وائل جسار ( فى حضرة المحبوب ) حرام فى حرام

[Ćяч ƒ0Я ℓ0√З]

السلام عليكم ورحمة الله وبركاته

أولا يا جماعه عاوز أتكلم معاكم فى موضوع كدا الموضوع دا بجد نرفذنى جدا جدا بس أنا موش عارف أنا صح ولا غلط

بس إللى شفته من وجهة نظرى إن دا غلط وحرام كمان

أغنيه يا جماعه من البوم وائل جسار الجديد فى شريطه الإسلامى الجديد
(فى حضرة المحبوب )

دى كمات الأغنيه يا جماعه

..{ في حضره المحبوب }..2010

ينطق باسمه الحجر ومفيش نبي زيه

الشمس ويا القمر اتخلقوا من ضيه

يامنه لما اتولد جبريل نزل سماه

الله واحد احد صلى عليه في سماه

في حضرة المحبوب احمد رسول الله

الروح في نور بتدوب وعليك سلام الله

رب الحرم والبيت انا توبت مش ندمان

عشمان في اهل البيت في المصطفى العدنان

ودى الجزئية اللى انا مش فاهمهااااا

(في الحلم لما بكيت طبطب على كتفي

بتوضا لما صحيت بدموعه في كفي)

يا جماعه الجزئيه دى إللى موش فاهمها أو ممكن أكون فهمتها غلط

ياريت إللى عارف حاجه فى الموضوع ده يجاوبنى ويفدنى بليز لأن من وجهة نظرى إنها حرام جدا ودا طبعا لأسباب

أنا هئولهكم برده من وجهة نظرى

أولا / وائل جسار بيحكى حلم فى الأغنيه والكلام فى الأغنيه على الرسول ( صلى الله عليه وسلم )

طب هوه إزاى بيحكى حلم زى دا أو بيئول تأويل عن الرسول بالشكل دا
وإحنا عارفين من أجدادنا زمان إن إللى بيئول فى الحلم أو بيضع زياده فيه حرام

طب ما بالكم بدا بئه لأهوه موش زود فى الحلم لالالالا دا ممكن يكون كمان الموضوع دا تأليف من عنده كدا كله على بعضه ولا حلم ولا بتاع

ثانيا / نفترض إن دا حلم زى ماهوه قال أو ممكن تقولو إن دا حكايه عن واحد أو حلم واد فعلا حلمه وهوه بيحكيه فى الأغنيه

طيب ماشى خلينا للآخر ( بس هوه قال برده ( بتوضا لما صحيت بدموعه فى كفى ) معنى كدا إن هوه خرج برا الحلم لحقيقه بكلمة( صحيت )

( طب يعنى إيه بيتوضا ودمع الرسول فى كفه بجد موش شايف غير إنها حرام فى حرام وخلاص

إللى عنده أى إفاده يا ريت يضيفها علشان بس ممكن تكون وجهة نظرى غلط أو ممكن إللى يضيف حاجه يوصلنا حاجه تانيه أنا موش شايفها فى الأغنيه

أرجو الأفاده

[elaf]

تسلم الايادي

[Ćяч ƒ0Я ℓ0√З]

تسلميلى يا جميله بس كنت أتمنى إنك تفدينى برئيك

[كشكول]

تسسلم على الموضوع



بصراحه هذا كفر واضح


اعتقد ان البيت الي قلت ما فهمته .، تفسيره يمكن يكوون انه احتلم بالبنت وهو نايم وعشان يتطهر < بمعنى ... توضى بدمعها




هذ1 رئيي


وتسسلم مره اخرى على الموضوع

[Ćяч ƒ0Я ℓ0√З]

اقتباس تسسلم على الموضوع بصراحه هذا كفر واضح اعتقد ان البيت الي قلت ما فهمته .، تفسيره يمكن يكوون انه احتلم بالبنت وهو نايم وعشان يتطهر < بمعنى ... توضى بدمعها هذ1 رئيي وتسسلم مره اخرى على الموضوع

تسلملى على رئيك يا جميل وأنا بحترم رئيك جدا بس حضرتك بتئول بنت بنت إيه حضرتك وهوه موش ذكر أى بنت أساسا فى موضوعه دا

