قاعده وجود

[a m i r a]

بزحزح فى دمعى ومجراة بيسرى فى طريق مش سليم
ومن الف مرة بكيت مرة واحدة
وجاتلى البراءة فى صورة عيون

عيون شايلة ماضى وحاضر ونور

وسور جة فى طريقها
يخبّط فى ضيقها وعايش واقعها فى صمت الشجون
ووسط الشوارع مفيش أى حاضر يجدد طموحى
ولا أى شارد ولا أى لون

بخاف من كلامى لينهد يوم
ويومها هتوة وسط بحر المدينة

ووسطة هعيش بعد موتى فى حياة
فى عزلة وصبر
وهستنى أنى احقق كلامى
لانى حلمت

لانى ابتديت القى نفسى فى طريقى وفجأة سكت

فى ضم الشوارع وسيرها ومسيرها دة عاش فيا نبض

وفرحة فى حياة عشت فيها السذاجة فى صورة تمرد
ملكنى الخيال
وفهمى للغز الحياة ضلنى
وعاش فيا صمتى
فى طبع الامال

بخاف من سكوتى لانة أساس
لكل المشاعر
ويمكن لموتى

ساعات يسرى فيا طموح للتمرد
بقدم كلام فى استحالتة مجرد
بقدم كلام وأقول يمكن يغير
لان التغير قانون للحياة
وفجأة بعيش جوة زهو الجلال

لكن بكرة ييجى وبستناة بصبرى
بعد ميل أو ميلين من طموحى
لكن بكرة شاف أن نورى فى غروب
وعتمة خيال وسط غدر الدروب

لية شايف أن احلامك فى يوم هتموت
بتسعى بخطوة معكوسة وشايف ضى

سراب شارد عينيك شايفاة كمنبع نور

وشايف أن أصل العزلة انسان حى

أكيد بكرة جاى وممكن يتوة
وممكن يعيش ألف عام بعد موتى
وممكن أعيش الف عام بوعدة

بأنى هعيش بعد حلمى وهموت

ماهو الجاى أحسن
دى قاعدة وجود

كلام قولتة لكن مرددتش صوت
صداة جة كهمس

صداة عاش يدور على اصل صوتة
لقاة ضاع فى أمس

فى موكب غريب وسط حب الورود

وتاة كل حس

فى صورة سؤال


بعد حب السيادة

وعاشت اجابتة

فى لغز السكون

هيفضل كلامى

كلام بعد موتى

فى فرح العيون

..........................

[♥Donya♥]

شكرا ليكي يا سالي علي الموضوع

[حَرفُُ هجآءّ]

موضوع رائع فى منتهى الجمال

[a m i r a]

اقتباس المشاركة الأصلية كتبت بواسطة دودي الرومانسيه شكرا ليكي يا سالي علي الموضوع

سالي بردو اوكي مرسي علي مرورك يا دوللي

[a m i r a]

اقتباس المشاركة الأصلية كتبت بواسطة bright star موضوع رائع فى منتهى الجمال

نورتي الموضوع يا قمر بمرورك عليه

[جزائرية تحب مصر]

ياسلاااااااااااااااااااام على الكلمات وعلى الموضوع المتميز
شكرا لك وواصلي تميزك

[a m i r a]

اقتباس المشاركة الأصلية كتبت بواسطة جزائرية تحب مصر ياسلاااااااااااااااااااام على الكلمات وعلى الموضوع المتميز شكرا لك وواصلي تميزك

شكرا ليكي انتي يا قمرايه انتي تورتني