كرسي الاعتراف الشخصي <<رجعنا تانى

[Rona el Tota]

ثانكس عالمرووور يا سكون
ومنور المنتدى
ومعاكى حق يادعاء
طارق هيدخل يضربها بالعصاية
خخخخخخخخ
استخبي فى اى ركن دلوقتى ياتقى
هههههههههههههه

مستنظرين دكتور طاااااااااارق

[حنـــــون]

اجابات جميله ياساره وياهمس ويااميره بنظرتيى

نورتوا ياقمراااااااااااااااااات

وفى انتظار طارق

[Rona el Tota]

اقتباسالمشاركة الأصلية كتبت بواسطة حنوناجابات جميله ياساره وياهمس ويااميره بنظرتيى

نورتوا ياقمراااااااااااااااااات

وفى انتظار طارق

نورتى يا حنون
وطارق شكلو مستخبي زى احمد :vb5:
هع
ههههههههههههههههههه

[SiLver Spectra]

جايبني على ملا وشي
و لسه صاحي من سهرة امبارح و عنيه داخله اتنين متر لجوا

أنا بدبس في الموضوع الواحد 3 مرات!!
(زي العرض الخاص كدا دبسني مره و خد تدبيسه تانيه مجانا في المستقبل)
و أنا أهو و الزمن
و ابقوا قولوا طارق قالها
السنة الي جايه زي دلوقتي
رونا التوته لو ربنا اداها العمر
هتعمل الجزء التالت من الموضوع دا و هيدبسوني برضو

الاسئــــــــــــــــــــــــلة



اولا البطاقة الشخصية
الاسم طارق محمد عباس سلامه
بحب أتكلم في السياسة (خليهم يقبضوا عليه )
السن21
الدراسة/المؤهل طالب في طب اسنان
الهوايات الناس تدبسني
محل الاقامة مصر- دمياط - بجوار جامع موسى
الحاله الاجتماعيه بندور على عروسه
لونك المفضل أزرق و برتقالي
اكلتك المفضله البيض المسلوق (استهبال)
طبعا المكرونه بكل أنواعها








ثانيا
اسئــلة لها علاقة بالمنتدى
جينا بقى لتوزيع الأسماء
ماحدش يزعل يا جماعه الي هيجي على دماغي هحطه
و أكيد في ناس هنساها

قلم مبدع :
كتير
بس الي بيعجبوني ياسمين رفعت السكري
قلم بلا حبر
تيكنيكال
حنون
ملاك الجنه
و قلم نادر سندباد سابقا و حاليا حسين حمدي
ميشو

عضوصاحب شخصيه مثالية :
حنون
تيكنيكال
بيوتي أنجل

عضوصاحب شخصيه مرحة :
اميره بنظرتي
رونا االتوته
همس الجراح
تيكنيكال
حياتي ذكريات
عضوصاحب شخصيه قوية وجادة :
الكل أجمع على انه ضياء
و أبو ادهم طبعا
عضوصاحب شخصيه مشاكسه :
طمطم و رونا التوته
عضوصاحب شخصيه رائعه :
عسولة
سكره
كول على طول
ألحان الورد
سمسمه 3 ستات
عضو دلوع :
ماتريكس
عضو محبوب :
سمسمه2008 كانت محبوبه جدا
ربنا يوفقها في حياتها
عضو نشيط :
كتير ..اجابة السؤال دا هي الاعضاء المميزين
عضو زعووووووووول :
حنونه
اساس الطيبه :
أغلب المشرفين طيبين
برنسيسه اس
خفة الدم كلها :
البت الي اسمها رونا التوته
ستوب مصر توب دمها خفيف جدا و تحسوا انها بايعاها كدا

عضو من كلمه يزعل :
مراميرو
عضو ذكي ولماااح
الي بيحلوا مسابقاتي
ملاك الجنه و صاحبتها
بروكن هارت
أجمل بنات حواء
سيرين
لاف اند بين

