سلسلة غير فكرك تتغير حياتك حصريا على بنات مصر 2

[oЯҜeĐα]

ازيكو يا بنات وانتو بردو يا شباب اخباركو ايه

يارب تكونو في احلى مووود عندكو ويارب

تكونوا في احسن حال

وبدون مقدمات نكمل بقا سلسلة تطور الذات

والتنمية البشرية

اتمنى يكون الكل استفاد من الحلقه الأولى يارب

وربنا يكرمنا بقا ونكمل الحلقة

التانية عشان نستفيد بجد

ملحوظة :- ارجوك (ي) لو مش استفدت(ي)

لا تضع ردا

وارجوكم لو عندكو ملاحظات او اي حاجة

قولوها عشان كلنا نستفاد

اسيبكو بقا مع الحلقة الثانية

كيفية التحكم في الشعور والعواطف

(ازززاااي تسيطر على شعورك واحساسك)

ناس كتييير بتشتكي من وهم بيسيطر عليهم

بأنهم ميقدروش يسيطروا على عواطفهم

اللي هي عبارة عن شئ ما

يحدث تلقائيا كأنعكاس للأحداث التي تصادفهم

في حياتهم.

ولو سألت حد منهم ليه عملت كده (مثلا أي

حاجه ؟) يقولك "انه قلبي" أو لم استطع ان

أتحمل ان هناك إنسانا يطلب المساعدة

و لا أساعده.. أو الكلمةالحلوةتسحرني

ولا استطيع ان أقاومها

و ردود كتيييرة تعكس شيئا واحدا وهو

(وجود ضعف عاطفي في الشخصية)

المهم ان العواطف حقيقة وتنشأ استجابة لما

يفعله معنا الناس أولما يقولونه لنا،وتأثير تلك

العواطف على الإنسان يختلف من انسان لآخر

حسب استعداده وتكوينه النفسي

وأبعاد ملامح شخصيته

وطبعا الخطأ الوحيد

هو الاعتقاد بأننا منقدرش نتحكم في عواطفنا

هناك أربع طرق أساسية يتعامل بها الناس

مع العواطف بنوعيها ( المؤلمة_ السارة)

الأول: هو التجنب فبيحاول الانسان انه يتجنب

أي حاجه او أي موقف يخليه يفكر بطريقه

عاطفية مؤلمة وخاصة في الحب

الثاني: هوالنفي يعني

تجاهل أي رسالة عاطفية يتم إرسالها

أو استقبالها مع النفس،وعلماء التحليل

النفسي يؤكدون ان إنكارالإنسان لعواطفه

ليس حلا ولكن الحل اننا نفهم العواطف ديت

بالظبط ونشوف هنوجهها اززززااااي؟؟

والثالث: الانغماس او التأقلم مع العواطف

وفيه يتوقف الإنسان عن مقاومة العواطف

ويقررالانغماس فيها، وبدلا من تعلم الرسالة

الايجابية التي تحاول عواطفهم انها توصلها

لهم ولكن بيزودوا شدة هذه العواطف

والرابع: وهو ما ادعوك إليه كي تتجنب

الاندفاع العاطفي

هو اسلوب التعلم والاستخدام

فإذا كنت تريد النجاح لحياتك وتصلح من عيوب

شخصيتك فعليك ان تجعل عواطفك نافعة

لك،وليس العكس

فقد ثبت ان الهروب من العواطف مش حل

( والله العظيم مش حل بجد)

وكمان اننا نتجاهلها بردو مش حل

والحقيقة هي متقدرش تحاول انك تقلل من

عواطفك ولكن يجب عليك ألاتسمح لعواطفك

بأن توجه حياتك،لانها لو كانت في اول الامر

صعبه فلازم نتحملها ونصبر ونصبر اوي ونواجه

نتائج أي شيء يحصل من خلالها لانها زي

البوصلة الداخليةتعطيك إشارات خاصة لازم

تعرفها وتفهم معانيها بسرعة يعني تشوفها

هي عايزه ايه بالظبط

(الم سرور فرح حزن هكذا)

لأنها توجهك إلى الأفعال اللي انت لازم تعملها

عشان تحقق أهدافك،ولو معرفتش انك

تحددها هتكون تحت رحمتها وهتبقى

علطوووول تحت تأثيرها .

وهناك ست خطوات يمكن اتخاذها دلوقتي

عندما تشعر بألم عاطفي:

الأول : أن تحدد ما تشعر به فعلا .. هل أنت

متشائم , حزين مثلا أو تشعر بالغضب أو

تشعر بأنك مجروح .. أوخسرت حاجة أو

تشعر بأنك مرفوض.. تشعر بعدم الارتياح،

المهم انك تحدد فعلا ماتشعر به بدقة شديدة

عشان تقدر تتحكم في عواطفك التالية

والثانية: انك تتعرف على عواطفك وتفهمها

لماذا تشعر بهذا الشعور و هذا الإحساس،ولو

عرفت السبب هتعرف كيف تقدر تتغلب على

الشعور ده وبعدها ستهدأ تلك العواطف

والثالثة : استخدم حب الاستطلاع لمعرفة

أسباب هذا الشعور ونتائجه وماهو متوقع

وردفعلك الايجابي تجاه العواطف

السلبية،وثق أن حب الاستطلاع هذا

هيساعدك على التحكم في عواطفك

ومواجهة التحدي ومنع المشكلة نفسهامن

الحدوث في المستقبل.

