هتعملي إيه يا عثووله لو خطيبك كدا؟؟!!!

elnada · منذ /03-11-2010, 10:11 PM

:vb3:هتعملي إيه يا عثووله لو خطيبك كدا؟؟!!!

هاى يا بنانيت جبتلكم النهاردة حكاية جامدة جدا مع واحد وخطيبتة
عايز كل بنت تدخل تقول تعمل اية لو خطيبها كان كدة اوك

تعالوا نشوف اية اللى حصل

هو وهى ماشيين على الكورنيش .... الجو حار جدا....الشمس محرقة

هى&عطشانة

هو&وانا كمان

هي&يعنى عايزة اشرب !!!!

هو&حاجة اكيدة مدام عطشانة يعنى عايزة تشربى.

هى&بما انك عندك احساس لما اقولك عطشانة تجبلى حاجة ساقعة

هو&ومين اللى هيحاسب

هى&انت طبعا

هو&منين يا حسرة ما انتى عارفة الكانز وغطاة

هى&مقولتش عايزة كانز كفاية مية ساقعة

هو&طب لو هاتجيبى اعزمينى معاكى

هى&هو انت مش بتحس وبعدين احنا بقالنا 3 ساعات ماشيين انت مش ناوى تقعدنا ولا اية

هو&عندك الكورنيش كلة اختارى الرصيف اللى يعجبك

هى& قصدى تعزمنى فى مكان شاعرى

هو& فى الحر دة مينفعش

هى& طب بلاش احنا ناخد مركب فى البحر على الكورنيش

هو& لالالا المراكب بتغرق اليومين دول خلينا على البر احسن

هى& بلاش المركب تعالى ناكل ترمس اظن دة رخيص

هو& انتى تضمنى منين ان الراجل غاسل الترمس وغاسل ايدة

هى& يا ساتر عليك انت مقفلها كدة لية

هو& اصلى بصراحة مش معايا فلوس

هى &ما انت كان معاك امبارح

هو& اصل انا دخلت السينما مع بنت زى القمر والفلوس خلصت

هى &بنت قمر !!!! وبتقولها فى وشى

هو& اكدب عليكى يعنى

هى& لا احرق دمى احسن

هو& انا مش شامم ريحة شياط لية

هى& يخرب بيت البرود

هو& برود اية!! الجو مولع اهو

هى& انت اللى بارد

هو& بارد ازاى؟؟ ما انا بشر عرق انتى مش شايفة

هى& بقولك اية روحنى

هو& اروحك لية انتى مش بتعرفى تروحى لوحدك

هى& طب انا همشى

هو& لية كدة

هى& ارحمنى واضح ان الحر بييجى معاك بالعكس يا بارد

هو& يعنى مصممة تمشى

هى &اة ودلوقتى حالا كمان

هو& طب استنى لما نوصل اخر الشارع

هى &لية يعنى

هو& اصل انا ساكن اخر الشارع يرضيكى اروح لوحدى

هى& لاااااااااااااااااااااا (وبعديها انتحرت)

هو& تؤتؤتؤتؤ ينفع كدة ترمى نفسك فى المية من غير ما توصلينى

misho · منذ /03-12-2010, 12:14 AM

ايه الرخامة والرذالة والبرود دة

دة انا اقتل نفسي قبل ما اتخطب للبتاع دة

ينقل للقسم للانسب

ننتظر جديدك

تحياااتي

خليجية 2 · منذ /03-12-2010, 12:31 AM

تحيااااااااااتي للأخت صاحبت القصة الجميلة
خخخخخخخخخخخ
انا ما بتنحر لو كان خطيبي كدا د انا حأدبه
وعندنا في الخليج امثلة كثييييرة من هالنوع
وتسلمين على القصة
اختك
خليجية2

countess · منذ /03-12-2010, 12:38 AM

رخم رخامه

اقعد بيت اهلي احسن

Ќonto · منذ /03-12-2010, 12:51 AM

ههههههههههههه

ده ايه البرود الغير طبيعي ده !!

أنا لو مكانها كنت قتلته وقتلت نفسي بعدها

هههههههههههههه

وشكرا على الموضوع النآآآيس

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لو خطيبك تقيل هتعملى ايه	دموع جريئة	فضفضة الأعضاء	11	06-20-2012 11:45 PM
هتعملى ايه سعاتها	ملاك بريئ	منتدى الالعاب	539	05-19-2012 06:16 PM
لو خطيبك بارد كدا هتعملى فيه ايه	تامر العدوى	مواضيع عامة - ثقافة عامة	3	11-10-2010 11:48 AM
هتعملي إيه يا عثووله لو خطيبك كدا؟؟!!!	oЯҜeĐα	نكت - طرائف - وناسة - فرفشة	22	08-12-2010 11:57 PM
هتعملى ايه لو دا خطيبك ؟؟؟؟؟؟؟؟؟؟؟	banota asola	قسم مناقشة المواضيع المتداوله والمنقوله	11	06-10-2010 10:25 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

هتعملي إيه يا عثووله لو خطيبك كدا؟؟!!!

نكت - طرائف - وناسة - فرفشة