رسمياً جماهير النادى الأهلى تطالب بغلق قناة مودرن سبورت

[عاشق الود]

رسمياً جماهير النادى الأهلى تطالب بغلق قناة مودرن سبورت

تقدمت رابطة جماهير النادي الأهلي ببلاغ للنائب العام المستشار عبد المجيد محمود تطالب فيه بإغلاق قناة مودرن سبورت والحصول على تعويض قدره 50 مليون جنيه ، نظرا للهتافات البذيئة التي قامت بها جماهير الزمالك في برنامج زملكاوي ضد النادي الأهلي وجماهيره .
وذكر متحدث باسم رابطة النادى الأهلى أن الرابطة ستقوم بعمل مظاهرة سلمية خلال الأسبوع الجاري أمام مبنى اتحاد الإذاعة والتليفزيون سيشارك فيها الآلاف من جماهير الأهلي حتى يصل صوتهم إلى أنس الفقي وزير الاعلام ، وأسامة الشيخ رئيس اتحاد الإذاعة والتليفزيون لاتخاذ موقف حاسم تجاه قناة مودرن سبورت .
هذا وقد أخلى الدكتور وليد دعبس رئيس مجلس إدارة القناة مسؤوليته عن الهتافات البذيئة مؤكدا أنها جاءت من جمهور الزمالك دون علم القناة أو القائمين على البرنامج .
وأكد دعبس أنه اتخذ قرارا بتسجيل البرامج الجماهيرية في المستقبل وعدم إذاعتها على الهواء لحذف أي هتافات مسيئة منها قبل عرضها .

[тoкα..♥]

امممممممم مش عارفه هو الكلام ده بجد
بس الحاجه اللي تضايق هيا هتاف جمهور الزمالك ضد الاهلي تب وليه؟؟
وحتى لو طلبوا كتا فعلا لا حياهـ لمنـ تنادي
وبجد لو كل جمهور فرقه احترم الجمهور التاني هنتقدم اوي
شكرا على الخبر
تحياتي,,,,,,,,

[اتيتو]

انا ماسمعتش تعرض للاهلي اصلا في البرنامج غير كلمة شياطين والاهلاوية هم اللي اطلقوا لقب الشياطين الحمر عليهم . كان فيه تجاوز اه بس مش ضد الاهلي بجملة شيكابالا بس

عامة الاعلام الرياضي في مصر اصبح لا يطاق

شكرا ع الخبر

[HBHDA]

اه

اوك طيب مفيش مشاكل

بس انا قولت وجهة نظرى ماسبيتش ولا زعلت حد

عشان مشاركتى تتحذف

ع العموم مفيش مشاكل

[حياتي ذكريات]

تسلم على الخبر
بس انا عرفت ان جمهور الزمالك اما اتكلمت الأهلي
برده رد عليهم في برنامج أهلاوي
يعني لو وقع عقوبة على الزمالك لازم برده قع على الأهلي
الا اذا كان فيه بقى انحياز زي المعتاد

[أنثـے مًنْ الّخٍـْيـِالْ→♀]

الاهلى و الزمالك

مصر و الجزائر

هو ده اللى اخدينه من الكورة

هههههه

طبعا بقول كده عشان مش من هواياتى

:arsenal-flag:

يسلموو على الخبر

و ربنا ما يجبش خلافات

[محمد الشريف]

الرياضة أخلاق ويفترض أنها تهذب الأخلاق والسلوكيات أما مايحدث

فى ملاعبنا من البعض يخرج عن هذا النطاق .. أن ماحدث فى قناة

موردن أسبورت ومايحدث عادة فى أنديتنا ومن جمهورنا فى كافة

الملاعب ومختلف الأنشطة الرياضية يحتاج إلى ضوابط مقننة

لمعالجة هذا الخلل حتى لاتتفاقم الأمور ويفلت الزمام مادام الأمر

متروك بلا محاسبة ولاعقاب فلابد من مساءلة ومحاسبة كل مسؤل

وكل متسبب فى إشعال تلك التعصبات سواء حكام أو لاعبين أو

أندية أو جمهور يثبت مسؤليته المباشرة فى الاعتداء على المنشآت

الرياضية باعتبارها ممتلكات ومرافق عامة .

وأنا هنا لااتحيز لنادى ولا ادين واقعة محددة بقدر رفضى

لكل خروج عن الروح الرياضية .

مع تقديرى

[hasna2010]

والله انا معرفش اى حاجه عن الموضوع ده
بس لو ده حصل من الجماهير يبقى عيب عليهم اوى اللى بيعملوه ده
انا مستغربه جدا ان الناس تقعد تشتم فى بعض علشان خاطر كوره وفى الاخر احنا مش هنستفاد حاجه خالص غير حرقه الدم
ربنا يهديهم
شكرا ع الاخبار

[masrawey 4 ever]

بجد انا زهقت من المواضيع ديه وبعدين ياريت الامور تهدى شويه ده الدورى بقى نار والجو ابتدى يحرر والجمهور مش طايق نفسه ومودرن مشعللاها بجد ياجماعه لازم نهدى

[Ќonto]

شكرا على الخبر

بس الأهلاوية كمان في برنامجهم كانوا بيشتموا الزمالك

وفي كل حتة الأهلاوية بيشتموا الزملكاوية والزملكاوية بيشتموا الأهلاوية

يعني محصلش حاجة غريبة يعني

بس أنا بصراحة نفسي القناة دي تتقفل لأنها سبب كل حاجة

ما بتصدق أي حاجة تحصل وتشعللها