حوار مع مواطن 2050

[لؤلؤة المصرية]

مذيعه: اسم حضرتك

المواطن: حماده

المذيعه: احكى لنا شوية عن ايام زمان


المواطن: أحكى ايه ولا ايه ولا ايه عن زمان ....والنبي متفكرنيش بايام العز....ايام

الرخص...أيام الاحترام....

طب ده انا مثلا فاكر من حوالى 40 - 45 سنة كدة كان الواحد مننا ياخد من ابوة

المصروف10او 15 جنيه فى اليوم وكانوا بيكفوا...ومابيفتحش بقه...مش زى

دلوقتى....الله يكون فى عوننا....ده انا فاكر ان عمرى ما ناقشت بابى رحمه الله ف

المصروف....


زمان الواحد كان محترم في لبسه كان الولد لابس البادي الكات

والبنطلون الجينز الديرتى المقطع و خلاص.....والبنت تلاقيها ماشية باحترامها

لابسة المينى جيب


والبادي الضيق او البادى الاستوماك او البنطلون الاستريتش و خلاص..

.لكن لبس اليومين دول....مايتوصفش....اجارك الله


زمان المصاريف كانت محدودة ...فين ايام ما كيلو اللحمة كان بـ 45

جنيه بس....

كانت ايام....
وبعدين زمان كانت ابواب البيوت تتقفل من بدري يعنى الساعة 4الفجركدة..وكان

الابهات ليهم شنة و رنة....يعنى ماتلاقيش واحد بيعلى صوته على ابوه

و لا بيمد ايده على امه....

غير لو زعقوا له او ابتدوا معاه بالصوت العالى....

زمان كنا بنذاكر على الاغانى الطربية الاصيلة....فين ايام الاغانى

الاصيلة زى بحبك يا حمار و العنب العنب العنب وشربت حجرين ع الشيشه وكوكا كوكا مثلا...

.لكن اغانى اليومين دول لا ليها طعم ولا لون و الكلمات بقت

مبتذلة ومالهاش معنى....طب بذمتك كدة قارنى بين مطربات زمان زى الست روبى و الست دانا و الست هيفا....

لكن مغنيات اليومين دول بيعتمدوا على جسمهم و على المسخرة....

فين ايام الفن الاصيل

زمان كانت البنت لما تقابل صاحبها اللى بقى لها كتير ماشفتهوش تبوسه

وخلاص مش زى بنات اليومين دول قلالات الادب.....

وبعدين زمان بصراحة بقى كانت المذيعة تقعد قدام الضيف او جنبه

مش على رجله زي ما انتى عاملة كدة....

المذيعة: قول للزمان ارجع يا زمان

[شاعر واسير الحب]

جاي اليوم اللي الناس تفتكر فيه توقعاتك

الله ينور ماتقرأيش الكف كتييير

اشكرك

[لؤلؤة المصرية]

هههههههههههههههههههههه
حاضر هههههههههههههههههههههههههههه

شكرا لمرورك الغالي

[The heart]

وبعدين زمان بصراحة بقى كانت المذيعة تقعد قدام الضيف او جنبه

مش على رجله زي ما انتى عاملة كدة....

هههههههههههههههههههه أخر مسخره
تسلمي ياقمر

[لؤلؤة المصرية]

شفتي بقا ههههههههههههههههههههههههههههههههههه حتى المذيعة ههههههههههههه

نورتي يا قلبي

[MooN Shine]

والله الدنيا انقلبت راس على عقب بس الله يسترنا
بجد وكل عام ترذلون
تقبلي مروري

[زهرة الاحلام]

هههههههههههههههههههههههههه
على كده بقى احنا نعتبر من المصريين القدماء
دمت بود

[لؤلؤة المصرية]

امين يا قمر نورتيني

[لؤلؤة المصرية]

ههههههههههههههههههههههه
يمكن يا زهرة اقصد يا جدة زهرة ههههههههههههههههههههههههههههه صح كدة وانا جد لؤلؤة ههههههههههههههههههههههههه تخيلي بقا هههههههههههههههههههه

شكرا لمرورك الغالي

[خارج عن القانون]

هههههههههههههههه

والله لو حسبناها

هنلاقى ان ده نفس اللى بيقوله الاباء الان عن ايام زمان مع اختلافات بسيطه

تسلمى ع الموضوع