شباب مفلس وبنات بتعنس

[ملكة الهدوء]

زمان لما كنا نسأل العيل الصغير (نفسك تطلع إيه؟)، كان يقول (طيار، دكتور، مهندس)، بس لما يكبر ويصطدم بالواقع، يعرف أن مش كل اللي نتمناه نلاقيه.

عشان كده لما نسأل الشاب دلوقتي (نفسك في إيه؟)، تلاقيه نفسه يتجوز بنت عادية و في شقة عادية ويشتغل عادي ومع كل ده ما يقدرش يتجوز برضو، وبقي الجواز عنده حلم مش حقيقة.
العجيب أن زمان كانت المعادلة (شاب + بنت =جواز)، دلوقتي بقت (شاب + بنات كتييير = حلم قومي اسمه الجواز ) طيب أزاي ؟ .
ما هو يا إما المشكلة في البنت أو في الشاب أو تبقي المشكلة في السواق (علي رأي عبد الوهاب في الفيلم ) .
طيب ما سألناش نفسنا ليه المعادلة أتغيرت وبقت البنات الكتير دول قاعدين من غير جواز.
بالنسبة للشاب أول ما يتخرج بيدور علي شغل ولو لقاه يبقي بمرتب يا دوب يقدر يتنفس بيه ومع ذلك يرضي وما بيقفش ويكمل ويقول بكره تتعدل، لحد ما يصطدم بالواقع (تاني)، لما بيروح لبنت ويلاقي أهلها عايزين شقة زى شقة بنت ابن خالة عمها، وعايزين يفرشوا الشقة زى بنت عمة جوز أختها، وتبدأ الطلبات تزيد ويا عيني مع كل طلب الواد وشه يجيب ألوان ونفسه يضيق وعينه تدمع وبتطلب معاه إسهال، وبرضو يقول لسه في أمل .
وأول الشاب ما يبدأ يتكلم و يقول: أنا نفسي اعمل لها كل ده طبعا بس .....، تلاقي أبوها وشه احمر و قال له: هو إحنا فينا من بس، وهو إيه اللي مش عجبك في اللي إحنا قلناه؟
فالشاب يرد: يعني لو ينفع أجيب شقة صغيرة بدل الخمسين اوضه وعشرين صاله، وبدل العفش اللي هاييجي من بره ممكن نجيبه من دمياط، و بدل الشبكة أم خمسين ألف كفاية دبلة واسورتين زى (الكلابشات) قصدي زى اللي أخت صاحبي جابتهم.
فجأة تلاقي الراجل وشه أتقلب، وبدل كلمة يا بني بقي يقول حضرتك (طبعا بتريقة مش احترام)، و يبدأ يتفتف في الكلام، وعينه تبقي احمر واسود، ولما بيبص الشاب للعروسة بنظرة استعطاف وشحاته، يلاقيها موافقة علي طلبات أهلها وبتبص له من فوق لتحت، ولو البنت بقت في صف الشاب يا دوب بتقول له: معلش حاول، وكأنها واخده حقنة بنج، ومش حاسة باللي الشاب فيه .
طيب خليكوا قاعدين بقي لحد ما تكبروا وتأتبوا، وساعتها تتنازلوا وتتجوزوا أبو رجل مسلوخة

[فيصــــل]

اول شي سالفة الزواج قسمة ونصيب .. انا معك ان عدد البنات تجاوز عدد الشباب في الوطن العربي وخاصة مصر .. وهذا ماله حل الا التعدد <---- ح يحقدوا البنات هع هع هع اوك تعدد مو مشكله بس ماحد يقعد عانس ..

..

الحياة صارت صعبه شوي يعني الحين المفروض البنت والشاب يرضوا بأي شي شقة متواضعه مو مشكله يعني اهم شي يكونوا عش زوجيه لو متواضع وبعد كدا يتفاهموا ع تطويره وكدا
..
ع فكره انا ضد فكرة الزواج قبل العمل وتكوين قاعدة ماليه يعتمد عليها بس مشكلة الحكومات ماصارت فرص العمل للمواطن .. وفي المقابل من يبحث عن العمل بيحصله موجود مو شرط عن طريق الحكومة . لكن تعتمد ع الايراده ..

[kimodmx]

اسمح لي ابدي اعجابي بقلمك وتميزك واسلوبك الراقي وتالقك
واللة كلامك صاح الطلبات كتيرة شقة بي الشى الفلنى وشبكة ونتي عارفة
بنات بتعنس يستاهلو

[سراب الرووح]

السلام عليكم :
تحياتي الطيبة لكل المتواجدين
شكرا لهذا الموضوع الهام والذي نعانيه مجتمعاتنا العربية بمرارة ...والغوص في هذا الموضوع متعمق و جدا سوف ياخذنا الى قاع متفرع لكن لا يمنع ان اضع بصمتي في عدة كلمات ...
مع ان كل هذا نصيب (مكتوب) من الله فكثرة البنات وعزوف الشباب على الزواج راجع ربما بالدرجة الاولى الى الرضى والقناعة الذاتية ...فالله يقول في كتابه العزيز ان الطيبون لطيبات معنى هذا فيه بنات كثير من عائلات محترمة وتريد الستر وتكوين اسرة طيبة مسلمة فعلى الشاب فقط ان يحسن الاختيار بخطى ثابة ويتوكل على الله والاكيد سوف لن يتخلى عليه ....وعندنا مثل يقول على قد اللحاف مد رجليك ...ولو ان كل طرف تنازل شوية عن الكماليات والمظاهر سوف تتقلص هاته الظاهرة التي خلفت اثار سلبية على شباب اليوم...
فلو ان كل بيت وكل اسرة حافظت على بناتها بالقناعة الذاتية والرضى وعلمتهم معنى الستر ومعنى تكوين اسرة طيبة و الاستقرار لا تكوين مال وجاه ومظاهر خداعة لما وصلنا الى هذا الطريق الشائك والذي يدفع ضريبته الشباب المسكين الذي لم يجد من ياخذ بيده الى بر الامانالى العفاف ...الى ...الخ اتمنى ان يكون المقصود وصل ...واتمنى الستر والعفاف لشبا وشبات امتنا الاسلامية
تقبلوا مروري مع اطيب المنى دمتم

[خدني بين ايديك]

موضوع جميل جدا وواقعي جدا

ودا فعلا الي بيحصل حاليا

والي فيه الخير بيقدمه ربنا

تسلم ايدك..... !!

[خدني بين ايديك]

موضوع جميل جدا وواقعي جدا

ودا فعلا الي بيحصل حاليا

والي فيه الخير بيقدمه ربنا
بس من غير ابو رجل مسلوخه ههههه

تسلم ايدك..... !!

[ملكة الهدوء]

ميرسى لمروركوا الجميل

اسعدنى حضوركوا

[سلسبيله]

معاكى حق والله

شكرا ليكى

[ملكة الهدوء]

ميرسى يا سلسبيله لمرورك الجميل

[Dr.nour]

تبقي المشكلة في السواق


هم يبكى وهم يضحك

تسلمى يا قمر