مواقف بتحصل وهو ده حال الدنيا

[Mahmoud Mohie]

--------------------------------------------------------------------------------

مواقف كتييييييير بنعملها بس يكون ليها رد فعل غريب

فمثلا تكون لابس ومتشيك على سنجه عشره ومبرفن ومروق الدى ومعلى الجى ولسه بتفتح الباب وماسك كالون الباب تلاقى حد من البيت يقولك بكل بساطه انت خارج؟
هاتقوله لالا بجرب كالون الباب

حاجه تانيه




التليفون بيرن ومافيش حد راضى يرد وزمان اللى بيتصل مات واول ماتيجى ترفع السماعه يطلع برده حد من الاسره الكريمه ويقولك
هاترد على التليفون؟؟؟؟؟
هاتقوله لا لا لا بجرب بس السماعه
وبرده تدخل البيت والمعامله فى البيت هيلب سيلف يور سيلف وتحضر الاكل على السفر وتظبط الامور من كله ولسه بتسحب الكرسى تلاقى برده الى يقولك ايه انت هاتاأكل؟؟؟؟؟
هاتقوله لا لا هاقعد مع الاكل اخد صوره

تكون قاعد الكومبيوتر وبتشيت او داخل على منتدى زى العسل زى ده كده وقاعد بتكتب او بتقرأ موضوع تلاقى الى دخل عليك غرفتك وبيقولك انت قاعد على الكومبيوتر؟؟؟؟؟
اسيبكم تردو انتم بقى
فى برضه مواقف تانيه كتييير بس انا هاسيبكم تشركونى فى الحوار وكل احد عنده موقف يقوله
_________________
الطيبون كالنجوم لاتراهم دائما لكنك تعلم أنهم موجودن فى سماء القلوب



ولاتجعل قلبك نهرا يشرب منه كل الناس لكن اجعله قصرا لايدخله الا من يستحقه