معاهدة ... مطلوب توقيعك

[big bốss]

طبعا كلنا شايفين ان فى مشاكل كتير بدأت تحصل على عكس ما كنا نتمنى

الناس بتفهم بعضها غلط ..... و كل واحد عايز يبين نفسه هو الصح

و نسينا فى زحمة الحياة حاجات مهمة اوى

أولها النقاش الراقى الهادف

ثانيها اننا ما نتكلمش على بعض من ورا بعض

ثالثها و ده الأهم العفو عن ما سلف ... ليه ما فيش حد بيحب يبدا بالخير؟؟ و يعفو من قلبه

يمكن الحديث ده نكون كلنا عارفينه
لكن نقول

و ذكر فان الذكرى تنفع المؤمنين

يقول النبي صلى الله عليه وسلم

(رجلان من أمتي جثيا تحت العرش يوم القيامة،
فقال المظلوم: يا رب، خذ لي مظلمتي من أخي،
فيقول الله لمن ظلم: أعطِ أخاك مظلمته،
فيقول: كيف يا رب؟
فيقول: أعطه من حسناتك،
فيقول: يا رب فنيَت حسناتي!
فيقول الله للمظلوم: فنيت حسناته،
فيقول: يا رب فخُذ من سيئاتي فاطرحها عليه،
فيقول الله للمظلوم: هل لك في خير من ذلك؟
فيقول: وما خير من ذلك يا رب؟
فيقول له الله: انظر إلى ذلك القصر، فينظر فإذا قصر في الجنة لم ير مثله،
فيقول يا رب لمن هذا القصر؟! لأي نبي هذا؟ لأي شهيد هذا؟
فيقول له الله: لمن يملك الثمن!
فيقول: يا رب ومن يملك هذا الثمن؟
فيقول له الله: أنت تملكه، فيقول: كيف يا رب؟
فيقول: بعفوك عن أخيك،
فيقول: عفوت يا رب عفوت يا رب،
فيقول العفو: خذ بيد أخيك فادخلا الجنة سوياً)..

يا ريت نعمل معاهدة و يدخل كل أعضاء المنتدى يمضوا عليها

شروط المعاهدة

1- قبل ما حد يخرج كلمة يفكر فى اثرها على الطرف اللى بيكلمه

2-على الطرف التانى انه يتمالك أعصابه لو كلام ما عجبهوش و يناقش وجهة النظر بموضوعية لا بتعصب و لا عنجهية لانها فعلا صفات تدين صاحبها

3- نمشى بمبدا وضعه لنا رسول الرحمة

حين قال للسيدة عائشة رضى الله عنها يا عائشة عليك بالرفق فانه لم يكن فى شىء الا زانه ولا انتزع من شىء الا شانه

و أخر الكلام زى ما قالوا جدودنا
لسانك حصانك ان صنته صانك و ان هنته هانك

حتى شوفوا

انا كتبت الموضوع بسرعة عشان الوقت وحاسس انه مش مترتب اوى

فياريت اللى عنده إضافة يقولها

منتظر اضافاتكم و توقيعاتكم على المعاهدة

و كلى أمل فى أعضاء أحببتهم من كل قلبى فى الله و لله
و صعبان عليا تخليق حزازيات بينهم

و أنا ببدأ أهو اللى زعلان منى فى اى حاجة

أنا آسف