مشاجرات الاباء امام الابناء فى ع الناصيه

[nooody]

الاختلاف فى وجهات النظر امر وارد بين جميع افراد الجنس البشرى

فجميعنا يواجهه الكثير من هذة الاختلافات فى حياته , فى عمله , فى اسرته

كل ذلك يعد من الامر الطبيعيه .

فاختلاف هو سنه الحياة

ولكن دعونا ننظر الى قضيه الاختلاف نظرة أكثر خصوصيه

لننقاش اليوم قضيه فى غايه الاهميه يعانى منها الكثير

وهى مشاجرات الاباء أمام الابناء

فقد يحصل فى بعض الاحيان مناقشه بين الاب والام لتتطور

الى مشكله كبيرة وفى بعض الاحيان الى استخدام

الالفاظ غير لائقه وارتفاع صوت كل منهما على الاخر

وبالتالى فقد كل منهم احترامه للاخر

ولا شك ان اذا تم النقاش الحاد بهذة الطريقه أمام

الابناء يؤدى ذلك الى خلق مشاحنات وتوترات تلقى بظلالها على الابناء

وتصبح الحاله النفسيه لديهم غير مستقرة ودائما يخافون من تطور هذة

المشاحنات بين الاب والام ووصولها الى حد الطلاق

مما يؤدى الى انشغالهم بالتفكير فى هذة المشاكل وبالتالى قد يؤثر ذلك على

مستواهم التحصيلى.

دعونا نتوقف عند هذة الظاهرة التى تهدد اشتقرار اسرنا

انتظرونا بأذن الله يوم الخميس لنتعرف على الاسباب والحلول

د. مرور

نودى

تقديرى

[dr.marmar]

مووع خطير وهام جدا يعاني منه الكثير من الأبناء
جو التوتر والحده في بيوتنا
للأسف يظن أغلب الأباء والأمهات أن إرتفاع أصواتهم
أمام الأولاد شئ طبيعي ويحدث في جميع البيوت لانه لامفر من الخلاف
في جميع البيوت
ولكن يجهل الكثيرون مدي الضرر النفسي الواقع علي الأبناء
ومايخلقه الشجار الدائم من أمراض نفسيه لدي أبنائهم
إنترظونا ان شاء الله غدا الخميس
لمناقشه أسباب هذه المشاكل وهل تستدعي الشجار أمام الأبناء
ومحاوله الوصول إلي الحلول المناسبه
مع نودي
د/مرمر

[nooody]

_ هل يحدث خلافات بين الام والاب أمامك ؟

نعم كتير


2_ هل تحدث مثل هذة الخلافات أمامك وأمام اخوتك ؟

نعم فى سعات كتير

3_ الى أى مدى يكون هذا الخلاف وكيف يتطور؟
بيتطور الى شدة النقاش والعنف


4_ ما هو شعورك حدوث نشوب مثل هذا الخلاف؟
وبكن زعلان ومتظايق


5_ ما هو موقفك أو ردة فعلك عند نشوب الخلاف ؟
بسكت وبعملشى حاجه عشان ممكن اسمع كلام جارح
او انضرب


6_ احكى لنا موقف لخلاف نشب امامك اذا امكن ذلك ؟
بيكون مثلا بابا جاى ياخد راى ماما فى حاجه عاديه
ولما تقول رايها واذا مايعكبهوش الكلام
يتعصب ويزعق وينشا بينهم حوار شديد وصعب


7_ من وجهه نظرك هل ترى أنه من الصحيح أن يتناقش


الاباء امام ابنائهم فى أمور خاصه ليجعلوا من أبنائهم


حكام بينهم ؟
لا الاسلوب ده خاطئ جدا
الان الابناء هيتعبو نفسيا
وممكن كمان يتعقدو ويكرهو الجواز

[nooody]

1_ هل يحدث خلافات بين الام والاب أمامك ؟
لا خالص الحمد لله


2_ هل تحدث مثل هذة الخلافات أمامك وأمام اخوتك ؟

مش ده نفس السؤال:cv17:

3_ الى أى مدى يكون هذا الخلاف وكيف يتطور؟

الحمد لله مبشفش حاجه لو حصل خلاف مبيبقاش قدامنا

اعتقد ان الخلافات دي بتبقي عند المتجوزين حديثا كل ماالزوجين بيكبروا

بتقل الخلافات

4_ ما هو شعورك حدوث نشوب مثل هذا الخلاف؟

امممممممممممم مش عارفه بس مرة ماما زعلت من بابا وقعدت تعيط قدامي وانا قلتلها معلش بس مكنش في بالي عشان عارفه انهم هيتصالحوا