اكتر شئ جميل ويلفت نظرك للمنتدى
المواضيع التفاعلية الي بتعمل جو حلو
ادارة المنتدى ماشية بالطريقة اللى ترضيك ولا لا
أنا الادارة
^_^
الى حد ما راضي عن الطريقة

ايه اقتراحاتك لنهوض المنتدى
يوميا بيكون في اقتراحات جديده و افكار
اخرها لسه مع أحمد عايزين نشوف قسم لكأس العالم
مارايك بالعضو

طارق<<سيلفر سبيكترا
واد كدا مغرور و شايف نفسه و حاطتلنا عساكر و عربيات شرطه و فرحان بصورته الرمزية الكبيره
و عاملنا فيها اداري
هيثم<<الحب السايلنت هع
مع نفسه
^_^
سبماوي كبير (يعني بتاع اسبام)
بس الكلام معاه حلو
حنون
حنون طيبه جدا
و عاقلها كبير و متفاهمه
مريحه جدا في التعامل
نودى
شخصية كويسه و بتكتب كتير و ليها افكار حلوة في اليوميات
مرمر
بحسها عصبية ساعات
بس هي طيبه و غلبانه و بنت حلال
و هتفتح العياده قبلي (بحقد عليها)
طمطم
المشاكسه المقالب عندها زي الاكسجين
بس روحها حلوة و نشيطه و تفاعلها جامد
رونا التوتا <<انا يعنى
شاطره البنت دي
عينها ضاربه في صيدلة و نقلت لطب أسنان مؤخرا
مش عارف أنا مالها التجاره ..زي الفل
ناس كدا غاوية وجع راس

ابو سباعتاشر اسم احمد
أحمد طيب جدا
شخصية حلوة و خفيفة و متفاهمه
الشغل معاه مريح جدا


من وجهة نظرك شايف انك قدمت حاجة كويسة للمنتدى وراضي عنها
الحمد لله راضي
مواضيعي في قسم الاقلام راضي عنها كلها لأني مش بنزل أي كلام
ممكن بعد شهرين بين كل موضوع و التاني و ممكن اسبوع
لما بحس ان في فكرة جديده و مضمون يستحق بكتب

و مواضع المتعلقة بالمنتدى و ادارته راضي عنها برضو

و الاجراءات الادارية زي مراقبة قسم الاقلام و الابداعات و المسابقات و الالعاب
بدل مثلا ماكانوا يقولوا ممنوع تنزيل لعبه الا باذن الادارة كانت مش حلوة الفكرة
أنا خليت القسم يكون متراقب افضل
أكيد ماحدش هيروح قسم صوت الاعضاء عشان يقول لو سمحتوا عايز اعمل لعبة عد من واحد ل5 و ارمي الصرصار على واحد!!
حتى فيها سخرية
فخليت القسم مراقب و الموضوع بيقبل او بيحذف قبل ظهوره
غير الأول العضو ينزل لعبة و يلعب فيها و بعدين فجاه يتحذف مره واحده و هو شغال يلعب بالصرصار مع الاعضاء
:cv25:

و كمان ايه تاني؟
غير الاقسام الي اتفتحت و راضي عنها
فكرة اعلانات للمواضيع و المسابقات الي فوق

و أخيرا فكرة البومات الأعضاء

اسئلة شخصية
1/ ايه رايك فى اللى بيحصل فى بلدك حاليا
التطور الطبيعي للحاجه الساقعه
كل بلد و على أد عقول شعبه ربنا بيرزقه بحكومة
أكيد لو كنا كويسن كان رزقنا بحكومه افضل
2/لو بقيت رئيس جمهورية لمدة ساعة هتعمل فيها ايه
هلغي كل الاحزاب الحالية و أولهم الحزب الوطني
و هعيد هيكلة الاحزاب مره تانه مع حرية أكبر
و نخلي الشعب يعبر عن رأيه أكتر
الحكومة الي هو عايزها تبقاله
عايز اخوان مسلمين عايز برادعي هو حر...عشان يبقى راضي عن نفسه و عن كرامته و سياساته
بدل ما هو عايش في وادي و الحكومة في وادي تاني
أكيد عمر ما في اي تقدم هتقدر تحققه الدولة طالما في فجوة كبيره بين الحكومة و الشعب

