شـباب مفلــس .. وبنــات بتعــنس ..~

[big bốss]

بدايه المشكله

=====


الله بص يا حبروقه شوف القمر








الشاب لو سمحتى هو القمر بيطلع بالليل ولا بالنهار

البنت ضضحك ومبسوطه احترم نفسك

الشاب يستمر برضو فى غلسته ( نص ساعه بالثانيه والدقيقه )

وتبص تلاقى




الشاب خلاص بكره نتقابل


البنت الساعه كام ياحبيبى

هاتى موبيلك اتصل بيكى ونتفق









المرحله التانيه

======



الشاب ازيك ياحبيبتى وحشانى


البنت انت اكتر يا بيشكو


الشاب( مين يا ماما ) بيشكو مين يا حبيبتى


البنت انت بس بدلعك يلا بينا نروح الكافى شب نتغداء


الشاب ( يانهار اسود ) يلا ياحبيبتى


الشاب مش معايا فلوس وعايز يدبس البنت


طبعا زى المترو تدفع البنت وهو الى عايزه الشاب اليومين دوول:cv38:


وكل يوم فسح وسرمحه وهدايا وسينما .......... يستمر الحال والمنوال






المرحله التالته

======


ودى اخطر مرحله



البنت احنا علقنا ليها فتره كبيره ياحبيبى ولازم تتقدم


الشاب ( احنا لينا اسبوعين متعرفين على بعض ) اه ياحبيبتى طبعا



البنت ( اخيرا لقيت عريس يابوى ) هتيجى امته يا سبعى يا قمرى ياعنيا



الشاب ( اى النغمه الجديده دى ) ياروحى النهارده هكلم بابا


وبعد مشادات كلاميه وروح وتعالى وهقول ومش هقول


يكلم الشاب ابوه ويقوله هنروح نشوفها ونخطبها ليك يا فاشل


طبعا هيروح ويبدا الحوار







الشاب ياعم احنا جين نطل........



متكملش يابنى انا عارف:cv38:واحنا بنشترى راجل


الشاب يبتسم ياعينى وحس بطمانينه



ابو البنت :SuN047:عيزين شقه اربع اوض وصاله وحمام


وسفراء وانتريه ودش وتلفزيون ودش ولاب توب والمطبخ عليك كمان ........




الشاب خخخخخخخخخخخخخ ليه ياعم كل دا


انا طبعا نفسي اجبلها الدنيا كلها


بس العين طويله والايد قصيره


الشاب يبص للبنت ويقول ( يوم اسود يوم ماقبلتك منك لله يا حبزكه )



البنت معلش ياحبيبى قله موافق وحاول تتصرف




طبعا الشاب عمل الى عليه ومحدش يقدر يعيبه


والمصيبه يقولوا الشباب بتضحك على البنات وظلمنه


كل قوى فيه اقوى منه


خليكم بقا عنزوا واحنا نعيش حياتنا :534:



سلاموز قبل ما انسي


المفروض البنت تدفع للعريس فلوس علشان هيتجوزها


كفايا انكم بتكلونا لحم وترمونا عطم :cv38:

[ARAGON]

طيب وليه كدا ما زي الوضع ده

فيه بنات أهلها مش (عاليين مادياً)

يعني في الحالة يعملوا ايه ها يستقروا ازاي

انت بصيت على طرف واحد للاسف

وبدأت في المعاكسة لما انت مش قادر انك تكمل في الحالة دي يا نووورر


طبعا بتلاقي اختلاف في وجهات النظر بين الاثنين

وخاصة لما يكون اهل البنت مصرين انهم يجوزوا بنتهم

لشاب مرتاح ماديا

انا قابلتني الحالة دي .. في حالات كتيرة

... بس الناس صبرت سنة وشوية وحالتها اتحسنت ..

الناس لقيت الوضع كما هو عليه .. النظرة مختلفة لسه.

تعرف ايه السبب اهل البنت ..

لكن في حالات كتيرة .. اقولك فيها .. ان البنت مش صاحبة المصير وصاحبة القرار النهائي

لو كان كده كان كل شخص حب واحدة يتجوزها وخلاص

وسلام ليك على الموضوع

في انتظار جديدك

[big bốss]

اقتباسالمشاركة الأصلية كتبت بواسطة TECHNICALطيب وليه كدا ما زي الوضع ده

فيه بنات أهلها مش (عاليين مادياً)

يعني في الحالة يعملوا ايه ها يستقروا ازاي

انت بصيت على طرف واحد للاسف

وبدأت في المعاكسة لما انت مش قادر انك تكمل في الحالة دي يا نووورر


طبعا بتلاقي اختلاف في وجهات النظر بين الاثنين

وخاصة لما يكون اهل البنت مصرين انهم يجوزوا بنتهم

لشاب مرتاح ماديا

انا قابلتني الحالة دي .. في حالات كتيرة

... بس الناس صبرت سنة وشوية وحالتها اتحسنت ..

الناس لقيت الوضع كما هو عليه .. النظرة مختلفة لسه.

تعرف ايه السبب اهل البنت ..

