حلقات ( اجمد عضو ) مع ( morshooo )

[الأميرة رودي]

اقتباس المشاركة الأصلية كتبت بواسطة نجم وزهره ومسافات فراق الغالي والمبدع دائما اخي مورشو هقول باختصار ردي اقسم بحق جلال الله وبلا اي مجاملات على الاطلاق من افضل واقوى واجمل حلقاتك وبكل صدق ووضوح اختي الفاضله ( والصريحه ) رودي مع احترامي للجميع اول مره اشوف صدق كده هقول شيئ اخير وسامحوني لتقصيري في الرد ربنا يحميكم من العيون شكرا ليكم بجد اجمل تحيه وخمسين نجمه اخوكم نهاركم سعيد ,,

شكرا لك
نورتنا

[morshooo]

اقتباس وبرضة تعقيب بسيط لمرشدى لما الضيف يجيب سيرة أى حد بكلامة كان برضة تعرفة بالموضوع ؟حتى لا يفاجاء بذكر اسمة هنا

اهلا ساحر

هو انا جبت سيرته فى ايه

هى مش مشرفه القسم

والى حصل دا حصل قدام الجميع

الكلام دا لو مستضيف حد عشان مشكله بين اتنين

لكن دى حلقة عن الصفحات والى بيحصل فيها

والى بيشتكى او بيقول انى جبت سيرته كان من باب اوله

انة يعترض الحلقه الى فاتت لما اسمه اتجاب

او يعترض لما نزلت اعلان التوبيك وكان فى سؤال باسمه

او يعترض قبل ما يسيب رد ويتم حزفه .

[აα∂ Ԑγεა]

حلقة جميلة جدا يا مورشو
هادية علي عكس حلقات كتير
يمكن رودي فرضت رتمها عليك المرة دي :]

ضيفه مميزه ونشيطة للغاية وكمان مخلصه جدا في اللي بتعمله
وبتحب مكانها وبتسعي دايما لانها تطوره

عجبتني اجاباتها جدا واقتنعت بكلامها اللي بتقوله ,,
بالنسبة للجزئية اللي ذكر فيها اسمي ,,

سعيد ان لو في حاجة بيتم نقاش وبتتنهي
لان رودي من الناس اللي بحترمها وبقدرها جدا ف المنتدي
وهيا شخصية تستحق جدا دا ,
الحمد لله ان مفيش حاجة مزعلاها مني وان كل حاجة وضحت
وتسلمي يارب يا رودي حقيقي انتي اللي فعلا تستحقي الاحترام والتقدير ودي حقيقه جدا

تسلم للحلقة الجميلة دي يا موروشو واستضافتك للضيفه المميزه هيدي

[ماتركس]

مساء الخير عليكم يا حلوين

ازيك يا ابوحميد وحشني والله ياريس

اولا منوره يا رودي الحلقه

بما انكم فتحتو الموضوع بقي يبقي نحكي الحكايه من البدايه علشان نعرف مين الغلطان

وتعرفو كمان كان من حقي اني انزل القانون

كل وما فيها اليوم اللي نزلت فيه القانون دخلت قسم الشكاوي لقيت عضو بيشكي من مستر ميرو

انو حذف ليه بعض مشاركاته بحجه انها رمي كلام فا دخلت المديره العامه انصفت المشرف

علي العضو واي واحد كان هيحكم في الشكوي دي من قبل ما يدخل صفحات مستر ميرو اكيد كان

هيحكم لصف مستر ميرو ومن حقه يحذف للعضو ده مشاركاته علي اني فيها بعض التلميحات

لااعضاء اخرين انا لما دخلت مرضيتش ارد عل الشكوي غير لما اطلع في صفحات

مستر ميرو علشان كنت متاكد انو اي عضو مش هيرمي كلام علي عضو تاني غير لما يكون العضو

التاني ده مستفزه او رامي عليه نفس الكلام وبالتاكيد هوه ده اللي حصل لقيت في مشاركتين

مستر ميرو مستخدم نفس الاسلوب في كتابته اللي هوه نفس الاسلوب اللي عاقب عليه العضو

وحذف ليه مشاركاته فاضريت ادخل ارد في الشكوي واحذف لمستر ميرو بعض المشاركات

اللي هوه مرمي فيها كلام علي اعضاء في المنتدي وخلاص علي كده بعدها لقيت رساله من مستر

