عندى مشكله

[خالد ابو النجا]

مساء الخير
انا كان عندى مشكله او باصح
مشكلة واحد صحبى
هو قلى المشكله وبصراحه
معرفتش افيده خالص
وانا جيت اعرضها عليكم
عشان تقولولى حلها
يوم من الايام كنا قاعدين
ولقيته متضايق وزعلان
فقلته فضفض معاكى يمكن الاقى لمشكلتك حل
فقال ان اخته مكملتشى دراستها وهى دلوقتى قاعده
فى البيت مكتئبه على طول وشيفه نفسها اقل من الكل
يعنى مثلا اخواتها كلهم فى كليات الا هيا
وندمانه انها معملتشاش مسقبل تعجز عليك
وتقول دائما مين اللى يرضها انه يزوجها
مع انها شطره فى شغل البيت
وبتروح عند خلتى فرحانه وبترجع زعلانه
وحكايه دى ماثره عليها جدا
وبتالى هو وش عارف يطلعها من اللى هى فيه ازاى
وانا قلته يستنى اسئل ولما اعرف لاجابه هقوله يعمل ايه
ممكن تفدونى برائكم فى هذا الموضوع
وتقبلى منى ارق تحيه

[nooody]

يعنى هى وصلت لاى مرحله تعليميه بالضبط ؟

عشان نقدر نفيدك

[خالد ابو النجا]

اقتباسالمشاركة الأصلية كتبت بواسطة nooodyيعنى هى وصلت لاى مرحله تعليميه بالضبط ؟

عشان نقدر نفيدك

يعنى وصلت لاولى ثنوى
ولما لم يحالفها النجاج
خددها من قصرها وقعدة

[حسن513]

مش عارف اللي اخذوا الجامعة الحين اعتقد ان وظايفهم مثل قلتها والبنت مستقبلها الحقيقي في بيت جوزها وكفايه انها اتعلمت لغاية الثانوي وعارف ان كثير راح يقلوا ان افكاري قديمة وان هذا كان زمان اول ولكن ما يهم وهذي سنة الحياة واكيد لو اشتغلت البنت فان هذا راح يكون تأثيره كبير على البيت لانها ستهمل بيتها واولادها وهم اهم من الوظيفة وراتب حيخلص على مصاريف المواصلات واللي عاوز اقوله ياعزيزي ان المستقيل في علم الغيب وعارف ان البنات تقول عاوزيني اسيب الدراسه واحط يدي على خدي انتظر العريس ومش عارف يعني لو كملت الدراسة مش حتتجوز اكيد اي بنت حتى لو كانت دكتورة لما تشوف البنات اللي بسنها اتجوزوا راح يكون كل تفكيرها الجواز حتى لوخيرتها بين الشهادة والجواز خاصة لما تحس ان قطار الزواج فاتها فأكيد راح تختار الزواج وبدون تفكير .
وتسلم ايديك ياجريح على الطرح الرائع والله يحفظك.

[بنوته متفائله]

انا معاك ياحسن كلامك مظبوط وانا راى خليها تشغل نفسها تاخد كرسات تعليم
ودور على شغل وتعمل لها حياه تنشغل فيها ومش شرط ابدا
انها تكون خريجه جامعه عشان تتجوز ده نصيب من عند ربنا
قوله لو كان بتعليم مكنش بنت معاها ثانوى مثلا اتجوز
مفى بنات كتير معاهم دكتوراه ولسه مجلهاش النصيب
اللهم ارزقها الزوج الصالح والذريه الصالحه الهم امين

[غنوووة شجن]

الحياة مليان طرق كتيره

هي فشلت في طريق

مش معناته خلاص توقف في مكانها

ممكن تعمل بالبيت اي حاجه تستفيد منها

ممكن تلاقي شغل كويس يسليها

وبالاخير مصيرها تتجوز وتكون اسره

وهي كدا الحياة

يتسكر باب

نلاقي غيروا الف باب

وشكر ليك

ولشعورك الحلووو تجاه صاحبك واخته

[nooody]

هقولك على حاجه

هى ممكن تقرأ باستمرار

ممكن من خلال القرأءة تكتسب

ثقافه يمكن عمرها ما هتكتسبها لو

كملت تعليمها

أصل التعليم ما هو الا مناهج دراسيه بندخل نمتحن فيها

ونخرج من الامتحان ولا بنكون فاكرينها حتى

ممكن نلاقى أنسان جاهل او مش كمل تعليمه

بس عندة ثقافه واسعه مش موجود عند واحد

مهندس أو طبيب

اذا فالموضوع مش بالتعليم أبدا

الحل القراءة ... خليها تشترى كتب وتقرأ

فى مجالات كتير وهى بجد هتحس بالتغيير

لكن انها تستلم لاحساسها بالنقص فدة اكبر غلط

وتقعد حاطه ايدها على خدها

الاحساس بالندم عمرة ما هيفيد هى توجه طاقتها

و تستغلها فى القراءة

وربنا معاها

[العفريت]

انا من رأيي لا كورسات ولا حاجة ، هي لو اتعلمت اي حاجة على النت تشغل بها وقت فراغها ، ومش مطلوب منها لما تتجوز أكتر من انها تعرف تراجع الدروس ما أولادها وتتابعهم وتعرف على الأقل تتعامل مع زوجها ، والله صدقوني يا جماعة وعن تجربة الواحد مش محتاج من زوجته أكتر من انها تكون متفتحة على الاقل تعرف ترد عليه في المواضيع العادية وتتابع دروس أولادها وأظن انها كانت في مرحلة الثانوية يعني متفتحة وتعرف ترد على الموضيع ، وأنا عن نفسي بكل أمانه لو هتجوز واحدة أو لو أخي تقدم لواحدة مش هلاقي أنسب من هذه الفتاة ، وللعلم أنا عمي مستشار وزوجته معها الاعدادية وعنده 5 أولاد منهم وكيل نيابة ومحامية وليسانس آداب وهم في قمة السعادة والفخر بهذه الأم ، الخلاصة إن ممكن فتاة مثل التي نتحدث عنها ممكن أن تكون زوجة ناجحة وصالحة أكتر من بنات كتير معهم الدكتوراة ، وخبرة الحياة لا تعادلها أكبر شهادة دراسية ، تقبل مروري

[dr.marmar]

والله التعليم ماهو بالمدارس ولابتاع
ياما ناس كتير وصلت لاعلي مراحل التعليم
ولاتفقه شئ في الدنيا دي
ودلوقت خلاص مبقتش بتفرق
خريجي الجامعات بيقعدوا علي الأرصف زيهم زي اي حد مادخلش مدراس خالص
هي المفروض تحاول هي تثقف نفسها
تقرأ كتير
وتتفرج علي برامج مفيده في التليفزيون
تتعلم كومبيوتر
ده اهم بكتير من الشهادات لو مش مع التعليم ثقافه

[خالد ابو النجا]

اشكركم جدا على مساعدتكم
وبجد افدونى بارائكم الحلوه
وانا انشاء الله هقول له
بس تفتكرو ان هيجى يوم
وهتجوز ولا هتقعد فى بيت ابوها
طول عمرها