3/دراستك كانت بمزاجك ولا تبع التنسيق
تنسيق و مزاج
بس هو المزاج اني عايز طب اسنان و خلاص بصراحه
لكن مش غاوي طب
بفضل الهندسه

/ما أصعب المواقف اللي مريت بها ؟
جالي مره جواب من الكلة السنه الي فاتت
طبعا أنا كنت بفتح الجواب و أنا قلبي هيقف
لاقيت مكتوب فيه سيتم فصلك من الكلية اذا لم تحدد موقفك من التجنيد
روحت و جبت السته جند و بعته للكلية و خلصت
جالي جواب تاني
سيتم فصلك من الكلية اذا لم تحدد موقفك من التجنيد بعد اسبوع
ما تفهمش احدد موقفي يعني اعملهم ايه!!
لازم أركب الدبابه بتاعتي ال راكنها تحت في الجراش و أروحلهم المعسكر مثلا و اقولهم أنا لسه طالب جامعي و الله!
:cv25:
ما هو هدفك في هذه الحياة ؟؟
نخلص دراستنا و ربنا يحلها
و بعدين نفكر في الشغل و الجواز عشان نخلف عيال و نضربهم
ماهو أكثر موقف مؤثر مررت به ؟؟ >> مش لازم يكون موقف وحش
مره لطشت واد صاحبي قلم
زمان و أنا في اعدادي
الواد نظارته طارت و قاعد يعيط
ماكنتش راضي عن نفسي
(حنين من يومي ههههههه)
ما هو الموقف المحرج الذي مررت في في حياتك ؟؟
كنت زمان أيام المراهقه كنت بسرق وصله من الطبق الاوروبي بتاع جارنا
كنت مفكره راجل كبير و متجوز و مش محتاجه
الراجل عرف و راح فاككلي كل اسلاك الطبق بتاعنا
كان راجل تونسي
كان كل ما نركب الاسانسير سوا بيبقى وشنا في الارض احنا الاتنين بالذات لما بيبقى ماشي مع مراته و يشوفني
بيبقى وشه 90 درجة ناحية الارض


ماهو تقييمك لعالمنا الحالي؟؟
ناس كتير بتقيمه بالسالب لأنه بيحن للماضي
و دا طبع الانسان
لكن لما بشوف مثلا الكرتون أو الفيلم أو المسلسل بتاع زمان الي كنت حاطه في مخيلتي انه شيء خطير و مافيش زيه بلاقيه عادي
مش زي ما كنت حافظه في ذاكرتي
العالم بيتطور بسرعه
بس رتم الحياة بقى سريع
ماعتش في متعه للشيء زي الأول
لما بشوف حاجه قديمه بلاقي رتمها بطيء جدا بس زمان كنا بنستمتع بيها
دلوقتي تلائي مافيش عندك خلق و مستعجل و بتشوف حاجات كتير بس مش بتستمتع بيها
شخص له بصمــه رائعه في حياتك ؟
أكد أهلي الي ربوني
ماهو آكثر شي يحرجك ؟
لما حد يمدح فيه
كلمة تتمني سمآعها كل يوم ؟
فرحان - فرحانه
دعوه صآدقه من آعماق قلبك لمن تهديهآ؟
لبابا و ماما و جدو و خالتو و عمتو
:msn-wink:
شيء حدث بحيآتك غير مجرى حيآتك ؟
لما دخلت الكلية
فجأه كدا الكل بقى يقولي يا دكتور
مع اني بحب التواضع

