>>>استضات عضو صاحب مهنه <<<

[тoкα..♥]

ايه يابت يا دودو يبلغ عنو ديه انا هبلغ بس لما امسكو متلبس خخخخخخخخخخخ

[đΘόđΘό]

السلام عليكم
صباح / مساء الخير حسب التوقيت المحلى

بناءا على طلب الجماهير تم انزال اول حلقه من برنامجنا عضو صاحب مهنه

وانهارده انا هستضيف عضوه مهنتها هيا الدفاع عن حقوق الاخرين

هيا

المحاميه روكه2

في البدايه لازم نتعرف عليها

الاسم :- روكه2
السن :- 29 سنه إلا 3 شهور
الدراسة :- حقوق

ليه فكرتي في دراسة الحقوق :-
فكره الحقوق ديه طبعا التنسيق بصراحه
حبيتي الدراسه دي :-
حبتها جداااااااااااااااا لذيذه قوى وشيقه فى دراستها
وهل مارستي المهنه:-
اه مارست المهنه حوالى سنه
واييه رايك فيها:-
جميله جداااااا وهما نصابين قوى
اييه شعورك لما دخلتي المجال وبقيتي محاميه قد الدنيا :-
كنت فرحانه قوى انى هاخلص وهاشتغل
طبعا بعد مخلصت اتصدمت فى الناس يعنى بحكم ان من البيت للجامعه يعنى مش متفتحه قوى بعلاقاتى بالناس
انا سبت المهنه واشتغلتفى البنك الاهلى شئون قانونيه
بعيدعن الاحتكاك بالمحاكم مباشر

طيب انتي ليه بتقولي انك اتصدمتى في المهنه دي ؟؟
علشان انا متعودتش اتعامل مع الناس المهنه فيها غموض جامد جدااااا يعنى انتى بتتعملى بتربيتك وبتلاقى اسلوب خارج خالص

وهل ندمتى انك دخلتي مجال المحامه؟؟
لا مش ندمت انا حبه المهنه بس عوزة ناس ضميرهم ميت

وهل زي ما بيقولو ان المهنه دي تناسب الرجال اكتر؟؟؟
اه فعلا مع ان فيه بنات او مدامات كتير موجودين بس لو هتدورى

اللى عاوز محامى بيروح لراجل مش لست مع انى كنت توب فيها

احكلنا عن موقف مريتي بيه في مهنه المحاماه؟؟
اول منزلت المهنه كانت فى جنايات والله بجد
كان فيها 14 متهم 9 ستاتو5 شباب تخيلى المفروض انى احضر وادافع عنهم مع المحامى وكانت الجلسه فى المدوله مش فى القاعه المهم انا مكنتش اعرف ان الناس ديه هما المتهمين الى تباعنا لقيت ام كبيرة بتعيط جامد اعقدت اعيط واقولها مش تقلقى ربنا هيفرجها عليكى والف سلامه ههههه
المحامى بيقولى ايه يا استاذة انتى بتعيطى صعبت عليكي
قالى دول الموكلين عندنا
المهم القضيه ديه كانت كل جالسه تاخد تجديد 45 يوم المرة اللى حضرت فيهاودخلت الجلسه لقيت قدامى القاضى ووكيل النيابه وسكرتير الجالسه ومش عوزة اقولك المحامين العمالقه قولت انا هروح فين جانبهم
القاضى بيسالنى طالباتك قولت فيه امهات كبيرة مش تستحمل
الوضع ده بطلب بالافراج عنهم ولسيدتك القرار انا مكنتش عارفه اقول ايه بصراحه من رهبه الوضع
تعرفى ان المرفعات اللى قالوها متاخدتش بيها ههههههههه
وانا كنت سبب خروج 9 ستات والله العظيم مش بكدب دة حصل فعلا
ومش عارفه اقولك الدعى اللى اخدته اليوم ده والمبالغ اللى اهل الناس ديه طلعوهاعلشانى وطبعا رفضت ويا فرحه المحامى بيا وش السعد ومن يومها اى قضيه اانا لازم اكون موجودة

طيب احكلنى على موقف مخيف ؟؟

ممممممممممممم
بصى يا ستى فى نفس القضيه الستات هما اللى خرجو
وفضل 5 شباب وتاجلت الجلسه ورحت واتصالت بالمحامى يلا تعالا قالى اتصرفى طب اتصرف ازى انا هتعامل مع الناس ديه ازى هههههههه
المهم لقيت العساكر جيبين المتهمين دول ودخل بيهم فى قاعه على ما يجى القاضى وكدة
دخل ظابط معاهم واهل الناس وقفين بره هيتجننو علشان يشوفوهم او يعرفو هما عوزين ايه
لقيت المحامى بيتصل ويقولى حاولى تتدخلى انا كنت بلبس ايه بدى بنطلون وشعرى هههههههه وشكلى صغير اصلا حاولت اجمد قلبى وادخل واتكلم معاهم وركبى بتخبط فى بعضها هههه
لقيت العسكرى انتى ريحه فين يا ماما انتى مع مين قولتله نعم انت بتكلمنى كدة ليه انا محاميه وطلعت الكارنيه المهم دخلت وعينك متشوف الا النور
بجد يا ماما منهم لقيت اللى بيقولى والنبى يا عسل هههههه
قولتله ولاه اتعدل عسل ايه والله كنت هعيط من الخوف هههههههه الواد خاف والظابط موجود ضحك وقالى خاليكى جامده قدمهم كده انتى صغيرة قولتله حاضر وانا خايفه
لقيت اللى بيقولى عاوز 6 علب سجاير

