الفندق

[رايقه وأكشر ليه]

واحد بلدياتنا راح يبات
هوا و المدام فى الهيلتون
ليلة

تانى يوم الصبح
بيطلب من موظف الاستقبال الحساب



و دار بينهم هذا الحوار التالي :

الرجل : الحساب كام من فضلك ؟

الموظف : 1000 جنيه بس يافندم
الرجل : ألف جنيه ليه يا أستاذ ... كتير قوى مبلغ ألف جنيه فى ليلة
دى كانت ليلة واحدة يا محترم


الموظف : أجرة المبيت فى الليلة بـ 400 جنيه



الرجل : طب و الـ600 جنيه الباقيين ليه بقى إن شاء الله ؟؟
الموظف : عندك 100 جنيه أجرة الموظفين اللى بيشيلوا شنط سيادتك لما نزلت
من التاكسى ، مش كان فيه شيالين بيشيلوا الشنط منتظرينك ؟
الرجل : أما غريبة و الله ... بس أنا شلت الشنطة بنفسى و ماحدش شالهالى
الموظف : ماهو كانوا موجودين قدام سعادتك .. ما ناديتش عليهم يشيلوا لك الشنطة ليه ؟؟


الموظف مستطرداً... هاكمل لحضرتك باقى المبلغ
عندك 50 جنيه
إستعمال سجاجيد السجادة اللى من غرفة حضرتك للمطعم
الرجل : أنا ما مشيتش على سجاجيد أنا كنت بامشى
على الحتة الفاضية اللى مش مغطياها السجادة

الموظف : ماهى السجادة كانت عند سعادتك ... ما مشيتش عليها ليه ؟؟

الموظف : و عندك 200 جنيه إستخدام حمام السباحة
الرجل : بس احنا ما نزلناش عومنا فى الحمام خالص ..
هوا احنا وش عوم و مايوهات

الموظف : حضرتك حمام السباحة كان قدام سعادتك ما نزلتوش عومتوا ليه ؟؟

الموظف : و عندك 100 جنيه إستعمال التليفزيون و قنوات
الدش و الريسيفر فى الأوضة

الرجل : دش ايه اللي انت جاى تقول عليه !
احنا ما شغلناش
امبارح غير القناة الأولى و التانية .. هوا كان فيه دش !!

الموظف : قنوات الدش كلها كانت عند سعادتك ما اتفرجتش عليها ليه ؟

الموظف : و عندك 150 جنيه إستعمال سخان الميه اللى بالكهربا فى الأوضة
الرجل : الدنيا كانت حر أصلاًُ و ما أستعملناش السخان فى حاجة

الموظف : مالناش دعوة .. السخان كان عند سعادتك ما إستعملتوش ليه ؟؟
الرجل : أما شيىء سخيف قوى

انتظر الرجل لحظات ثم أخرج له 400 جنيه فقط

الموظف : دول 400 جنيه بس

الرجل : الـ 600 جنيه الباقية ثمن بوساتك للمدام بتاعتى
الموظف : ايه الكلام الفارغ ده ... حضرتك عاوز تجيبلى مصيبة
هوا أنا بوست المدام بتاعتك خالص و لا جيت جنبها!!
الرجل : ماكانت
قدامك امبارح ما بوستهاش ليه ؟؟؟

[العيون الساحرة]

ههههههههههههههههههههههههههههههههههههههههههه
بجد توووووحفة
تسلم ايدك

[تيا]

هههههههههههههههه لا بجد فظيعه جدا أنا هموت من الضحك

[لولو86]

هههههههههههههههههه
بالاول فوتنى بالحيط ةبالاخير استوعبتها
حلوة

[رايقه وأكشر ليه]

العيون الساحره :
ميرسى نورت التوبيك

[رايقه وأكشر ليه]

ههههههههههه تيا كل يوم انا هقولها ليكى لو بتضحكك كده
دوم الضحكه ياجميل وبعد الشر عليكى

[رايقه وأكشر ليه]

لولو نورتى التوبيك واهم شىء انك فهمتى ومش مشكله بالأول او بالأخر

[رقة انثى]

ههههههههههههههههههههههههه
ميرسي

[رايقه وأكشر ليه]

دامت الضحكه
ومشكوره على المرور