حلقات ( اجمد عضو ) مع ( morshooo )

[مِسكُ الشَهادة]

السلام عليكم ...
الروعة في موضوعك القيم أخي الكريم أحمد
وأشكر لك جهدك المتواصل في رفعة ِ المنتدى
ورقيه كما الجميع هنا ...

وإن كان هناك أي إستفسار أو توضيح
من الإخوة الأعضاء ...
سأجيب عنها بكل ود ...

[حافظة القرآن]

حلقة اكثر من رائعة
كلنا كنا مستنينها بفارغ الصبر
جميلة بجد

والضيف شخص محترم
واجوبته جميلة وعقلانية فعلا

شكرا على الحلقة ومجهودك الكبير

[مِسكُ الشَهادة]

ربنا يجزيك ِ كل الخير والسرور أختي الكريمة
وبارك الله فيكــــ ِ

[ARAGON]

حلقة جميلة

الاخ خالد اجاب اجابة وافية ومميزة

واوضحت بعض الرؤى التي لا يختلف عنها الكثيرين

في النهاية نتمنى للجميع التوفيق

وخالص الامنيات والتقدير

أحمد

[رووكه]

احمد كالعاده متميز بحوارك الخاص واسلوبك فى القاء الاسئله

بالنسبه لى ضفنا المحترم استاذ خالد

ديه مش اول مره اتشرف بوجوده يمكن اتعملنا كام مره عن طريق

قسم النقاش ويمكن اختلافنا بس اكيد لى كل شخص وجهه نظره ولازم تحترم

بس مش يمنع ان حضرتك مشاء الله عليك فى كم المعلومات اللى عندك

بس بردو انا مش معاك انك تمحى او تتهم شخصيه زى السادات انها خانت او اجرمت

ولا اننا نشير الى اى رمز من رموز مصر بانها خاينه او غيره

مهما حصل الشخصيات ديه مازالت بتتدرس لينا ولى الاجيال الجديده

شخصيات ليها وضعها ومكانتها العظيمه

بستسمحك انك مش تجرح فيهم

واشكرك يا احمد على الحلقه وعلى الضيف المميز جدااا بصراحته

[مِسكُ الشَهادة]

مرورك شرف ٌ لنا أخي الحبيب
وبارك الله فيك دوما ً ...


الأخت الكريمة روكة ...حياك ِ الله
وكرمنا بمرورك ...
ولكن للإيضاح أختي الفاضلة ...
نحن لا نعترض ع السادات رحمه الله لانه السادات
إنما نعترض ع موقف لم أخونه فيه أنا وحدي
إنما الأمة الإسلامية والعربية كلها ...
وكما قلت كل الإحترام لكل ما أنجزه من بطولات ويا حبذا
لو مات عليها فالكل أثنى عليه حينها والدليل أن خلافنا
ليس خلاف شخصي أن الكل إنتقده فقط بعد معاهدة السلام مع إسرائيل
ولكن في حرب رمضان أجمع الجميع عليه ...
صراعنا ليس صراع حدود إنما صراع وجود
وخلافنا ليس فقط مع من يُعارضنا إنما كل شخص
يُعارض ديننا وعاداتنا وغاية أوطاننا الحرة المسلمة
وأنت ِ أختي وصفتيني في نهاية حديثك بالصراحة
وأنا فعلا ً كذلك ...وأنا كخالد ضد أي إنسان يخون بلده
حتى لو كان من الإخوان المسلمين فأول من سيعارضه أنا
وأول من سيحاربه أنا ...ومع كل إنسان شريف مناضل
بغض النظر عن دينه مسيحي أم مسلم شيوعي أو ليبرالي
وأنا أول من يعتز به ويفتخر ...
غايتي إرضاء الله وأن يجلب لمصرنا الغالية الحبيبة
العظيمة من يحميها ومن يسير بها للأعلى بغض النظر عنه
لنتكاتف جميعا ً لنتحد في وجه ِ عدونا الأوحد إسرائيل ...
مرورك شرف ٌ لنا وحقيقة ً أنا أول مرة أتشرف بالحديث معك أختي الكريمة
والإختلاف لن يُفسد إخوتنا بعون الله وفضله...