والرابعة: تسلح بالثقة واعلم أن أسرع وأسهل

وأقوى طريقة للتعامل مع أي عاطفة هي ان

تتذكر انك في وقت ما شعرت بعاطفة

مشابهة و بأنك نجحت في التعامل مع هذه

العاطفةمن قبل..

والخامسة: ان تتأكد من انك بإمكانك معالجة

ذلك مش وقتها بس لا كمان ممكن في

المستقبل وكمان متنساش اهم حاجه وهي

قدرة ربنا انها تساعدك في الخروج من الكرب

والهم وده طبعا بالتقرب لربنا

والسادسة : التأكد من انك نفذت فعلا

الخطوات الخمس السابقة وحدد تنوع

شعورك الحقيقي وتفهمت تلك العاطفة

بدلا من مقاومتها،ومارست قدرتك

على الاستطلاع عن معانيها الفعلية بجد

وتصورت انك تقدر تغير الأمور رأساعلى عقب

(وكل ده بردو بقدرة ربنا مش من نفسك بس)

وثق انك لو عملت كل ده بنجاح فإن شاء الله

هتقدر تتحكم في أي عاطفة تواجهك مهما

كانت ولكن يشترط التقرب من ربنا وبجد مش

هتقدر تعمل حاجة غير لما تكون مع ربنا

جرب بقا وشوف

ولازم تقنع عقلك الباطن بأنك تقدر تعمل كده

لان تأثيره كبيييير جدا جدا جدا على عقلك

الواعي ولازم بردو تكرر الاوامر التي هتعطيها

للعقل الباطن عشان يبرمجها بطريقة ايجابية

ولازم تعرف انك لو اقنعته بأنه يفكر في شيء

سلبي هتلاقي السلبيات موجوده عندك في

كل شيء ولو اقنعته انه يفكر في شيء

ايجابي ستصبح حياتك ايجابيه في كل شيء

بمعنى ان ( لكل فعل رد فعل )

ولو تلاحظ ان علماء امريكا يعالجون مرضاهم

بقوة عقلهم الباطن ويعلمونهم كيف يخاطبون

أنفسهم: "سوف أصبح من هذه اللحظة إنساناً

هادئاً ومتزناً وبعيداً عن الانفعالات وسوف

تظهر هذه النتيجة في سلوكي غداً..

ولكن رسولنا الكريم – صلى الله عليه وسلم-

يعلمنا كيف نخاطب ربنا ونقنع انفسنا بالتقرب

الى الله ونلقي بهمومنا و مشاكلنا بين يدي

ربنا و نسلم الامر كله لله و هو سيفعل كل

شيء

وهل هناك اجمل من ان يكون طبيبك

هو الله سبحانه وتعالى

ونتذكر هنا قول سيدنا إبراهيم عليه السلام:

(الَّذِي خَلَقَنِي فَهُوَ يَهْدِينِ * وَالَّذِي هُوَ

يُطْعِمُنِي وَيَسْقِينِ * وَإِذَا مَرِضْتُ فَهُوَ يَشْفِينِ

* وَالَّذِي يُمِيتُنِي ثُمَّ يُحْيِينِ * وَالَّذِي أَطْمَعُ أَنْ

يَغْفِرَ لِي خَطِيئَتِي يَوْمَ الدِّينِ)

إذن هذه هي البرمجة القرآنية تعلمك أهم

قاعدة في الشفاء وهي أن الله تعالى هو من

سيشفيك وليس عقلك الباطن أو طبيبك، وما

هذه إلا وسائل هيّأها الله لك لتستخدمها

كطريق للشفاء. وهذا يعني أن قوة العلاج

بالقرآن أكبر بكثير من العلاج بخطاب النفس،

ولكن إذا تم اللجوء إلى القرآن وإلى علم

النفس معاً فستكون النتيجة عظيمة. ان شاء الله

سورى لأن التوبيك طويل بس والله فعلا عشان الكوس كبير اوى

تحياتي

[ليالى العمر]

فإذا كنت تريد النجاح لحياتك وتصلح من عيوب




شخصيتك فعليك ان تجعل عواطفك نافعة




لك،وليس العكس

الله

الله

الله

الله يفتح عليكى كمان وكمان

ويوفقك لتقديم الاجمل والمفيد دائما

ونحن فى انتظار كل حلقة جديدة

وبالتوفيق ان شاء الله

تسلم الايادى
وبارك الله فيكم
واثابكم كل الخير ان شاء الله
ولكم احلى وارق الامنيات

[oЯҜeĐα]

يسلملي مروورك ياجمييل
بس بجد شكل محدش استفاد
ولا حد عجبو التوبيييك

المشاهدات كتيير ومفيش الا رد واااحد
اهئ
ميرسيهاات ليك ياقمر
ردك اعاد ليا الامل

[شاعر واسير الحب]

مين اللي قال كدا والله جميل جدا

تسلم الايادي

[oЯҜeĐα]

يسلمووو
مرورك الأجمل ياغاالي
نورت التوبيييك

[حسن513]

كلام جميل ومش عارف ممكن ينجح وممكن لا لما نطبقه على الواقع
وتسلم ايديكي يا سحابة على المعلومات الرائعة والله يحفظك.

[oЯҜeĐα]

يسلمووو عالمروور حسن
دايما منوورني ياغاالي

[beauty angel]

قوة العلاج بالقرآن أكبر بكثير من العلاج بخطاب النفس
فعلا يا سحابه الكلام ده مضبوط 100% القرآن فيه
شفاء للناس من اي شيء ممكن يتعرضوا ليه
تسلم الايادي
موضوعك حلووووكتيررر

[oЯҜeĐα]

يسلموو عالمروور الروووعه
نورتيني ياحبي