5_ ما هو موقفك أو ردة فعلك عند نشوب الخلاف ؟

لو حصل مليش دعوة خليني في حالي

6_ احكى لنا موقف لخلاف نشب امامك اذا امكن ذلك ؟

للاسف يانودي مش متذكرة كلها مواقف عاديه

7_ من وجهه نظرك هل ترى أنه من الصحيح أن يتناقش


الاباء امام ابنائهم فى أمور خاصه ليجعلوا من أبنائهم


حكام بينهم ؟

لما يكون الابناء في سن تسمح ليهم الحكم وده بيحصل معانا بنتكلم في العلن وغالبا راي بابا بيمشي برضه

طب بنتكلم ليه اصلا :SuN047:

[nooody]

بصي يا نودي انا هتكلم عن الظاهرة بصفة عامة

علشان الحمدلله عمري ما اتعرضت للموقف دة
في الاول عايزة اقولك ان الخلافات بين الازواج دة شئ طبيعي جدا
و بيحصل في كل البيوت في كل مكان حتي في بيت الرسول -ص- كان بيحدث خلاف بينه وبين زوجاته احيانا
لان لو في بيت مبيحصلش فيه خلافات دة يبقي بيت مثالي اوي لسة ما اتوجدش اساسا بس هنا بقي لازم يبان ذكاء الزوجين انهم يحاولوا يبعدوا خلافتهم خالص عن عيون الابناء لان دة ليه تاثير صعب اوي عليهم
الطفل دايما بيبقي محتاج يحس بالأمان في بيته ودايما عايز يحس انه اهله موفرين الاحساس دة ليه لكن لما يحصل خلاف قدامه ويتطور الخلاف باسلوب وحش ممكن يوصل لضرب والفاظ مش كويسة
الطفل هيبدأيحس بعدم الامان وهيحاول انه يهرب من الموقف دة
انه يبتعد عنهم انه يدخل غرفته ويبكي ودة ليه تأثير وحش اوي عليه
و مع تكرار الخلافات امام الابناء...نفسية الطفل بتدهور جداااا
مثلا تلاقيه بيحاول انه يخرج خارج البيت ومش عايز يبقي موجود فيه...وكمان في دراسات اثبتت ان اغلب حالات الهروب من المنزل عند الاطفال دة بسبب الخلافات بين الاباء
وتلاقي برضه الفتاة عندها رغبة انها تخرج من المنزل دة بأي طريقة فمثلا توافق علي اول عريس يجي لمجرد انها تخرج من المنزل او محاولة منها انها تلاقي حب وحنان في بيت تاني....
ومن مساوئ الخلافات دي برضه ان صورة الاب والام بتتشوه جدااا في عيون اولادهم وممكن كمان في وقت تلاقي الطفل ينحاز لاحد الطرفين ويعادي الاخر وفي حالات كتير كدة فعلا
طبعا الموضوع مهم جداااا وخطير جدا في حياة الابناء بالذات
علشان كدة المفروض الاباء يحاولوا بكل جهدهم منع اي خلاف بينهم امام الابناء
موضوع مهم جدااا
تسلموا يا قمرات

[nooody]

1_ هل يحدث خلافات بين الام والاب أمامك ؟

نعم

2_ هل تحدث مثل هذة الخلافات أمامك وأمام اخوتك ؟

نعم

3_ الى أى مدى يكون هذا الخلاف وكيف يتطور؟

الفاظ خارجه اتهامات كاذبه

4_ ما هو شعورك حدوث نشوب مثل هذا الخلاف؟

بكره حياتي واتعقدت

5_ ما هو موقفك أو ردة فعلك عند نشوب الخلاف ؟

بحاول اهدي الامور ولو مش نفع بعيط عشان يسكتو

6_ احكى لنا موقف لخلاف نشب امامك اذا امكن ذلك ؟

خلاف على السفر الاب عايزنا نسافر والام لا

7_ من وجهه نظرك هل ترى أنه من الصحيح أن يتناقش
الاباء امام ابنائهم فى أمور خاصه ليجعلوا من أبنائهم
حكام بينهم ؟