[morshooo]

[IMG]http://upload.***************************/files7/12994129071.gif[/IMG]


بسم الله الرحمن الرحيم


اهلا ومرحبا بكم


وحلقة جديدة من برنامجكم


اجمد عضو


النهاردة معانا ضيفة مميزة جدا


يمكن قدمت شكوى فى قسم الشكاوى


والى لفت نظرى للشكوى عنوانها وهو الى خلانى


ادخل اشوف فية ولما دخلت قريت شكوتها


لقيت ان عندها حق فى الشكوى بتاعتها


ويمكن ممكن مكنش يحصل كل الى هتشوفوة فى الحلقة


لو كان العضوين اخدو الامور ببساطة شوية


المهم هنشوف دلوقتى حلقة النهاردة


معايا العضوة المميزة


عذب المشاعر


[IMG]http://upload.***************************/files7/12994129071.gif[/IMG]


اهلا بيكى


ودلوقتى تعالو نشوف


عناوين من اللقاء


عذب المشاعر : انا بنت مصرية هادئة عاقلة احيانا مرحة متقلبة المزاج وأميرة بأخلاقى


انا بحب القراة والسفر والتغيير من الروتين اليومى وعندى انتماء لى اصحابى جدا


توبيك ( باركولى خطبنى واحد من المنتدى ) كان بداية المشكلة والتوبيك هدفة واضح وصريح لكل الاعضاء


من خلال ردود الاعضاء حسيت ان الثقة معدومة وحب النت حب مهزوز والى بيعارض حب النت وهو بيعيش حالة حب عن طريقة بيكون انسان متناقد مع نفسة


مشكلتى مع العضو ( نبيل البصراوى ) انة اساء مرتين فى حقى وانا لن ولم اقبل أبدا هذا التجريح


محصلش بينى وبينة اى حوار سابق ومعرفش انة فى المنتدى الا لما رد على موضوعى


ردة فى الموضوع كان تلميحات ليس لها معنى وقدمت شكوى لى الادارة ومعملتش حاجا وكنت اتمنى ان يكون ليهم موقف


منتدى بنات مصر منتدى جميل يعتمد على المعلومات والمواضيع الهامة وبستفاد من المنتدى اووووووووى


اجمد عضو برنامج روعه يستحق التقدير والاسئلة جميلة ومفيدة وفكرت قبل قبول الدعوة بس وافقت لان الموضوع يخصنى


ودلوقتى تعالو نشوف الحوار كامل


[IMG]http://upload.***************************/files7/12994129071.gif[/IMG]

س / اسمك وسنك ومؤهلك ؟

علا

24 سنه

مؤهل متوسط

س / عرفى الاعضاء مين هى ( علا ) ؟

بنت عاديه جدا

مصريه

هادئه

عاقله احيانا

مرحه احيانا

متقلبة المزاج لكن متحكمه

اميره باخلاقى

اتمنى ان اكون فى الحياه على قدر كافى من المسئوليه

س / ( عذب المشاعر ) يعنى اية ؟ ولية اختارتى الاسم دا فى المنتدى ؟

اعذب احساس (احساسى مرهف )

س / اية حكايتك مع ( القراءة - السفر - البحر ) وكمان صحابك الانتيم ) ؟

كل الحكايه انى بحب القراءه جدا والتطلع على كل ماهو جديد

وبحب السفر والتغيير من الروتين اليومى لانى فيها بغير احساسى للافضل

البحر فااانا بعشق البحر بنسى همومى فيه

اما بالنسبه لاصحابى الانتيم عندى انتماء دايما وحب لاصحابى وهم

من ضمن اهتماماتى فى الحياه لانهم وقفو جمبى كتير فى اصعب

الازمات وهم من اقرب الناس لقلبى


[IMG]http://upload.***************************/files7/12994129071.gif[/IMG]


