بنت الجيران!!!!

اسيرة الصمت · منذ /08-13-2008, 04:09 PM

حكايه احد الشباب مع بنت الجيران
********************

الحكاية بتبدأ من حوالى سنتين....
العفش بينزل من على عربية النقل...

و أنا واقف فى البلكونة.. وبسأل امى (إللى
كانت واقفة تنشر الغسيل): هو فى حد
هيسكن هنا ولا إيـه يامـاما ؟
قالتلى اه يا حبيبى دى الشقة إللى قصادنا
قلتلها ويا ترى عرسان جداد ولا عيلة
وبتعزل ؟
قالتلى والله يابنى مانا عارفة
قلتلها طيب.. يا خبر انهاردة بفلوس.. بكرة
يبقى بفلوس اكتر..

و بعد أسبوع......
أمى واقفة بتنشر الغسيل بردو.. وأنا واقف
جنبها بردو.. وبتقولى: مش السكان
الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا
انهاردة وسلمت عليا وعرفتنى بيهم
قلتلها: إيــه بقى عرسان جداد ؟؟
قالتلى لا دول أسرة.. عندهم ولدين وبنت
قلتلها خير.. خير..

و أثناء الحديث الشيق ده..
طلعت مامت الولاد م البلكونة.. ولما شافت
أمى هزت راسها - بتسلم على أمى يعنى
-.. وطبعا أمى ردتلها الهزة - بترد السلام
يعنى -
و بعدين طلع ولد صغير إبتسم لنا أول ما
شافنا....
أصل البلكونة فى وش البلكونة , بس هم
مركبين ستارة وإحنا مش مركبين ستارة...
بس باين عليهم ناس طيبين اوى...
المهم.. الأم ندهت لبنتها...
الحقيقة أنا كنت أول مرة فى حياتى أسمع
الاسم إللى هى ندهت بيه..
أول مرة أعرف إن فى بنت اسمها كده أصلا...

الأم بتنده: يــــــا روفيدة (على وزن
بثينة , بضم الراء يعنى)
إسم جامد مووووووت... عجبنى الاسم اوى...
وبدعى ربنا تكون رُفيدة حلوة زى
إسمها..
و طلعت روفيدة من ورا الستارة فـى حركة
Slow Motion من بتاعة الافلام..
و أنا متنح تتنيحة سودة... روفيدة طلعت
أحلى من إسمها.. جميلة جمال لا يوصف...
مش قادر أرفع عينى من عليها.. مينفعش أرفع
عينى من عليها أصلا...
فضلت متنح لحد ما شافتنا أنا وأمى..
لما شافت أمى إبتسمت لها..

و لما شافتنى زى ما تكون شافت عفريت
ودخلت على جوه جرى...

و تمر الأيام..
و مشكلتى ان البلكونة بتاعتنا تدخلها من
اوضتى.. عشان كده فى الرايحة والجاية
ابص اشوف روفيدة واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم
الهوا مثلا - مع إن الدنيا تراب
وعفرة -
او بلعب عشر ضغط.. أى تلكيكة والسلام
الغريب إنها كانت فى الأول لما تشوفنى
تروح داخلة جرى على جوه..
لكن بعد فترة لاحظت إنها مكانتش بتدخل
أول ما تشوفنى.. وكانت بتفضل واقفة هى
كمان...
بقيت فى عز الشمس أقف.. لحد ما أعرق واجيب
جاز.... فى عز البرد واقف بتكتك مالبرد
واقف بالساعات مدام روفيدة واقفة... أرمى
نظرة.. إبتسامة.. أشاور
و كانت هى بتكتفى بالإبتسام وعلامات الخجل...

و ف يوم من ذوات الأيام..
بشاورلها.. شاورتلى
بقيت هطير م الفرحة.. روفيده شاورتلى ياجدعان...

قعدت أتنطط ع السقف
...

لحد ما جه اليوم...
أنا راجع م الكلية.. وعلى أول الشارع شفت
أمى واقفة مع مامت روفيدة..
و المفاجاة: روفيدة واقفة معاهم
لقيت نفسى بجرى زى شخصيات الكرتون .. نصى
التحتانى بيجرى قبل نصى الفوقانى
تشووووووووو...
لحد ما بقيت عندهم.. عرقان طبعا وبنهج
وحالتى حالة...
نزلت عليهم زى الباراشوط..
إزيك ياماما.. إزيك يا طنط عاملين إيه...
و بصيت لرٌفيدة.. كانت بصالى وبتضحك..
كانت زى القمر اليوم ده..
قلتلها: إزيك يا روفيدة ؟!
و كان رد فعلها غير متوقع بالمررررة...
كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. إزيك إنت ؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس إيديها....
و رحت شايلها...........
و قلتلها: إنتى عندك كام سنة بقى ؟؟

.
.
.
.
.
.