بجد بيبقى غلط من الاهل انهم يدخلو ابنائم بنهم في الخناق
لانهم بيعقدوهم وبيخلونا نبتعد عنهم

[nooody]

_ هل يحدث خلافات بين الام والاب أمامك ؟

اه احيانا بس بتبقى خلافات عادية

مش كبيرة يعني

2_ هل تحدث مثل هذة الخلافات أمامك وأمام اخوتك ؟

ساعات


3_ الى أى مدى يكون هذا الخلاف وكيف يتطور؟

بيبتدي كلام عادي

و بعدين يبقى في زعيق

بس كده ميتعداش الحدود



4_ ما هو شعورك حدوث نشوب مثل هذا الخلاف؟

الخنافات دي لازم تكون موجودة

مهو مستحيل حد يفضل من غير خناقات



5_ ما هو موقفك أو ردة فعلك عند نشوب الخلاف ؟

و الله احاول افهمهم ان الكلام يبقى بالراحة

و كل واحد ووجهة نظره


6_ احكى لنا موقف لخلاف نشب امامك اذا امكن ذلك ؟

في مرة لما كنا صغيرين كان عندنا كلب في البيت

و يوميها بابايا كان جايب لحمة

امي كانت شايلة الحاجات و بابا بيفتح الباب

فجيه الكلب و اخد اللحمة من ايد ماما

و ابتدوا و بقت خناقة كبيرة

مع اننا كنا صغيرين بس قدرنا نوسط و نحلها الحمد لله


7_ من وجهه نظرك هل ترى أنه من الصحيح أن يتناقش
الاباء امام ابنائهم فى أمور خاصه ليجعلوا من أبنائهم
حكام بينهم ؟

من وجهة نظري في حاجات عادي لما بتتناقش قدام الاولاد

عشان يحكموا بينهم بس مرات لا لازم يتخانقوا براحتم

و يتصالحوا براحتهم

[nooody]

من وجهة نظري هذا اسلووب سيئ في التربيه فمن المفروض ان يتجنب الابناء مثل هذه المواقف حيث تصنع من شخصيه شخص سيئ

[nooody]

_ هل يحدث خلافات بين الام والاب أمامك ؟

يعنى بتحصل قدامى وبتخنق منهم وامشي


2_ هل تحدث مثل هذة الخلافات أمامك وأمام اخوتك ؟
للاسف اه


3_ الى أى مدى يكون هذا الخلاف وكيف يتطور؟
بيكون على امور تافه يتطور الى حسب مزاجهم بس مش بيوصل لضرب


4_ ما هو شعورك حدوث نشوب مثل هذا الخلاف؟
بضايق جدا وبتخنق وبتعقد من الايام الى جايه


5_ ما هو موقفك أو ردة فعلك عند نشوب الخلاف ؟
مش بقدر اتكلم لانهم اقرب الناس ليا


6_ احكى لنا موقف لخلاف نشب امامك اذا امكن ذلك ؟
يعنى مثلا اتخنقوا على كوبيت شاى ههههههههههههههههههه


7_ من وجهه نظرك هل ترى أنه من الصحيح أن يتناقش
الاباء امام ابنائهم فى أمور خاصه ليجعلوا من أبنائهم
حكام بينهم ؟
لا طبعا غلط واكبر غلط

[nooody]

1_ هل يحدث خلافات بين الام والاب أمامك ؟
نعم

2_ هل تحدث مثل هذة الخلافات أمامك وأمام اخوتك ؟
نعم


3_ الى أى مدى يكون هذا الخلاف وكيف يتطور؟
اكبر مدى وتطور هو الضرب


4_ ما هو شعورك حدوث نشوب مثل هذا الخلاف؟
اكيد تدهور فى الحاله النفسيه


5_ ما هو موقفك أو ردة فعلك عند نشوب الخلاف ؟
اخذ فكره وحشه عن الاب


6_ احكى لنا موقف لخلاف نشب امامك اذا امكن ذلك ؟
اكيد صعب
بس الخلاف كان بسبب ان بابا اتزوج واحده تانيه


7_ من وجهه نظرك هل ترى أنه من الصحيح أن يتناقش
الاباء امام ابنائهم فى أمور خاصه ليجعلوا من أبنائهم
حكام بينهم ؟
لا طبعا مفروض يحلوا المشاكل دى بنهم وبين بعضهم

لحفاظ على استقرار الاسره والحاله النفسيه للابناء