س / طيب ندخل بقى فى الجد مستعدة طبعا ؟

ايون

س / البداية كانت توبيك ( باركولى خطبنى واحد من المنتدى ) ؟ اية الهدف من التوبيك دا ؟

الهدف واضح طبعا وصريح لكل الاعضاء بدون تدخلات شخصيه ده

مجرد حوار هادف ومثير للجدل اقدر اعمل احصائيه عن الارتباط عن طريق النت وخصوصا المنتدى

س / طيب انتى اية رائيك فى الموضوع وهو الارتباط عن طريق المنتدى ؟ يعنى لو حصل معاكى هتعملى اية ؟

رايى ممكن يكون مختلف تماما بعض الشىء عن اراء اخرى وهى بانى

مش برجح فكرة الارتباط عن طريق النت لانى مش بقدر اقيم

الانسان اللى قدامى واعرفه كويس والحقيقه انا معنديش استعداد ان

اتعرف على شاب على النت واعمل قصه حب وبعد كده هو يفكر

يتقدملى او لاء محطش نفسى فى صورة اختيار ابدا ويكون هو حابب

يتعرف عليه الاول انا برجح التعارف يكون رسمى فى بيتى مش فى

شاشة الكمبيوتر لانه احيانا بيكون ستار بيخبى ماوراؤه تفتكر هو

ممكن يكون بيتكلم بجد وبصدق وانا اقدر اصدقه بالسهوله دى

مشكلتى مش بصدق بسهوله اى كلام وخلاص


[IMG]http://upload.***************************/files7/12994129071.gif[/IMG]

س / من خلال مشاركات الاعضاء فى التوبيك طلعتى بى اية او اية الفوائد الى طلعتى بيها ؟

الثقه معدمه

س / حب النت انا بقول انة اصبح وسيلة رئيسية لى الارتباط رائيك اية فى حب النت ؟

بعتبره حب مهزوز

س / كتير بنلاقى ردود الاعضاء فى المواضيع الخاصة بــ ( حب النت ) انهم بيقولو لا احنا ضد وتتلاقيهم عايشين قصة حب مع بنت عرفتها عن طريق النت دا معناة اية ؟

ده انسان متناقد مع نفسه وليه يخبى مادام عارف انه صح افتكر انه

عارف انها علاقه غير صريحه ومحدده

س / تفتكرى احنا بقينا كشباب متناقد فى ارائنا يعنى نقول امام الجميع لا واحنا بنعمل الحاجا دى ؟

هههههههه ايه يااحمد انت عايز المنتدى يزعل منى ولا ايه مش كلنا

وزى مابيقولو صوابعك مش زى بعضها

س / اية حكاية توبيك ( عقوبة الايذاء باللسان ) ؟

لكل خاطىء فى حق غيره وايذائه بكلام يسىء ليه ويجرحه وقفه وبشده

س / اية الى حصل من العضو ( نبيل البصراوى ) ؟

ف

ى البدايه هذا العضو اساء مرتين فى حقى وانا لن ولم اقبل ابدا هذا

التجريح بالكلام اولا الاستخفاف بموضوعى ورد خارج عن اطار

الموضوع وتدخل شخصى ليس له قيمه

ثانيا الاساءه لى بكلام غير لائق يخرج من عضو ينص عليه المنتدى

بقوانين محدده واولها احترام المنتدى بمافيه من الاعضاء والاداره

ولكن للاسف هو خرج عن اطار قوانين المنتدى

وطبعا انا كان رد فعلى واضح بانى تعاملت معاه بسماحه وعلشان انا

بحترم نفسى اولا وبحترم المنتدى مرديتش ارد باسلوبه ابدا بطريقه

تجرحه بالكلام بل بالعكس كنت متفاهمه جدا لابعد الحدود


[IMG]http://upload.***************************/files7/12994129071.gif[/IMG]

