هل الخادمة إنسان؟ ام انها ......... ؟؟؟؟؟؟؟

[~®§§][][ سيد دندنة ][][§§®~]

الموضوع الذي اود طرحه هنا هام جدا وأرغب في مناقشته مناقشة فعالة بعيدة عن التحيز أو المجاملات
والموضوع خاص بالخادمات فلقد قرأت خبرا الأن المني جدا واستفز مشاعري لأكتب هذا الموضوع عن مواطنة عربية تعذب خادمتها حتى الموت حتى تسببت في زهق روحها.
"(حكمت محكمة الاستئناف ... على مواطنة بالسجن سبع سنوات بتهمة ضرب خادمتها الاسيوية وتركها تعاني عشر ساعات في الحمام قبل ان تفارق الحياة،
وكانت محكمة البداية حكمت على ....بالسجن 15 عاما مع الاشغال اذ ادانتها بتهمة "القتل العمد"، الا ان محكمة الاستئناف برأتها من هذه التهمة وحاكمتها بتهمة ضرب افضى الى الموت.

وبحسب الصحيفة، انهالت المتهمة على خادمتها بالضرب بواسطة "عصا حديدية واخرى خشبية" ودفعتها حتى ارتطم راسها بحوض الحمام. واضافت الصحيفة ان المتهمة تركت خادمتها "عاجزة عن الحركة قرابة عشر ساعات دون أن تتداركها بالعلاج حتى توفيت".
هذا هو نص الخبر كما قرأته بعد حذف اسم الدوله لأن ما اود طرحه لا يجب أن يسئ إلى دولة معينة فكلنا عرب مسلمون وكلنا معرضون للخطأ " خير الخطائين التوابون "
هل الخادمة انسان مثلنا أم أنها مجرد جارية نعاملها كما نشاء ؟
أليس من حقنا عليها أن نعاملها كبشر ونرأف بها ؟
أليس من أخلاقنا كمسلمين أن نحسن معاملة الخدم ولنا في رسول الله صلى الله عليه وسلم قدوة حسنة؟
أليس العقاب البدني موضوع نهت عنه كل الديانات والقوانين والاعراف الدولية ؟
إذا اخطأت الخادمة أفا لا نغفر ونسامح ؟ وإذا عجزنا عن الغفران
و كان الخطأ كبيرا أفا ليس من الأسلم أن ننهي خدماتها بدلا من تعذيبها ؟

بجد ياريت اشوف رودودكم وبكل صراحه

[rehoba]

يالا قسوة قلوب البشر بصرحة دا افتراء جامد جداااا

وكان يجب يكون القصاص اقوى من ذلك

الخادمة دى انسانة ولازم نعاملها كانسانة

ظروفها فرضت عليها ذلك مش معنى كدة

اننا نذلها ونبهدلها لمجرد انها خادمة

المفروض نشكرها لانها تنهى كل مهام المنزل المطلوبه منها

اشكرك دندنة على الموضوع بجد مؤالم جدااا


مع خالص تقديرى

[fankosha]

فعلا فى ناس بتعامل الخادمات
وكانهم من كوكب وعالم اخر
وهما بشر زينا وبيحسو
لكن الناس بتعاملهم وكانهم حقراء
لازم نحسن معاملتهم
تسلم ايدك على التوبيك المميز
تقبل مرورى

[Ќonto]

حرااام جدا طبعا اللي عملته ده

الخادمة دي انسانة يعني بشر زينا ولازم تتعامل كانسانة

مش معنى انها خادمة يبقى تحت ايدينا

هي عليها واجبات بتعملها وأدام عملت اللي عليها يبقى خلاص

لكن مش عشان شغلتها كده يبقى تتعذب وكانها مش بشر

شكرا على الموضوع الجميل

تحياتي

[~®§§][][ سيد دندنة ][][§§®~]

بجد اسعدنى مروركم اوووووى

نفسى كل الناس فعلا تعمل بالى

بتقوله بجد

وبتمناه من كل انسان يكون صريح

فى كل شئ ولا يفرق بين بين خادم ولا رجل اعمال

كلنا واحد من لحم ودم كلنا مخلوقين من طين

نورتى الموضوع بردكم

[خليكـ معايا]

اولا : احب اشكركـ عالموضوع الحساس والي بقينا بنسمع عنه كتير والعياذ بالله من قسوة القلوب ...

عن انس رضي الله عنه وهو مولى الرسول عليه الصلاة والسلام بيقول بمعنى كلامه:
ان الرسول عليه السلام ماكانش بيسالوه انتا عملت الي قولتلك عليه والا انتا ليه ماعملتش ده!!
وده وهو الرسول الي المفروض تتعمل حاجته اول مايطلبها الا انه عليه الصلاة والسلام كان رحيم جدا وعطوف وماكانش يعامل الناس بتعالي وبفوقيه لانهم بني ادمين زيه ..
فلو الكل اتبع سنه الرسول واخلاقه ماكانش حد ظلم .. ولا عذب دول ناس وربنا بيعاقب القساة



والله الموضوع كبير ومش ينفع فيه كلمتين ..
تسلم على الطرح الجميل ياخويااا

[~®§§][][ سيد دندنة ][][§§®~]

عليه افضل الصلاة والسلام


بجد كلامك حكمه وجميل جداااااا

نفسى الناس تامشى على السنه

تسلمى ومننحرمش من طلتك الجميله ديه

[رعد6]

ياساتر يارب فيه ناس بالقسوة دى يعنى غلطت فى ايه يستاهل كل دا
بس المفروض كانت تاخد 15 سنة سجن عشان تكون عبرة لغيرها
مشكور على الموضوع

[~®§§][][ سيد دندنة ][][§§®~]

والله يارعد فى اكتر من كده

احنا فى دنيا العجب

الناس اللى فوق بدوس على التحت

مش قادر اقولك غير

حسبى الله ونعمى الوكيل فى كل انسان

يفترى على انسان ضعيف

حكم عليه الزمن انوا يكون خادم

ربنا مايكتيه على حد منه يارب

[رووكه]

حسبى الله ونعم الوكيل فيهم

الموضوع ده مش اول مره على فكره عندك وفاء مكى ضربت الخدامه بردو لحد لما راحت

واتحكم عليها

الناس ديه مسنوده يعنى ليهم اللى يخفف عنهم وفكرك لو دخلو السجن هيكونو زى المساجين

العادين للاسف لا بيكون فيه تميز كبيررررررررررررر جداااااااااااا

لو كانت الخادمه ديه كلب كانت احترمته ربنا موجود ينصف الغالبان اللهم امين