يا فاشل يا فاشل !!

[ღsandiღ]

بسم الله الرحمن الرحيم
السلام عليكم ورحمة الله وبركاته


عمرك جيت في مره ...عايز تشتري كتاب او اشتريته فعلا....بس مقريتوش وراكنه عندك

مقريتوش ليه ؟؟

طيب فكرت مره عايز تعمل مشروع ما ...وخدك الحماس جدا..وخططت للمشروع....بس ممشتش فيه ولا خطوه

مبدأتش فيه ليه ؟؟

طب مره فكرت انك تتعلم حاجه....مثلا تتعلم لغه فرنساويه ..او لغه المانيه...لغه موزمبيقيه

وقولت طب ماشي وان شاء الله ...وخلاص اهو ...ومتعلمتش منها حاجه

متعلمتهاش ليه ؟؟


انا هقولك ليه

_________________________________________

الواحد في حياته ...من تكوين شخصيته...بيضع الافتراض الاسوأ ديما

وبيضع لنفسه عوائق...تمنعه انه يعمل اي حاجه

مثال ( ولو انه مش مستحب...ولكنه من الواقع ) وغرضه التوضيح عشان الاخوه الاعداء ميستلموناش

-------------

واحد شاب مراهق ...عايز يصاحب واحده....كل ما يجي يحاول يتكلم مع واحده ..يقول لنفسه..( لا يا عم ...هتكسفني ) .....وميكلمهاش

اهه حط لنفسه عائق...يخليه مينجزش هذا العمل

طبعا الاخوه الاعداء هيستلمونا : ازااااااي والتفاااااهه والناااااااس والبتاااااااع وده منافي اللاخلاااااق

ما علينا ..نجيب مثال تاني

------------

لو واحد عايز يعمل مشروع..ومعاه راس مال صغير....يجي يبدا في المشروع ( لو عملت المشروع ..احتمال كبير اني اخسر ..وكده فلوسي وشقى عمري هيضيع ) ....لو تأملنا هنا

هتلاقيه خد الاحتمال الوحش....ومخدش الاحتمال الحلو ....طيب ليه ميعملش المشروع...وينجح

طيب له متحطش في الخطه بتاعت المشروع بتاعك....انك لو خسرت يكون في بدائل...وتعرف تعوض الخساره...وان يكون في احتياطي

ليه بنبص للعوائق فقط ؟؟

------------

عايز اتعلم لغه....وانا بقي لما اتعلمها هنسي الانجليزي ..وهنسي العربي...وهنسي مراتي ..وهنسي عيالي

وهنسي مفاتيحي ..........ليه كل ده ؟

طيب ليه متتعلمش اللغه وفي نفس الوقت ...تبقي عندك اللغه الانجليزي ..واللغه العربيه.....ويبقي معاك مراتك ...وعيالك..ومتنساش مفاتيحك

ليه بتحط عائق لنفسك

هل انت عايز تبقي فاشل ؟؟

واحد يرد : لا طبعا مش عايز ابقي فاشل

اقوله : طب ليه بتحط العوائق لنفسك

ليه ديما بتفترض الوحش ليك ...ومبتفترضش الحلو

-----------

جرب تحط هدفك في الفعل.....وجرب يا سيدي

هتقولي ...ممكن افشل.....وانا اقولك

افشل....!!!

افشل ؟؟

اه افشل....افشل واتعلم انك متفشلش تاني....امال انت هتتعلم منين

-----------

طوماس اديسون ...لما جه يخترع اللمبه

مقعدش يقول...لا اصلي خايف اجي اعملها ...واجيب سلك باد كده...واستهلك كهربا...وافشل في الاخر

طوماس قعد 9999 محاوله..وفشل فيها

مقالش انا فشلت...قال انا اتعلمت 9999 طريقه فاشله ..وفي المحاوله العشر الاف..نجح واخترعنا اللمبه الي فوقيك دي

----------

اشرف الخلق محمد صلي الله عليه وسلم

لما نزل عليه الوحي ...مقالش ...( حاشا لله ورسوله ) لا يا عم بلاش ابلغهم بالدين الجديد

لحسن مينتشرش ..وانا كده اطهض من القبيله..واتعزب علي الفاضي

لذالك النبي تحمل آلام لم يتحملها بشر...

وفضل يستمر ..وينشر في الدعوه ...ويعذب

ولم يقنع اهل مكه...اي انه لم ينجح..فهاجر الي المدينه وجرب تاني..ونفع..ورجع وفتح مكه

مقالش لا يا عم خلاص ..انا فشلت في مكه ..مش راجع تاني ..ومش هجرب تاني

-----------

خلاصه القول...

انك لو عايز متبقاش فاشل...متحطش عوائق لنفسك

ولو جاتلك عوائق من الخارج....استحمل

وافشل

وحاول تاني

وافشل تاني

وحاولت تالت

وافشل تالت

وكل ما تحاول...مسيرك توصل وتنجح

ومتضيعش وقتك في الندم علي شيء فاتك

بل اتعلم منه وخلاص

انما لو هتفضل تضع عوائق لنفسك

يبقي انت كده الي عايز تبقي فاشل

[بنت السعوديه دلعها غير]

يعطيييك الف عااافيه

[ميدو العثل]

ساندي العثل

موضوع رائع خاصه للفاشلين
اللي مثلي ههههههههههههه

وهي دي الحقيقه بالنسبة لمن يريد عمل مشروع

تحياتي بكل ود

[the queen]

والله انتى عندك حق

مجهود رائع بجد

[ღsandiღ]

اسعدنى مروركم الجميل نورتوا التوبيك

[game010]

موضوع جميل ومفيد للاصرار وعد الندم على الى فات
شكرا ساندى شكرا جزيلا .........

[i love my love]

الف شكر ع الموووضوع تسلم ايدك ياقمر

[moon in the sun]

موضوع جميل
تسلم ايديكي

[فيصــــل]

ههههههههههههاي

اعجبني الموضوع

طب الفاشل فاشل مش ح ينفع معاه

بس صدقيني عند الاراده والعزيمه كلا يوصل هدفه

انا بشتغل فني شبكات وكان من زمان نفسي افتح محل خاص بالشبكات وكل مره

انصدم بعوايق وكررت المحاولات اكتر من مره والحمد لله الان انا فاتح مشروع كبداية حلو

زي ماقلت لك هيه عند الإراده


ميرسي ع الموضوع

[كويتية]

ياه مرت واااايد عندي كتاب هاري بوتر الاجزاء كلها بس ماقراته