س / ياريت توضحلنا اكتر كان معنا رد العضو اية على موضوعك ؟

تلميحات ليس لها معنى

س / مش يمكن ردة دا يقصد بية الهزار مش اكتر خاصة انة قالك ( لو ملقتيش عريس انا موجود ) ؟

هو شايف ان فى مجال للهزار فى الموضوع ده عنده قسم النكت يقدر

يهزر هناك براحته ومعتقدتش انه بيهزر الهزار اكيد له حدود والا كان رد اعتذر لما قولتله

مش معنى ان الموضوع بيفرض على الاعضاء يقولو رايهم بحريه تامه

ان حضرتك تهرج وتحاول تخرج عن حوار الموضوع وتتكلم فى

حاجات متخصش اى عضو وبعد كده تحاول انك تمزح بطريقه غير

مقبوله من حقك تقول رايك وده موضوع مفتوح لكل الاعضاء

لكن ردك الحقيقه غير مقبول وانا الحقيقه مضطره ابلغ عنك الاداره

انت وجودك هنا فى منتدانا تفيد وتستفيد مش تتكلم بطريقه زى دى

عموما الرد عنوان صاحبه ونصيحه لوحابب تفضل فى منتدى بنات

مصر اتكلم بطريقه الطف من كده ولما تحب تهرج ياريت مش فى

صفحتى لوسمحت وعيب اوى لما يكون فى منتدانا عضو بيستخف بالمواضيع

طبعا ردى كان بدون اهانه لانى متعودتش اجرح حد ولو هو بيهزر مكنش رد عليه وقالى

السؤال هنا ..
ياريتك تفهمين كلامي عدل وبصوره جيده
واذ بدك تهدديني اعملي الي يرحك اذ ما تنعفرين مكان الادارى انا بدليك
ونا من تكلمت هاذ كان بيامنا في المنتدى صح انك جديده ما تعرفين من هم اذ ترين مشاركاتي قليله كنت تارك المنتدى بسببهم
ونتي من خليتي الموضوع ما تحكمين على الرد لو كنتي تحكمين اكتبي الردود انتي وعطيها للعضاء
بس هاذ مو ضوعك مثلك ونتي افهميها
من تاريخ سجلت لحد اليوم ما اشتكه مني حد
ونا هم ما حاي اترعف على ناس مثلك تحمل هل الافاض اختي الكريمه راح اطلب من المشرف يحذف ردي
لا تدخلي ولا ادخل لكي ما يناسبني شخص مثلك اكون لهو صديق سلامي بدرون رد

طبعا الكلام واضح فى رده انه مش هزار انه كان قاصد كلامه باساءه

وانا مش بسىء الظن به (ان بعض الظن اثم )انما تعبير كلامه يدل

على الاساءه اذ ماتلقين عريس انا موجود انا منزلتش الموضوع ده

علشان يكون رده بالاسلوب ده ولاطلبت صداقه برضو علشان

يكون رده كده الحمد لله ان اللى مثلى قليل وانك كل مابتحاول تهين

مبتهنش الا نفسك( لسانك حصانك ان صنته صانك)وانا مش برد

على اى حد بيهين نفسه يااخى الكلمه الطيبه صدقه مش قادر تقولها

اسكت افضل وعلى فكره دى مش صدقه ليا دى لنفسك تنفعك

ولما تحب تتكلم عن ردود اتكلم عن ردك انت بس كل الاعضاء

افتكر انهم عارفين بيقولو ايه كويس ومش محتاجين ان اعطيهم ردود

للمواضيع مش فاهمه انت بتدخل فى تفاصيل ليس لها معنى طبعا

الهزار له حدود مش بالاسلوب ده ابدا نفترض انه كلامه فى الاول

اذ ماتلقين عريس فاانا موجود مش مهم الكلمه دى اعتبرها هزار

طيب كلامه والاساءه دى بردو هزار ده هزار ايه ده اللى انا ممكن اقبله


[IMG]http://upload.***************************/files7/12994129071.gif[/IMG]