انا سكت وقولتله انت باتتنك وحياه وسكت طلعت وعرفت هما عوزين ايه
وقولت لاهلهم بس انا خارجه ميته على نفسى المهم دخله بالحاجه تانى لقيت الظابط بيقولى مش هيخدو السجاير ديه كلها وكمان هفتحها هما لازم يفتحوها علشان ميكونش فيها اى اله حاده يعورو نفسهم بيها
قولتله اوكى اديله وحدة وخدي انتي الباقى اللى حضرتك شيفه اعمله الواد يقوله انا جيبه ليك يا باشا ههههههههه
بس مش عوزة اقولك انا تعبت اليوم ده مش وخده على التعامل دة

كلمه للبرنامج وللمشاهدين وللمذيعه انا يعني ؟؟
يارب مكنش ضيفه تقيله عليكم وميكنش ردى فيه حاجه تزعل منى الزملاء المحامين
وانا بجد ليا الشرف انى اكون ضيفه فى موضوع شيق ويارب اكون قدرت اجاوب على كل حاجه
ميرسى ليكى يا قلبى بجد تسلميلى وفعلا شرف ليا انى اكون معاكى واتمنى انى اكون عندحسن ظنكم يارب

نورتينا ياقمر

بعد ما خلصنا حلقتنا الجميله مع المحاميه روكه
مستنيه ردودكم واي حد من الاعضاء يعرف ان فيه عضو صاحب مهنه يبلغ عنو عندي انا دودو يأمه في رساله او في الموضوع الرئيسي
الي اللقاء مع عضو جديد
تحياتي دودو

[đΘόđΘό]

هههههههههههههههههههههههههه
مالك يا تقه كلك عايزه تتمسكي تحري ههههههههههههه
جهزي نفسك للاعدام ههههههه

[أنثـے مًنْ الّخٍـْيـِالْ→♀]

مهنة صعبة اكيد يا روكة

اتعرفنا عليكى اكتر

حلقة جميلة يا دودو

بانتظار حلقات تانية

:shiny01:

[رووكه]

اقتباس المشاركة الأصلية كتبت بواسطة saso0o مهنة صعبة اكيد يا روكة اتعرفنا عليكى اكتر حلقة جميلة يا دودو بانتظار حلقات تانية :shiny01:

ميرسى ليكى يا قمر يارب مكنش تقيله عليكم

وفعلا هى مهنه صعبه بس شيقه جداااا

[Silver Flower]

بالعكس اسعدنا التعرف عليكي يا قمر
وبتمنى الك تكملي المشوار ودافعي عن المظلومين
بس انتي بتاخدي اتعاب اد ايه :Ts_011:
ومين القمور الي في التوقيع خلاصه بقه اه بعرف

[đΘόđΘό]

اقتباسالمشاركة الأصلية كتبت بواسطة SasO0o

مهنة صعبة اكيد يا روكة

اتعرفنا عليكى اكتر

حلقة جميلة يا دودو

بانتظار حلقات تانية

:shiny01:

ميرسي على مرورك يا قمر

[đΘόđΘό]

اقتباسالمشاركة الأصلية كتبت بواسطة flowerبالعكس اسعدنا التعرف عليكي يا قمر
وبتمنى الك تكملي المشوار ودافعي عن المظلومين
بس انتي بتاخدي اتعاب اد ايه :Ts_011:
ومين القمور الي في التوقيع خلاصه بقه اه بعرف


منوره البرنامج يا قمر وهاقولها تعملك خصم ههههههه

[بـقـآيـآ ح ــڻيـڻ დ]

ههههههههههههه
حلقة جميلة جدا والاجمل المواقف ال حصلت معاكى يا رووكهـ
ربنا معاكى ويوفقكـ يا جميل
وتسلمى يا دودو ع الحلقة الجميلة دى
وفـ انتظار الباقى

[đΘόđΘό]

اقتباسالمشاركة الأصلية كتبت بواسطة هدوء القمر

ههههههههههههه

حلقة جميلة جدا والاجمل المواقف ال حصلت معاكى يا رووكهـ
ربنا معاكى ويوفقكـ يا جميل
وتسلمى يا دودو ع الحلقة الجميلة دى
وفـ انتظار الباقى

تسلمي ياقمر على مرورك