- ماهو اهم هدف في حياتك تتمنى تحقيقه؟
اتجوز و استقر
- من هم أقرب الناس اليك بالترتيب؟
اصحابي
- ماهى مواصفات فارس احلامك؟او فتاة احلامك
الصفات الي هيقولها أي شاب
أهم شيء عندي انها تسمع كلامي و تقتنع بيه
- ايه اكتر صفه ممكن تجذبك لصداقة شخص معين
يبقى صاحب مبادئ و طيب
ماذا تعنى كلمة الثقة بالنفس بالنسبة لك؟؟
دايما في غلط بين مفهوم الثقة بالنفس و الغرور
الناس تشوف الي واثق من رده على طول بانه مغرور
و كأنك لازم تكون صاحب راي ضعيف!!

الثقة دي أهم شيء عندي
و عمرها ما تتحول لغرور الا لو ماكنتش مقتنع بتصرفاتك
لكن انت واثق من وجهة نظرك و موقفك من قضية معينه دي بتكون ثقة نفس
و دي أهم شيء عندي اني اكون صاحب فكر حققي مش وهمي

وبس كفاية كودة

تم بحمد الله
رقم الايداع : 387605
أودع في وزارة التربية بتاريخ 23/3/2010
طبع في مطابع سلاح التلميذ

[big bốss]

ههههههههههههههههههههههههههههههههههههه


ههههههههههههههههههههههههههههههههههههههههههههههه




يا دماغك يا طارق


بجد مت من الضحك بتسرق وصلت الهوت بيرد


امال بتقول مش عجبك ليه القمر العثل دا هههههههههههههه


ربنا معاك ياعم


اجابات نمذاجيه


وفى انتظار التدبيسه الى بعدها

هع


بس حلو القلم الى رمى النطاره افتراء

[countess]

ههههههههههههه

اجابات دمها خفيف مثل صاحبها موقف الواد ونظارته تحفه هههههيا حنين من يومك


في انتظار التدبيسه القادمه

[SiLver Spectra]

اقتباس
المشاركة الأصلية كتبت بواسطة نوررر





ههههههههههههههههههههههههههههههههههههه


ههههههههههههههههههههههههههههههههههههههههههههههه




يا دماغك يا طارق


بجد مت من الضحك بتسرق وصلت الهوت بيرد


امال بتقول مش عجبك ليه القمر العثل دا هههههههههههههه


ربنا معاك ياعم


اجابات نمذاجيه


وفى انتظار التدبيسه الى بعدها

هع


بس حلو القلم الى رمى النطاره افتراء

ههههههههه
دا أيام المراهقة
الهوت بيرد تعبان يا عم
خلاص الطبق دلوقتي مصدي على النايل سات
كنت زمان بدور على قناة البلايستيشن هناك
:vb26:

نورت يا نور...

[SiLver Spectra]

اقتباس
المشاركة الأصلية كتبت بواسطة برنسيسه S





ههههههههههههه

اجابات دمها خفيف مثل صاحبها موقف الواد ونظارته تحفه هههههيا حنين من يومك


في انتظار التدبيسه القادمه

على فكرة أنا عدلت مخصوص عشان احط اسمك
كنت فاكره و قولت هحطه في الطيبة كلها
بس لما وصلت للسؤال نسيت و حطيت كل المشرفين
^_^
انتي محترمه و تستاهلي
نورتي يا ساره

[الملكة كيلوباترا]

اجابات روووعة جداا يا سيلفر ويا اميرة بنظرتى

[тoкα..♥]

هههههههههه اجابات خطيرة لا وحلوة
تم بحمد الله
رقم الايداع : 387605
أودع في وزارة التربية بتاريخ 23/3/2010
طبع في مطابع سلاح التلميذ

امال عملنا فيها بتتكسف ومكنتش عايز تيجي ليه هع
لجد منور وبانتظار التدبيسه الجايه
تحياتي,,,,