أهلا بيكم في برنامجكم كتر الملل بيجيب الشلل

تيا · منذ /03-31-2010, 12:02 AM

ازيكو يا حلوين يا طعمين يا قمامير يا مقطقطين كفايه عليكوكده

برنامجنا برنامج خنيق مش حنتكلم لا ع العيش ولا ع الدقيق ...
حلقتنا حلقه ممله لا حنفتح تى فى ولا نفتح حله
نصيحه ليك يابو قله لو مش مملول ومش مشلول
بلاش تاكل فول واطلع من ام التوبيك دا على طول
ولو حصلك اى حاجه انا طبعا مش مسؤل

طبعا اينما جولت واينما تجولت
(تفرق ع فكرة )

طبعا لو سالت اى شاب ايه ياعم مالك ؟؟

مش عارف والله يا صاحبى بس عندى حاله ملل رهيبه الاقيش عندك اى بتنتجان عشان افك ؟
ألاقيش هههههه ألاقيش وجبنة

لا والله متلاقيش انا بطلت ابيع خضار من زمان
وبعدين ايه ياعم الكئيب حاله ملل دى الجزء التانى بتاع حاله حب

ياظريف يا خنيق
تصدق ياض انت عيان

انا بردو اللى عيان فى ايه ياعم؟ ..ما تنجز وانجز وارغى

امى ياعم ...امى

مالها امك .. اكيد كانت بتشد السحاب متكملش

لا يا عم الخفيه
امى بقت ممله
وابويا ممل
صحابى مملين
حتى البت اللى ماشى معاها بقت ممله
وقال على راى المثل كتر الملل بيجيب شلل

ايه الجديد يعنى ما كلنا كدا
واللى بنصحى فيه بنام فيه ومفيش جديد
المشاكل هى هى وعمرها ما بتتحل بالعكس دى بتزيد
لا حد عارف يتجوز ولا حد عارف يشتغل ولا حد ولا اى حد عارف يعمل اى حاجه

مين ابن الكئيبه اللى دخل ف نص الكلام دا ؟

اخوكو المملول مشلول

اه ماهى كانت نقصاك اصلا
تعالى ماهو توبيك ممل وشخصيات ممله بتتكلم وحياه ممله
وكئبتونى الله يحرقكوا
هتلبسونى النضاره السوده ليه
انا لسه صغيرة يا جدعان
بلاش والنبى الجو دا

طبعا انا مليت م الاشخاص دى
بس ما علينا
خلاصه اللى قالوة مملول ومشلول وزغلول

هل فعلا فى فيرس ملل انتشر بين الناس ولا دى نظرة كئيبه من ناس مكبراها ؟

هل فعلا كتر الملل بيولد الشلل النفسى والاحباط ؟

ازاى نقدر نتغلب ع الملل دا ونكسروا ونقدر نكمل عادى ومن غير تنفيض واحباط ؟

أنا حبيت أعمل الموضوع ده وكل مره هجيب حد يجاوب على شوية أسئله مملة جدا لدرجة ان انتو مش هتعرفوا تجاوبوا عليها
والضيف اللي هيكون معانا وهيجاوب على كام سؤال من الأسئله اللي هجيبها له هنشوف رأي الأعضاء في الإجابات
ونقيم حالة الملل اللي عنده وكل عضو هنشوف ممل قد إيه واللي هيجيب عشرة من عشرة ف الأسئله من الأعضاء اللي هنجيبهم يبقى الممل الأكبر ههههههههه طبعا الموضوع هزار
وده بعد موافقة المشرفين العسولين
وبكدا تكون خلصت حلقتنا النهارده
ونوعدكو انكو مش هتشوفونا تانى ان شاء الله

CYNDRELLA · منذ /03-31-2010, 01:57 AM

برنامج جميل وانتي أجمل بس بكلامك ده خليتي الي مش كئيب اكتأب

ندى الحب · منذ /03-31-2010, 02:01 AM

هههههه والله برنامج حلو بس الملل لسه موجود نعمل ايه حاو اوى المثل ده كتر الملل بيجيب شلل
ميرسى ليكى يا قمر

بنوته متفائله · منذ /03-31-2010, 02:55 AM

الملل ده شى طبيعى كلنا احيانا بنشعر بيه بس الاهم الواحد يلاقى حاجه مفيده يضيع فيها وقته هيضيع الملل شويه ميرسى ياقمر للموضوع الجميل

big bốss · منذ /03-31-2010, 11:34 AM

هههههههههههههههههههههههههههههههههههههههههههههههههه ه

هههههههههههههههههههههههههههههههههههههههههههههههه

الله الله يا تيا على كلامك بجد معلمه

برنامج حلو كمليه يا قمر

على رايك احنا نقصين ملل عايزين جديد صح كدا

حسن513 · منذ /03-31-2010, 11:50 AM

تمنياتي تنجح هذه الفكرة
وتسلم ايديكي تيا على الموضوع الرائع والله يحفظك.

đΘόđΘό · منذ /03-31-2010, 04:22 PM

اييه الربنامج الجامد ده

والحوار جميل جدااا

في انتظار الممل الاول

тoкα..♥ · منذ /03-31-2010, 04:38 PM

ههههههههههه ختير يا بت يخرب عقلك
ايوة هيا دي الافكار ولا بلاش مش طول النهار قاعده في النقاش >>فكك من النقاش مبياكلش عيش هع
كملي يا مون فوكيرة ختيرة
تحياتي,,,,,

تيا · منذ /03-31-2010, 07:29 PM

اقتباس

المشاركة الأصلية كتبت بواسطة CYNDRELLA

برنامج جميل وانتي أجمل بس بكلامك ده خليتي الي مش كئيب اكتأب

ميرسي يا سندريلا والله بتحرجوني يا جماعه
لا أنا مش قصدي أكئب الناس أنا مش بحب الكآبه أصلا
أنا بس عايزة اخلصكم من الملل قلت أعملكم موضوع ممل برده ههههههههه

تيا · منذ /03-31-2010, 07:31 PM

اقتباس

المشاركة الأصلية كتبت بواسطة amama

هههههه والله برنامج حلو بس الملل لسه موجود نعمل ايه حاو اوى المثل ده كتر الملل بيجيب شلل
ميرسى ليكى يا قمر

أي خناقه اتعلمتي مثل جديد أهو
افتكري الجمايل دي بقى
ميرسي ليكي انتي يا قمر
نورتي التوبيك الممل بتاعي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حلقه جديده من برنامج كتر الملل بيجيب شلل	تيا	أرشيف برامج اليوميات	45	06-01-2010 09:46 PM
أهلا بيكم وحلقه جديده من برنامجكم كتر الملل بيجيب شلل	تيا	أرشيف برامج اليوميات	62	04-18-2010 06:06 PM
اخ جديد ومش لازم ترحيب وانا اللى هرحب بيكم اهلا بيكم	sahran77	منتدى الترحيب بالاعضاء الجدد	10	06-25-2009 02:55 AM
اخر تحديث من برنامج BlackList Mobile v1.90 لحظر المكالمات المزعجة .. تحديث رائع	هاني فريد حسن	منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي	1	05-02-2009 05:27 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

أهلا بيكم في برنامجكم كتر الملل بيجيب الشلل

أرشيف برامج اليوميات