ميرو باسلوبه مش اسلوب عادي بيقوالي فيها انا رجعت المشاركات وياريت متحذفهاش تاني

علشان انا مرميتش كلام في المنتدي انا برمي كلام علي ناس خارج المنتدي وبتكلم

علي ناس خارج المنتدي وبرضوه مستكفيتش بكده وقوالت بما اني اني بدخل قليل

سئلت ناس تانيه علي مستر ميرو لقيتو برضوه واخد كذا تحذير بسب رمي الكلام في صفحاته

وبيقوالي ساعتها متضرنيش اقدم فيك شكوي

انا منعنا للمشاكل مرضيتش اشد معاه وقوالتله خلاص يبقي عدل الكلام في مشاركاتك

انا مرضيتش اشد معاه لمنعا للمشاكل وكنت متاكد اني ممكن ناس تقوالي

يعني ماتركس مختفي واليوم اللي يدخله جاي يعمل مشاكل

فانا حبيت الم الموضوع وقوالت برضوه بما انو مشرف مش عايز احرجه

وكفايا عليه يعدل مشاركاته وبرضوه في ناس كتير وافقتني علي القانون ده

وعلشان كده عملت القانون ده وكان لازم انزله من غير ما ارجع ليكم لما نلاقي مشرف بيطبق قانون علي

عضو وهوه اصلا غلطان نفس الغلطه يبقي لازم نعمل كده ونعرفكم غلطكم فين

كده عرفتو نزلنا الموضووع بدون علمكم ليه

وعلي فكره كلمه اخيره احنا بندخل قليل الايام اللي فاتت كان غصب عننا بس الايام دي واللي جايه

باذن الله هندخل كتير علشان يبقي من حقنا نتكلم في المنتدي

علشان الناس بتاخدها الموضووع من الناحيه دي لو الناس هتاخدها من ناحيه اللي

بيدخل ومبيدخلش ما انا ممكن اقول انا مشاركاتي عليا

انا جبتها منين لو واحد دخوالو قليل هيبقي مشاركاته عليا يلا ما علينا

يلا موفقين

[S n i p e R]

يااااااااااااااااااااااااه والله يا زمن
معلش يا جماعة انا جاي بفتكر الذكريات عندكو
لسه زي ما هو البرنامج يا مورشدي
بس كعادتك بصراحة بتعرف تنقي المشكلة وتقدم برنامج جاااااااااااااااامد
انا مش عارف المشكلة واللهي انا لسه يدوبك داخل قابلت الموضوع
بس انتي مينفعش تسكتي على حاجة زي كدا يا رودي
وماتركس انتيمي منذ الصغر وراجل مراقب وحقه يعمل اللي عايزو
انا جاي اهدي النفوس
استهدوا بالله يا جماعة هو شيطان ودخل بينا
وياما عملنا خناقات قبل كدا والدم كان للركب
برنامجك توحفة كعادتو من زماااااااااااان اووووي يا احمد يا مرشدي
تحياتي

[morshooo]

بسم الله الرحمن الرحيم

اهلا بيكم جميعا

وحلقه جديدة من برنامجكم

( أجمد عضو )

الحلقه دى هتكون خاصه جدا

لان ضيفى كلنا تابعنا الى حصل معاه خلال الايام الماضيه

فكان لازم استضيفه عشان نعرف

ايه سبب الـ حصل معاه دا

هيكون ضيفى فى الحلقه القادمه

Mr. M ! r o

تعالو نشوف سئلته عن ايه

moshooo : فى اختلاف بين انك تكون فى الملجأ وبين انك رايح زيارة واقصد اختلاف بالنسبه ليك انتا ؟

اية الخلاف الى حصل بينك وبين المنشاوى الفترة الاخيرة ؟

كنت متوقع ان حد يعمل كدا معاك ؟

انتا اتحظرت ورجعت تانى بعد ردك فى التوبيك ؟ مين حظرك ومين رجعك والا ماتعرفش ؟

مش ندمان انك قولت فى المنتدى انك متربى فى ملجأ وانك كنت هربان من البيت ؟

شايف ان اهلك سبب فى الى انتا فية وسبب فى الكلام الى اتقال عنك من المنشاوى ؟

لو لقيت اهلك فعلا اية اول سؤال هتبقى عايز اجابته منهم ؟

اتوقعت انى استضيفك فى اجمد عضو عشان تكلم فى الموضوع دا ؟

انتا وافقت على الاستضافه ليه ؟

كل الاسئله دى واكتر هنشوفها

الحلقه الجايه من

أجمد عضو

تحياتى

[۩۩ elMagic ۩۩]

خلاص بقآ اتعودنا
ان دا إعلان قبل نزول الحلقه :d
طبعا هتبقى ناااار
منتظرينها بقآ

[تيتشر نفشه ツ]

مرشد مع نفسك هف

[ساحر الأحزان]

هو مرشو

اتعود على التشويق

فى حلقاتة


وبعد التشويق تقلب لهدوء

منتظرين ميرو

ومعاة المعد

مرشدى

تحياتى ليكم

[єLмσsħαx]

شكلها هتبقى حلقة جامدة كالعادة
فى الانتظار