس

آخر أما زهقت.. طبعا المدرج فيه 150 فرد.. هنا وهناكـ

قولت للمراقب اللي في اللجنة انا عايز اطلع بره المدرج واقعد جنب الباب عشان مش مركز

وتعبان شوية وعايز اقعد لوحدي على الترابيزة اللي هناكـ دي..

طبعا كان بيقابلني.. الناس الباردة دي..

اعمل ايه.. بس

كان فيه واحد قاعد يغلس عليا طول اللجنة وبعدين لما زهقت منه قولت ليه الورقة مفتوحة اهي..

لو عرفت تفهم ولا تنقل منها حاجة انقلها وما توجعش دماغي..

:busted_red::busted_red::busted_red::busted_red:


طبعاً.. مفيش حد بيشيل حد في الوقت ده.. دا كله بيقول يالا نفسي ومحتاجة تركيز

عشان التقدير خاصة لما يكون فيه منافسة..

[ρaρaŕazzί ♣]

احـــم احــم..>>:SuN033:

حلــــو التووبيك.......

>>هع:cv38:

انـــــا ارخم ماادة عندي هيا الالمااني..اوووووف صعـــبة..

المـــــوهييم ...

والله من كتر المواقف مووش فـــــاكرة حاآآآجة....:cv5:

بس لياآآ باآآك....~


وميرسي ع التووبيك..سي يوو...~:smile:

[مشتاقه للجنه]

شكراا يا أحمد على الموضـــوع

بصراحه أنا عمرى ما غشيت ... اوووف أكرهه <<<< كذابه


هههههههههههههههههههههه

لى مواقف ومواقف خاصه فى أولى ثانوى

كنت مضيعه خالص بجد ... ممكن انا اقوم ادعى لربنا علشان اللجنه

تكون سهله والمراقبين طيبين .... علشان نعرف نغش كويس .. هع هع

ومكنتش بحب البنات الرخمه ... >>> عارفنهم اللى بتبقى نايمه على الورقه كده

ليه ماكلنا أخوه ونساعد بعض ... بس الله يخلى البرشام بيزبط تمام هههههههههههههه

بس الان قمة الالتزام ولا غش ولا براشيم ولا تسريبات للاسئله ولا حاجه هههههههه .... ههههههههههه .... ههههههههههههه

يلا سلاموووز ....

[dr.marmar]

بعد ماعملت المشاركه وغبت اكتب فيها ساعه
النت فصل وانا بعتمد المشاركه
شفت الحظ
ابقي اكتبها تاني ان شاء الله
موضوع جميل يااحمد
تسلم ايدك