قالتلى عندى 3 سنين

رحت بايسها تانى وأنا هطير م الفرحة
وفضلنا نلعب ونضحك ونهزر... لحد ما مامتها
شالتها وطلعوا البيت
و من يومها وأنا وروفيدة اصحاب... كل ما
تطلع البلكونة نلعب ونهزر مع بعض

اوعو تكونوا فكرتو حاجة غير
كدة ههههههههههههههههههه
_________________

حلم بريء · منذ /08-13-2008, 05:06 PM

ههههههههه هههههههههه
هههههههه هههههههه

وانا افتكرت انها قصة حب جميلة وبعد كده هيتجوزوا
ويعيشوا في تبات ونبات ويخلفوا صبيان وبنات ...

هههههههههه
ههههههه

بس قصة تحفة ..
ميرسي ..

mrioOoma · منذ /08-13-2008, 05:53 PM

هههههههههههههههههه
مقلب جامد ،،، بس زي العسل
تسلم ايدك يا قمر
و تقبلي مروري

اسيرة الصمت · منذ /08-13-2008, 07:15 PM

ميرسي حلم برىء

**لسة صغيرة** · منذ /08-13-2008, 08:36 PM

هههههههه
وانا اللي كنت فاكرة ان هو اعجب بيها
هههههههههه

احضان الحبايب · منذ /08-14-2008, 02:37 AM

ههههههههههههههههههههههههههههههه
عقبالك يا روفيد لما تعدى فى بيت العدل بعد 60 سنه
انشاء الله
تجوزى واحد كده عنده 65 وانتى 63
تخلفوا عيال بتلعب فىالوقت الضايع
هههههههههههههههه
شكرا على الموضوع

عاشق الأحزان · منذ /08-14-2008, 02:57 AM

هههههههههههههههههههههههههههههههه
هههههههههههههههههههههههههههه
ههههههههههههههههههههههههههه
هههههههههههههههههههههههههههههه
هههههههههههههههههههههههههههه
مشي يا اسيرة
مردوده ليكي
مرة تمشي خجل
ومرة على البلكونه
ومرة تجرى
وانا مصدق الفيلم
وفى الاخر تطلع عيله مثلك
عملها ثلاث سنوات
هههههههههههههههههههههههههههههههه
هههههههههههههههه
بسيطة يا اسيرة
ان شاء الله وباذن واحد احد مردودة ليكي يا غاليه

"¨°°o°°¨]§[° عا الأحزان شق°]§[¨°°o°°¨"

جسر الاحلام · منذ /08-14-2008, 03:04 AM

هههههههههههههههههههههههههه

مقلب جاامد اووي طبعا كلنا كنا فاكرنها قصه حب وكده

بس شربنا المقلب يسلم ايدك اسيرة الصمت

dr.nody · منذ /08-14-2008, 03:15 AM

هههههههههههههههه

نهاية غير متوقعه أبدا أبدا أبدا

ميرسي اوي ع القصه الي هتكسر روميو وجوليت..

اسيرة الصمت · منذ /08-14-2008, 03:26 AM

ههههههههههههههههههههههههه
هههههههههههههههههههههههههههههه
منور الموضوع والله يا عاشق
معلش بقي تعيش وتاخد غيرها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
إبن الجيران	الرحــاال المٌتَمرد	منتدي ابداعات الاعضاء الادبية	34	04-24-2012 02:40 AM
بنت الجيران	أحمد الخزرجى	قسم الخواطر - وهمس القوافى حصرى بقلم الأعضاء	17	04-23-2012 06:33 PM
فن رسم 3d على الجدران	A . y . a	صور - كاريكاتير - مناظر - خلفيات	3	11-10-2010 09:56 PM
غسيل الجيران	لمسه شقاوه	مواضيع عامة - ثقافة عامة	24	02-15-2010 12:28 PM
بنت الجيران !!	GLAMOROUS	نكت - طرائف - وناسة - فرفشة	2	07-23-2009 11:20 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

بنت الجيران!!!!

نكت - طرائف - وناسة - فرفشة