س / انتى شايفة ان ردة دا كان أهانة ليكى ولى عضوين اخرين ؟

انا شايفه انها مش اهانه لكن تهريج بس بصوره انا مش اقبلها وانها

اهانه للعضوين ميخصنيش لانى معرفهومش هو اللى يعرفهم واتكلم

عنهم و مش حابه اتكلم عن شىء ميخصنيش ويكون فى موضوعى

ويدخل فى تفاصيل ليست فى اطار الموضوع

س / طيب وضحى بس لى الاعضاء الردود دى كانت فى التوبيك والا فين ؟

اول رد فى التوبيك تانى رد فى رساله

س / انتى كان فى اى حوار حصل بينكم قبل كدا ؟ والا هو هزر معاكى بالشكل دا لية ؟

لالا الحقيقه محصلش بينا تعارف ولاحوار قبل سابق ومش اعرف انه

موجود فى المنتدى غير لما رد على موضوعى

معرفش ليه الهزار والتلميحات دى خصوصا ان الموضوع حوار ونقاش فقط وليس الاااا


[IMG]http://upload.***************************/files7/12994129071.gif[/IMG]


س / انتى عرضى فى الشكوى حوار دار بينكم قوليلى كان رد فعلك اية لما بعتلك الرسائل دى ؟

مش صفاتى ومرديتش لانى ارقى من كده بكتير

س / الادارة عملت اية لما بلغتيهم بالى حصل ؟

الاداره كان الله فى العون طبعا مقدره مسئولياتها العظيمه

س/ انتى قولتى ان الادارة معملتش حاجا تقوليلهم اية ؟

هههه ربنا يقدركم على حل و تحمل مشاكل الاعضاء

س / يعنى انتى شايفا ان تصرف الادارة صح انهم معملوش حاجا ؟

لاء

كان المفروض على الاداره انهم يكون لهم موقف واضح ويتم

تحذير اى عضو بيخطىء فى حق غيره وان ده دورهم من الواجب

اتباعه مثل اتباع القوانين الواجبه علينا كاعضاء فى المنتدى مثل زى مالهم حقوق احنا كمان لنا حقوق

س / انتى اصلا محدش من الادارة دخل رد على شكوتك حتى مفيش الا ( محمد الشريف ) عشان هو الى ماسك قسم النقاش ؟

فعلا كان فيه لامبالاه من الاداره وان لما بعت الشكوى (محمد الشريف )

الحقيقه تفهم المشكله وانه واجب على الاعضاء كلها الالتزام

بقوانين المنتدى وان مفيش حد يتعدى على الاعضاء فى رده على

موضوعهم باسلوب مخالف لان المنتدى له ادابه الواجب اتباعها وعدم

تجاوزها وطلب منى رابط الموضوع وكل ماصدر منه تجاهى وبالفعل انا بعت رابط الموضوع


[IMG]http://upload.***************************/files7/12994129071.gif[/IMG]

س / تعالى بقى ندخل فى المنتدى شوية ؟ اية رائيك فى منتدى بنات مصر ؟

منتدى جميل جدا يعتمد على المعلومات الواضحه والمواضيع الهامه

واكتر حاجه عجبتنى فيه الروح اللى فيه وان بيجمعنا الود والاحترام

بين الاعضاء عن صدق يارب دايما بخير

س / انتى عرفتى المنتدى منين ؟ واشتركتى ازاى فية ؟

لااااااا دى حكايه طويله يااحمد بس كنت حابه اسجل فى منتدى مصرى وعرفته بالصدفه (قدرا ) كنت بعمل search

عن منتدى يكون كله بنات فقط ومصريين بالفعل لقيت المنتدى

عجبنى وسجلت فيه لكن بعد ماسجلت فيه لقيت انه مش مقتصر

على بنات فقط فيه بنات وشباب انا استغربت شويه من الاسم

هههههه ( خدعوك فقالو ) بس بعد كده لقيت كل الاعضاء بنات وشباب محترمين واخلاق عن صدق

