قادر انساك

[ممدوح بدوى]

قادر انساك

فكرك يعنى مش اقدر انسى لا وحياتك قادر انساك
انت فى قرب وبعد بتاسى بعد دا كله عايزتى اهواك

قولى ازاى والجفى فى عيونك حتى القلب ما عادش حنون
والــمرادى خلـــــفت ظـنونك والمكتوبلى لابد يكون

فكرك انى حاضيع من بعدك وارجع ابكى فى حضن عنيك
ياللى الغدر بيجرى فى دمك وغرور نفسك لاعب بيك

فاكر كل الناس دى عبيدك تؤمر فيهم كيف ما تحب
ولا اكمن قلوبنا فى ايدك دانت صحيح مش عندك قلب

ياما فرشت الارض عشانك اوراق ورد واوراق فل
واتحملت فى شوك احزانك وهوان قلبى وضغف وذل

مش راح ارخص نفسى انا تانى ولا اجيلك ولا اصدق دمعك
ولا حاعتب ولا اقول يا زمانى ما خلاص قلبى داناوى يفارقك

ياما سقتنى المر وعيشته وقولت حا عيش لو بين النار
كل الخير والحب زرعته وازاى اجنى يا ناس صبار

حانسى حكايتى معاك وخلاص وحاخــطى كل الازمـــــات
لو كان فيه زرة اخلاص كان عاش حبى معاك ولا مات

تشهد كل الدنيا عليا عمرى ما بعت انا حبك يوم
ليه مستخسر حبك ليا وتيجى عليا كمان وتلوم

لومش لاقى غرامك عندى شوف مع غيرى هواك بيكون
واللى بياخد الحب بيدى ويخلص قلبه كمان ويصون

حاطوى الصبر انا ولا حاتكلم ولا اجيلك ولا اطلب صفحك
واللى يعيش ياما حايتعلم واتعلمت خلاص من جرحك


كلمات -
ممدوح بدوى

الرفاعيين- النوافغة
فاقوس-محافظة الشرقية
جمهورية مصر الغربية

[ARAGON]

شكرا على الكلمات

لكن كلماتك حزينه اخي ممدوح

لعل الفرج قريب

وصدقني لو تعاملت مع شخص دقيقة

ما راح تنساه

فما بالك بشخص احببته وعشت معاه

ها يبقى صعب

بس الله يعينك وتقدر تنسى إذا كنت انت المقصود بالكلمات