لكن في حالات كتيرة .. اقولك فيها .. ان البنت مش صاحبة المصير وصاحبة القرار النهائي

لو كان كده كان كل شخص حب واحدة يتجوزها وخلاص

وسلام ليك على الموضوع

في انتظار جديدك



مرسي يا احمد على رايك


الله ينور انت فهمت الفكره بتاعت الموضوع



الى بيعاكس ويبدا مشوار مع بنت مش يبص لنهايته


هل هيقدر يعمل ويجيب ولا مش هيقدر



وطبعا البنت نفس السؤال تساله لنفسها

[đΘόđΘό]

هههههههههه
اسلوبك جميل في الكتابه
بس مش احنا الي بناخدكم لحم ونرميكم عظم العكس هوا الصحيح

نيجي للموضوع انت حطيت المشكله ان الماديات مش موجوده والعنوسه كترت
طيب لو انت مكان ابو البنت هاترضى تجوز بنك لوحد على الاقل معندوش بيت ده اقل شي البيت بعد كده هما يكملوه مع بعض يلا جوابني

طيب لو انت عايز العروسه تدفع هاتطلب كام ؟؟؟


ميرسي على الطرح المميز
تسلم الايادي

[اميره الحب والعذاب]

ههههههههههههههههههه
جامد الحوار ده يا بشمهندس
يعني لم اانتم مش قد الجواز بتعكسو يه
انا معاك ان في بعض الاهالي بيغالو في المهور وطبعا ده غلط بس يعني مش يرموها في الشارع
يعني لازم علي الاقل يوفي حاجتها الاساسيه
وفعلا الموضوع مبيكنش بأيد البنت لوحدها يعني هي ممكن تكون موافقه علي اي حاجه واهلها الي بيتشرطو
المشكله بقي انهم يفضلو يتشرطو ويقعدوها جنبهم وبعد ما تكبر يقو عايزين يجوزها لاي حد
وبعدين عضم ولحم ايه احنا وخدنكم كده
جامد الموضوع
اميره العذاب

[big bốss]

اقتباسالمشاركة الأصلية كتبت بواسطة بنت مصر dodo1992هههههههههه
اسلوبك جميل في الكتابه
بس مش احنا الي بناخدكم لحم ونرميكم عظم العكس هوا الصحيح

نيجي للموضوع انت حطيت المشكله ان الماديات مش موجوده والعنوسه كترت
طيب لو انت مكان ابو البنت هاترضى تجوز بنك لوحد على الاقل معندوش بيت ده اقل شي البيت بعد كده هما يكملوه مع بعض يلا جوابني

طيب لو انت عايز العروسه تدفع هاتطلب كام ؟؟؟


ميرسي على الطرح المميز
تسلم الايادي


مرسي دودو على رايك ومرورك


انتم بتاخدوا لحم وبترمونا عطم بعد ما نشتغل وتطلع عنيا تطلقونا:SuN013:



لو عايز العروسه هطلب حقى ناشف ونقدى وفورى من غير شيك كمان



وثانيا الرحمه للشباب

[big bốss]

اقتباسالمشاركة الأصلية كتبت بواسطة love&painههههههههههههههههههه
جامد الحوار ده يا بشمهندس
يعني لم اانتم مش قد الجواز بتعكسو يه
انا معاك ان في بعض الاهالي بيغالو في المهور وطبعا ده غلط بس يعني مش يرموها في الشارع
يعني لازم علي الاقل يوفي حاجتها الاساسيه
وفعلا الموضوع مبيكنش بأيد البنت لوحدها يعني هي ممكن تكون موافقه علي اي حاجه واهلها الي بيتشرطو
المشكله بقي انهم يفضلو يتشرطو ويقعدوها جنبهم وبعد ما تكبر يقو عايزين يجوزها لاي حد
وبعدين عضم ولحم ايه احنا وخدنكم كده
جامد الموضوع
اميره العذاب

ههههههههههههههههههههههههههه



ايه وخدنكم كدا اه واخدنا كدا


ومرسي على رايك ومرورك مى


ومش شرط التغليه فى المهر الشباب



عاطل وحرام عليكم هو هيتجوز السفير عزيزه

:cv40:

[اميره الحب والعذاب]

اه السفيره عزيزه
لو مكنتش كده مكنش راح خطبها
يا بني الي بيتجوز اليومين دول بيفضل ينقي ويختار ولا كأنه كيلو طماطم
يعني من حقها بقي
وبعدين اه وخدكم كده

[big bốss]

اقتباسالمشاركة الأصلية كتبت بواسطة love&painاه السفيره عزيزه
لو مكنتش كده مكنش راح خطبها
يا بني الي بيتجوز اليومين دول بيفضل ينقي ويختار ولا كأنه كيلو طماطم
يعني من حقها بقي
وبعدين اه وخدكم كده

هههههههههههههههههههههه




ما هو مش شرط الجمال علشان ندفع غلوس ومهر كتير



وثانيا فيه ناس كتير بتخطب علشان الاخلاق والتعليم والاهل والسمعه والفلوس



وبعدين واخدنا كدا لحم ورمتونا عطم:cv45:

[اميره الحب والعذاب]

فين اللحم ده يا بشمهندس
انتم حتي مش عارفين تجيبو شقه
فين اللحم بقي ده الكيلو 50 جنيه
سيبك من اللحمه مش هتقدر علي تمنها
وبعدين هو عشان هي السفيره عزيزه يبقي لازم تبقي جميله شكلا
الجمال كلمه ممكن توصف حاجات كتير ذي الاخلاق او التعليم
كل شئ جميل
اميره العذاب