وانهم بيتعاملو معانا بود واحترام على فكره انا مش ضد انهم يكونو

موجودين لحسن تزعلو منى ولاحاجه لاء طبعا وجودكم عظيم

س / انتى بتستفادى من المنتدى والا لا ؟

اوووووه كتيييييييير

س / قدرتى تكونى صداقات من المنتدى ؟ والا فى حالك مالكيش دعوة بحد ؟

يعنى مش كتير لكن علاقتنا ببعض كويسه جدا الحمد لله ومش

بالظبط كدا دايما مع نفسى انا اجتماعيه لكن علاقاتى محدوده لكن

بحبهم وبقدرهم اللى بتعرف عليهم واللى بردو مااتعرفتش عليهم

بحترمهم من قلبى وفى فرصه سعيده نتعرف على بعض "


[IMG]http://upload.***************************/files7/12994129071.gif[/IMG]


س / اية اكتر قسم بتهتمى بية وبتحرصى على التواجد فية ؟

قسم المواضيع العامه

س / عايزك توجهى كلمة لى اعضاء منتدى بنات مصر ؟

دعوة مشاعركم وأحاسيسكم تتفاعل مع بعضها البعض لتعطي

للمنتدى رقيا و لنا مزيج من الحروف والمعاني الجميلة مما تدل على

حبكم للمنتدى وللأعضاء وبشكركم لتواجدكم العطر"

س / السؤال الدائم فى البرنامج ( اية رائيك فى اجمد عضو ) ؟

رووووعه يستحق التقدير الاسئله مفيده ومهمه جدا ومباشره تناقش

مشاكل ومواضيع نقدر نتعلم ونستفيد منها فى حياتنا

س / لما بعتلك الدعوة فكرتى فى قبولها والا وافقتى على طول ؟

فى الاول فكرت لكن حبيت اكون ضيفه لان الموضوع بيطرح مشكله تخصنى

س / انتى وافقتى على الدعوة لية ؟

حسيت ان البرنامج يتيح لكل الاعضاء يتكلمو بصراحه ويعبرو عن ارائهم بحريه تامه


[IMG]http://upload.***************************/files7/12994129071.gif[/IMG]


وبكدا تنتهى حلقتنا النهاردة


اتمنى ان تنال اعجابكم


انتظرونى وحلقة جديدة


من برنامجكم


اجمد عضو


تحياتى


morshooo


ملحوظة : اتمنى عدم الرد بأى اساءة فى التوبيك من اى عضو ولو العضو الغالى ( نبيل البصراوى ) حابب الوجود فى اجمد عضو اكيد يشرفنى وجودة واكيد هبعتلة دعوة

[IMG]http://upload.***************************/files7/12994129071.gif[/IMG]

[عذب المشاعر]

شكرا ليك يااحمد على برنامجك الاكثر من الرائع وعلى استضافتك ليا وعلى مساعدتك فى طريقه لطرح المواضيع وحل المشاكل وبالتوفيق دائما ويسعدنى تقديمك للبرنامج وحلقات ممتازه
تحياتى
عذب المشاعر

[ARAGON]

السلام عليكم ورحمة الله وبركاته

بالنسبة لنقطة ان الادارة ما ردت على الموضوع

تفضل الاخ محمد الشريف "مراقب إداري" بالمنتدى له صلاحيات الإدارة في حل النزاعات بين الأعضاء حاله حال جميع المراقبين
والذين نكن له وافر الاحترام والتقدير وهو أهل الثقة الكبيرة والاحترام الكبير أيضا

تفضل مشكوراً بمتابعة الموضوع وطلب من العضوة

الآتي:-
اقتباس

الأخت / عزبة المشاعر

رجاء إرسال رابط الموضوع حتى يتسنى لنا إتخاذ اللازم

فعلاقات الأعضاء ببعضهم البعض ينبغى أن تكون فى إطار

الود والاحترام المتبادل كركيزة وثوابت واجبة الاتباع يغلب

عليها روح الأخوة الصادقة بين الجميع .

