مين أستعد عشان رمضان

[البنوتة المصرية]

رمضان جانا وفرحنا به بعد غيابوا أهلا رمضان قولوا معانا أهلا رمضان
كل سنة وكل أعضاء المنتدي طيبين و ياتري كل واحد فيكوا استعد عشان رمضان
بس يا تري انت انهي واحد من اللي استعد
ياتري انت من اللي بيستنوا رمضان عشان تعرف في كام مسلسل هيجي وعرفت هتتفرج علي انهي فيهم وعرفت في كام برنامج جاي واكيد منستش الفوازير بس انت بتستني رمضان عشلن كدة بس ولا عشان الكنافة والقطايف والبلح اللي بتشربوا علي الفطار بس هو دا معني رمضان بالنسبالك

ولا انت مستني رمضان عشان تختم القرآن وتصلي الفرائط في مواعيدها وطبعا صلاة التراويح وقيام الليل والصوم لو انت مستني رمضان عشان كدة يبقي انت كدة انسان كويس بس عايزة أسألك سؤال انت ليه ما بتعملش كدة غير في رمضان وبقيت السنة راحت فين وطبعا بعد رمضان رجعت ريما لعادتها القديمة اصل انا اعرف ناس اول ما يجي رمضان
والتليفزيون يتقفل عشان صايمين عنه وبعد رمضان يا مولاي كما خلقتني وبيتفرجوا علي كل مسلسلات رمضان بعد ما تتعاد

ولا انت لا دا ولا دا انت من اللي بيقولوا ساعة لربك وساعة لقلبك بتصوم وتصلي وتزكي بس دا ما يمنعش انك تتابع كام مسلسل بعد الصلاة مانت عملت اللي عليك يعني بتأدي فروضك كويس وبتتفرج بردوا شوية

ياتري انت فعلا انهي واحد من دول ومين احسنهم بالنسبالك عايزة مشاركة منكم وعايزة اعرف ارائكم

[بنوته حلوة]

جزاكى ربى كل خير ع الموضوع

[فتاه النيل]