كيف تتخلص من السماجه ( قصص من تحشيشي )

[كشكول]

والله وطلعلك قرن يالثور وصرت تطير (رائعه للفنان /جورج وسوف) (واحد أول مره يسمع أغنيه
الزبده مالكم بالقصيره قصدي الطويله
قمة المعاناة أنك تسوي نفسك خفيف دم وأنت أسمج مخلوقات الله
تبغى تصير محشش ماتقدر
يعني تحفر تقول نكته وأحد يضحك
لدرجة أني بطلت أروح للأستراحه بسبب أني صرت سامج (وأنا قطيت فيها من دم قلبي ثلاثميه وخمسين ريال يعني تقريبا دينار إماراتي وثلاث دراهم كويتيه وخمسه ين أمريكي)
مره طلعت من البيت رحت للبقاله وأشوف ذاك العربجي الي طعس وثور الله في برسيمه قلت له صباح الليل ياقمر تصدقون ثلاث أيام أحس أن النور مطفي من قوة العجراء الي صمخ بها جافوخي
ومره وأنا أمشي مع العيال في شوارع مدينتي الرياض (غرب المملكه) فجأه وإذا بالمرور يمشي من خلفي(على جنب ياراعي الفيراري قلت طيب ووقفت على جنب وقلت للعيال روحو أنتو أنا أتفاهم مع الرجال
نزلت وراحو
قال الشرطي وشفيك نزلت وخليتهم يروحون
قلت أنت تقول على جنب ياراعي الموتر ماقلت على جنب يالموتر
نفس خوينا العربجي بس المره هذي صرت أشوف دوائر بيضاء وخضراء علم السعوديه
رحت مره لمحل نكتار أبي أشتري طيب لأمي هديه
لقيت في المحل ثلاث بنات وحده تقول للثانيه ذالعطر يجنن مره زين
نط أخينا السخيف وقلت زين ولا stc ‎‏ وحده منهم نادت بأعلى صوتها مسعد يا مسعد ويجي ذاك الخال الي طوله مترين وثلاث صانطيات وأسود وجثه بس عطاني كف خلاني أفر محلي ثلاث مرات
ومره رحت لمقهى أشوف مبارات الهلال والإتحاد يوم الخمسه صفر
شفتها في مقهى كله أتحاديه ولا أبن أمه هلالي شفت الهدف الأول في المقهى والأهداف الأربعه شفتها في غرفة الإنعاش
لمساعدتي في التخلص من سماجتي يرجى الإتصال على الرقم التالي :
تسعه تسعه تسعه


( ترى كل الكلام الي ( كشكول ) فووق صحيح ميه ميه )

[countess]

هههههههههههههه


حلوه


تشكرات افندم


ننتظر جديدك يا كشكول