هل تظلين عانساً أم تصبحين زوجة ثانية؟

[Alex girl]

طبعا الموضوع باين من عنوانه
فى ظل الظروف الاقتصادية الصعبة
بعض البنات بتوافق على امور مكنتش
ممكن توافق عليها فى ظروف تانية

زى انها تكون ( زوجه تانية )


المهم
سؤااااااااااالى ليكم

ايهم الافضل عندك

انك تفضلى من غير جواز وتاخدى لقب عانس؟؟؟؟
ولا تبقى زوجه تانية وتاخدى الراجل من بيته ومراته واولاده؟؟؟؟؟؟؟



الاجابة بصراحه يا بنانيت

[مشتاقه للجنه]

تعرفى ان العنوان يخض .. لكن ممكن مع التفكير بالاجابه والتعمق

أقول لكى ديننا الحنيف شرع التعدد فى الزواج فلكل رجل زوجه واتنين وثلاثه

يعنى مش معنى ان الواحده تقبل الزواج من رجل متزوج بتكون بكدا بتهدم اسره

بالعكس ممكن تكون بتسعد اسره الام مريضه أو زوج تعبان من زوجه شريره

أو زوجه عاصيه .... يعنى الزواج من رجل متزوج ليس بالطبع بيكون بيهدم

وهذا رأيى بمنتهى البساطه ... وعلى الغعموم شكراا لكى الطرح المميز

تحياتى

حواء الشرق

[ليالى العمر]

يجب ان نؤمن اولا
ان الزواج قسمة ونصيب
ومفيش حد هياخد الا نصيبه وال مكتوب عليه
وكل شىء بامر الله
ومفيش حد ابدا بيتعس نفسه
كلنا عاوزين نبقى فى احسن صورة
وعاوزين نعيش اجمل عيشة فى الدنيا كلها
وكل بنوتة عاوزة فارس احلام يسعدها طول العمر
وكل شاب عاوز عروسة تسعده برضه طول العمر
ولكن ال بيحصل حوالينا امر يجنن
ويدعونا لطرح الكثير من التساؤلات
الاسلام علمنا
قاعدة مهمة جدا للزواج وهى
من رضيتم خلقه ودينه فزوجوه
ويا معشر الشباب من استطاع منكم الباءة فليتزوج
والباءة هى تكاليف الزواج
والان لا ينظر احد الى ما شرعه الاسلام
اهم حاجة الان
حالة العريس المادية ايه ؟
غنى ولا بيكمل عشاه نوم ؟
لان الحياة الان اصبحت صعبة جدا
وال ممعهوش فلوس او دخل كويس هيعيش تعبان جدا وهيعانى من مواجهة متطلبات الحياة
علاوة على ازمات السكن الرهيبة
وعدم الحصول على وظائف
وانعدام فرص السفر الى خارج البلاد لتحسين الاحوال المادية
ومشكلات اخرى كثيرة
اصبحت تعرقل فكرة الزواج
من هنا
وصل الشباب والفتيات الى مرحلة العنوسة
فالعنوسة ليست للبنات فقط
وانما الشاب الذى يصل عمره الى 35 ولم يتزوج
فهو عانس ايضا
ودى مرحلة خطيرة جدا اصابت المجتمعات العربية
وستؤدى الى كوارث خطيرة
ستفسد هذه المجتمعات وستقضى على احلى واجمل المميزات الانسانية التى تتمتع بها بلاد العرب والمسلمين
ونظرا لهذه الظروف الاقتصادية الصعبة التى نمر بها
يجب ان نتغاضى عن المهور العالية والشبكة الثمينة والشقة الفاخرة
ونحاول لم الشمل بما يتيسر للطرفين
وطالما الاعتماد على الله
يبقى نكافح ونحاول ان نحسن ظروف الحياة
ونحن متزوجين
موش نكافح لحد ما نوصل لسن العنوسة
ونقول لسة بنجهز نفسنا
دى كارثة يجب ان نبتعد عنها
اما قبول الزواج على ضرة
فانا عن نفسى ارفضه
لكن لو حصل يبقى كل واحد ونصيبه
والحديث فى هذا الموضوع
لا ينتهى
فاتمنى ان يكون لى لقاء فيه مرة اخرى

شكرا
على ما قدمتم
ولكم احلى وارق الامنيات

[misho]

موضوع جميل و في نفس الوقت حساس

محدش ينكر ان موضوع تعدد الازواج حلله الشرع ومفيهوش مخالفة للشريعة

ولكن الدين حدد الاسباب اللي بسببها يتجوز الرجل مرة اخري

سواء مرض او عدم انجاب من الزوجة او سوء معاملة الزوجة للزوج

ودة كله بعلمها وموافقتها

يعني الموضوع حلال

بس بصراحة وعن نفسي مش هقدر اقبل الموضوع دة

لاني مش هحب ان دة يحصل معايا

ميرسييي يا قمر علي التوبيك

تحياااتي

[Alex girl]

اكتر حاجه لفتت نظرى وعجبتنى ف نفس الوقت
انكم لم تقبلوا او ترفضوا الفكرة بشكل قاطع دون تكوين وجهة نظر سليمة من كل الجوانب
ولكن طرحتم وجهة نظركم
من الناحية الدينية والاجتماعية والنفسية
والتى على أساسها كونتم وجهة نظركم ورأيكم


اتمنى ليكم السعاده ف حياتكم
وشكرااااااااا لطرح أرائكم

نورتوا الموضوع