مع موفور الاحترام

كنتي المفروض تردي على الاستاذ محمد وتعرضي الموضوع ورابطه

بس ما ابديتي اهتمام او نسيتي الله أعلم

احنا بنقدر مشغوليات الجميع وبنقدر اللي يقدر اكثر واكثر

وان شاء الله نشوف محل الخلاف وتقدري تعرضيه من البداية لو حبيتي

وتعرضي المطلوب في طلب الأخ محمد الشريف

بالتوفيق دايما

[الرحــاال المٌتَمرد]

اقتباس
المشاركة الأصلية كتبت بواسطة حورااااااء

اولا حلقه رائعه جداااا مع ضيفه رائعه
وانا
عندي مداخله صغييييييره جدا صريحه جداااااااا
غير مقصود بها احد معين اتمنى تقبل صراحتي

الشعب العربي شعب متخلف بكل المقاييس
!!!!!
وانا كثيييييير لاحظت هذا الشي
ان
الحب اصبح وحش مفترس يهدد حياتنا بالخطر
والعقول توارثت افكار وراثيه ترسخت وصعب القضاء عليها
باقوى مبيد
السبب ليس في الحب ولاتلقوى بالوم على الحب
السبب في العقل البشري المتخلف
الحب حب واحد اينما كان موقعه الجغرافي
مهما تعددت الاسباب والطرق يضل الحب
واحد وليس كل من خلف الشاشه مدجن مروض
الحب واحد مهما اختلف سبل الحصول عليه
وانا لست ابدا ضد الحب سوا بهذا الطريق او غيره
لانه واحد
انا ضد الافكار التي ترسخت في العقول
فهي افكار وراثيه وعادات وتقاليد جاهليه
تجدمعضم قسم النقاش والحوار يتحدث عن حب مهزوز بداخله يريد
له علاج فوري ومع الاسف الشديد لن يجد علاج لان الاجابات
فيها تحامل على الحب وفيها عدم ثقه ابداااااا
الحب واحد وما اختلف نفوس البشر الهائجه
الدخلاء على الحب
الحب له اعمده اساسيه ان بني عليها لن
ينهار لو اجتمعت كل قوى الارض
الحب ثقه لاتقبل الاهتزاز
وفاء لايعرف الخيانه
صراحه لاتعرف لفائف الكذب
الحب امل في الله وتوكل عليه
في العلاقات لان النجاح بيد المولى العزيز الجبار
والحب ان قام على هاكذا فهو ناجح جداااااااا بلا نقاش
لكن الكثير الان من القصص والاحداث المحيطه
يتهم الحب؟؟ وطرق الحب؟؟
اليس القلب واحد
السبب ان لاثقه موجوده
واتخاذ الحب وسيله الى الوصول الى مصالح جسديه
مقرفه
الحب اسماء من كل التخاريف الحب عطاء ليس له حدوووووود
واعيد واكرر ان ما اختلف هو العقول والاغراض المكبوته الهائجه
تحت مسمى الحب
اختكم حوراء

الاخت الكريمــه
حوراء
انا بتفق مع حضرتك فى جميــع ما تقدمتــى بــه
ولكن الاختلاف على جمــعك
الشعب العربي شعب متخلف بكل المقاييس
انا لا اقبـــل مثل هذه الاهانــه لانى عربـــى
واختلاف العقـــول والتفكيـــر والسلوكيات .. فى جميــع انحاء العالم
افهم من كلامك ان الغرب هما ايلى بيحبــوا بصدق واخلاص.. الحب الحقيقى من وجهه نظرك ...
ارجوا من سيداتك .. عدم جمــع صفــه بين جميــع الناس
بمقدورك قول (معظم , اكثرهم) وما شبهه ذلك
ولك كل الاحترام والتقدير