حضرتك قال فى الأغنيه ( بدموعه ) والهاء هنا بتعود على الرسول

دا غير إنه لو كان بيتكلم على بنت زى ما بتئول كان قال بدموعها

صح ولا إيه

بحترم وجهة نظرك جدا أخويا تسلملى ويسلملى مرورك ويا رب يكون وصلك إللى عاوز أقوله

حد يا جماعه شايف إن فى جديد فى الموضوع دا

أنا موش عارف إللى بيدخل بيدخل ومش بيرد ولا بيتكلم ليه

إنتم عادى كدا يعنى هتفضلو كدا دايما دا رسولنا يا جماعه مش تئولو إحنا بإيدينا إيه نعمله

لا بإيدينا كتير أوى بإيدينا إننا نمنع الأغنيه دى أصلا من الشريط

بإيدينا نعمل كتير بجد

حاشا لله سعد الصغير نزل أغنيه بيئول فيها بحبك يا حمار الأغنيه إتمنعت بجد حسو شويه

دا رسول الله صلى الله عليه وسلم هتتكلمو ولا زى ما عودتونا دايما بسكوتكم

[AMANY AMON]

تسلم ايديك علي التوضيح

مفيش افادة صح غير الي انت قلتها

الفنانين دلوقتي المهم توقع بايدهم اغاني والسلام

وهم مش عارفين معانيها

[đΘόđΘό]

انا قرائت الموضوع مرتين ومش قادره اوصل للوجه نظرك ونقدك لكلمات الاغنيه

انا سمعت الاغنيه وبردو مفهمتش معني الجمله دي

بالنسبه للتأويل فهوا حرام بس اكيد ده من تأليف مش من الواقع

هوا اصلا وائل جسار مسلم؟؟

ومقدرش اقولك العباره حرام ولا لا لاننا اصلا مش فاهمين الجمله

هوا بيقول انو لما بكى الرسول طبطب على كتفو
ولما صحي لاقى دموع الرسول في كفو
طب ازاي دي

وبعدين الاغاني الدنيه دي اغلبها دا ازا مكنتش كلها بكش وبيضحكو علينا بيها كلها عبارات دخله في بعض ومش مفهومه

طيب العباره دي (الشمس ويّا القمر اتخلقوا من ضَيه) تعتبر حرام بردو


ومشكور على الطرح المميز

[حياتي ذكريات]

السلام عليكم
انا لسه شايفة الأغنية دي على الفيس بوك امبارح
بس ما كملتهاش لانها ما عجبتنيش
بس في اعتقادي إن كلامك صح والاغنية دي أكيد حرام
لأنه بيحكي حلم وهو ما شافوش وانا أعرف الي بيقول حلم
وما حصلوش يقى افتراء على الله .. والله أعلم

[همس االحنين]

انا مش هافتي واقول حرام او حلال

بس هالفنانين بيغنوا المكتوب من غير ما يفهموه

هما لو فهموه كان غنوه من الاساس

[محمد.57]

اقتباس أولا / وائل جسار بيحكى حلم فى الأغنيه والكلام فى الأغنيه على الرسول ( صلى الله عليه وسلم ) طب هوه إزاى بيحكى حلم زى دا أو بيئول تأويل عن الرسول بالشكل دا وإحنا عارفين من أجدادنا زمان إن إللى بيئول فى الحلم أو بيضع زياده فيه حرام طب ما بالكم بدا بئه لأهوه موش زود فى الحلم لالالالا دا ممكن يكون كمان الموضوع دا تأليف من عنده كدا كله على بعضه ولا حلم ولا بتاع ثانيا / نفترض إن دا حلم زى ماهوه قال أو ممكن تقولو إن دا حكايه عن واحد أو حلم واد فعلا حلمه وهوه بيحكيه فى الأغنيه طيب ماشى خلينا للآخر ( بس هوه قال برده ( بتوضا لما صحيت بدموعه فى كفى ) معنى كدا إن هوه خرج برا الحلم لحقيقه بكلمة( صحيت ) ( طب يعنى إيه بيتوضا ودمع الرسول فى كفه بجد موش شايف غير إنها حرام فى حرام وخلاص

كلامك مش غلط ..
ودي وجهة نظر ولازم احترمها . .
معظم الاغنيه كنايه .. بس كاتب الاغنيه زودها شويه
..لكن تسلم ع وجهة النظر الرائعه دي
..
تقبل مروري ..