شـباب مفلــس .. وبنــات بتعــنس ..

[بنتوتة مصرية]

زمان لما كنا نسأل العيل الصغير (نفسك تطلع إيه؟)،


كان يقول (طيار، دكتور، مهندس)،


بس لما يكبر ويصطدم بالواقع، يعرف أن مش كل اللي نتمناه نلاقيه.



عشان كده لما نسأل الشاب دلوقتي (نفسك في إيه؟)،


تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة.



العجيب أن زمان كانت المعادلة (شاب + بنت =جواز)،


دلوقتي بقت (شاب + بنات كتييير = حلم قومي اسمه الجواز ) طيب أزاي ؟



ما هو يا إما المشكلة في البنت أو في الشاب أو تبقي المشكلة في السواق


(علي رأي عبد الوهاب في الفيلم ) .


طيب ما سألناش نفسنا ليه المعادلة


أتغيرت وبقت البنات الكتير دول قاعدين من غير جواز.



بالنسبة للشاب أول ما يتخرج بيدور علي شغل


ولو لقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل،


لحد ما يصطدم بالواقع (تاني)،


لما بيروح لبنت ويلاقي أهلها عايزين شقة زى شقة بنت ابن خالة عمها،


وعايزين يفرشوا الشقة زى بنت عمة جوز أختها،

وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه إسهال،


وبرضو يقول لسه في أمل .



وأول الشاب ما يبدأ يتكلم و يقول:


أنا نفسي اعمل لها كل ده طبعا بس .....،


تلاقي أبوها وشه احمر و قال له: هو إحنا فينا من بس، وهو إيه اللي مش عجبك في اللي إحنا قلناه؟



فالشاب يرد: يعني لو ينفع أجيب شقة صغيرة بدل الخمسين اوضه


وعشرين صاله،


وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات)


قصدي زى اللي أخت صاحبي جابتهم.



فجأة تلاقي الراجل وشه أتقلب،


وبدل كلمة يا بني بقي يقول حضرتك (طبعا بتريقة مش احترام)،


و يبدأ يتفتف في الكلام،


وعينه تبقي احمر واسود،


ولما بيبص الشاب للعروسة بنظرة استعطاف وشحاته،


يلاقيها موافقة علي طلبات أهلها وبتبص له من فوق لتحت،


ولو البنت بقت في صف الشاب يا دوب بتقول له: معلش حاول،


وكأنها واخده حقنة بنج، ومش حاسة باللي الشاب فيه .


طيب خليكوا قاعدين بقي لحد ما تكبروا وتأتبوا،


وساعتها ........


بجــد يعني المشـكله فين ؟؟


في الشـباب اللي مبقاش قادر يتحمل مسؤلية نفسه وعايز يصاحب وبس ؟؟


ولا في البنت الفافي .. اللي بتحب تمثل وعامله فيها برنسيسة زمانها ؟؟

[đΘόđΘό]

موضوعك جميل جدا
بس تعالي نحلل المشكله البنت والولد من حقهم يتجوزو خصوصا لو كانو بيحبو بعض بجد ومتفقين طيب لحد هنا كويس لما يجي يتقدم لها ونفرض ان اهلها مكنوش معقدين ودولو البنت بسهوله ولاخمسين شقه ولا شبكه مش عارف بكام قالولو خدها وانتو الاتنين حرين هوا هايخدها يبهدلها معاه بدل ما يبقى شايل همو لوحد هايبقى شايل همو هما ويا سلام لو خلفو مش هايلاقو مكان يباتو فيه
انا مش مع ولا ضد بس تحكيم العقل حلو بردو
مش نيجي لو لد يدوبك متوظف ونقولو جيب وجيب ولا نرمي بنتنا لاول واحد يدق الباب وهيا وحظها لقت مكان تعيش فيه كان بها ملقتش مش مهم عندنا

خليكم في المعقول صح الكلام ولا فيه خلاف

تسلم الايادي على الطرح المميز
تقبلو مروري

[بنتوتة مصرية]

اقتباس المشاركة الأصلية كتبت بواسطة بنت مصر dodo1992 موضوعك جميل جدا بس تعالي نحلل المشكله البنت والولد من حقهم يتجوزو خصوصا لو كانو بيحبو بعض بجد ومتفقين طيب لحد هنا كويس لما يجي يتقدم لها ونفرض ان اهلها مكنوش معقدين ودولو البنت بسهوله ولاخمسين شقه ولا شبكه مش عارف بكام قالولو خدها وانتو الاتنين حرين هوا هايخدها يبهدلها معاه بدل ما يبقى شايل همو لوحد هايبقى شايل همو هما ويا سلام لو خلفو مش هايلاقو مكان يباتو فيه انا مش مع ولا ضد بس تحكيم العقل حلو بردو مش نيجي لو لد يدوبك متوظف ونقولو جيب وجيب ولا نرمي بنتنا لاول واحد يدق الباب وهيا وحظها لقت مكان تعيش فيه كان بها ملقتش مش مهم عندنا خليكم في المعقول صح الكلام ولا فيه خلاف تسلم الايادي على الطرح المميز تقبلو مروري

كلامك صح لكن اللي بيحصل في الواقع للأسف افظع من كده
وانا معاكي في قولك انو هيحمل حمل حد تاني ................
لكن لو عملنا كده هتبقى نسبة العنوسة كتير اوي ولا حد هيجوز ولا حاجة
واكيد محدش هيرمي بنتو في الشارع لو الاهل بيفكروا كده ما كناش شفنا العنوسة دي للاسف الاهل عاوزينه يجيبلها قصر اللي عمرها ما عاشت فيه
ولكي اجمل وارق تحياتي لمرورك الجميييييييييييل

[رووكه]

عارفه ديه مشكله المجتمع كله
كله بيعانى منه الامكانيات ومستوى المعيشه
فيه حاجات ضرورى تكون موجودة وهى الشقه اكيد العفش اكيد انما شبكه بتكون فى حدود اللى متقدم
وبردوة البنت اهلها بيكلفو كتيررررررررررررررررررررر
فبجد ربنا يعين الشباب ويرزقهم اللهم امين

تسلم ايديكى بس عارفه اسم الموضوع جامدددددددددددددد جداااااااااااااااااااااااا

[رحيق الجنه]

الكلام ده لما بيحصل بيحصل فين؟؟
معقول يكون بيحصل كده ؟؟ فى شرع مين؟؟؟

[Silver Flower]

اه ولله انك صادقه غير عن هيك
الي عنده بنت بدوا يبيعها نسي المتل الي بيقول جوز بنتك قبل ابنك
ما بعرف
لله يرحم ايام زمان لما كان الام والجده والابن كلهم في بيت واحد وعاشين مبسوطين
انا بقول لله يرحم

زي ما بحب الواحد الابنه وجب عليه يحب لبنته وحنقول ايه
هو لو انه الناس بتطقى ربهم وبيعرفوا دينهم كان مافي مشاكل
لله يهدينا ويهديهم
شكرا للموضوع

[بنتوتة مصرية]

روكة ورحيق الجنة وفلاااور يسلموو واكيد في ناس كده يا رحيق دووول ملوا البلد والدنيا كمان