اميره كبرت واحلاوت ياااا رجاله

[حفيدالفراعنة]

	اميره كبرت واحلاوت ياااا رجاله اميره دى سمنه اوعى حد يتفتكر حاجه ولا كده اعلانات كتيره بالشكل داه مش عارف سمنه ايه زادت ولسه بنفس الثمن واعلانات كتيره بنفس المضمون وكلو عباره عن تسويق للسلعه فقط ايه رايك فى الاعلانات دى انته بتشترى السلعه على اساس الاعلانات ام على اساس الجوده وهل الاعلانات ليها تاثير على اختيارك

[fula]

السلام عليكم يا حمادة..الاعلانات بقى يا سيدى عبارة عن وباء وفى اعلانات بتحرق الدم لكن ان كان ليها تأثير على بيع المنتج طبعا ليها تأثير كبير لان الناس دايما تجرى ورا اى حاجة بيجلها اعلان فى التليفزيون وتقلك اشتريها دانا شفتلها اعلان وهكذا لكن انا عن نفسى بهتم بالجودة..وبنستعمل السمنة البلدى من الاخر ههههههههه...بارك الله فيك يا حمادة على الموضوع القييم ده

[~®§§][][ سيد دندنة ][][§§®~]

الاول تسلم على الموضوع

وبعدين موضوع الاعلانات ديه بتبقا دعايه للمنتاج

اللى بقى بجد بستغربلوا اوووووى الوزن بيزيد والسعر هو هو

بجد انا مستغرب اووووى للموضوع ده

تسلم يا حفيد على الموضع الجميل ده

[countess]

هههههههه بصراحه لماقريت الموضوع كنت مفكره اميره بنت على وش زواج


لا طبعا اهم شي الجوده

وعلى فكره لما يئوفرو با الاعلانات بقلق منهم وماصدقهم


تشكرات يا حماده على النقاش

[beauty angel]

تسلم الايادي ياحماده علي الموضوع
والله طبعا موضوع الاعلانات ده زاد عن حده في الفترة الاخيرة
خصوصا ان في بعض الاعلانات بتبقي مستفزة وغير هادفه
لكن شراء المنتج يعتمد اهم شيء علي جودته

تسلم الايادي علي الطرح
تقبل مروري

[тoкα..♥]

ههههههه انا قولت نهارو مش معدي بيجيب في سيرتي ليه دا
لا طبعا الاعلانات مش ليها اي تاثير بالنسبه لي
لو انا مقتنعه بحاجه اكيد هشتريها مش هستنى اشوف اعلانها
تحياتي,,,,,

[اميره الحب والعذاب]

بص الاعلانات دي كلها كذب في كذب
عارف بيذودو اذاي في حجمها بلاش احسن حد يكون بيستعملها ويتجيله سكته قلبيه
انا اصلا مبشتريش حاجه من الاعلانات (اتقرصت كام مره) اشتر ي الحاجه وتطلع وحشه اوم ختلفه عن الاعلان
بقيت بروح المحل واختار واتفرج واغي شويه بس الاحسن طبعا
تسلم الايدي
اميره العذاب

[حَرفُُ هجآءّ]

موضوع تحفه بجد تسلم ايديك

وكمان انت نسيت حاجه اشترى علبه لبن وخد وحده هديه بنفس السعر

عن نفسى لما بشوف اعلان زى كده بعرف انه الماده نفسها رديئه

واقل كتير من المفروض تكون عليه

بس دى بقت مسأله ضمير

انا اصنع ايه وازاى وجودته ايه بقت مش مهم بالنسبه للمستثمرين

اهم شىء دلوقتى عندهم هو الكسب المادى وبس

عن نفسى اشترى الحاجه تكون غاليه مش مهم بس يكون مصدرها مضمون ومعروف

والضامن هو الله طبعا فى كل شىء

[حياتي ذكريات]

السلام عليكم
موضوعك جميل يا حفيد وهو في الفترة الحالية
بقى على فكرة فيه اعلانات كتير كده مالهاش لزوم
ومش مفيدة خالص وفيه حتى بعضها مش محترمة
بس كله عايز يطلع بإعلان جديد عشان يستهدف فكر الناس
شكراً ليك على الموضوع يا حفيد
تقبل مروري وتحياتي

[حفيدالفراعنة]

اقتباس المشاركة الأصلية كتبت بواسطة فلة1171997 السلام عليكم يا حمادة..الاعلانات بقى يا سيدى عبارة عن وباء وفى اعلانات بتحرق الدم لكن ان كان ليها تأثير على بيع المنتج طبعا ليها تأثير كبير لان الناس دايما تجرى ورا اى حاجة بيجلها اعلان فى التليفزيون وتقلك اشتريها دانا شفتلها اعلان وهكذا لكن انا عن نفسى بهتم بالجودة..وبنستعمل السمنة البلدى من الاخر ههههههههه...بارك الله فيك يا حمادة على الموضوع القييم ده

هو يا فله عموما البلدى يوكل

انا شايف ان الناس كلها بقيت ناصه اليومين دولا

نورتى الموضوع يا فله