§®¤~اتنصب عليك _ادخل هنا واسترد حقك§®¤~

[المناور]

لما يتنصب عليك يا تارى تقدرتعمل ايه؟ طب سمعت عن قسم مكافحة جرائم الانترنت:

قسم مكافحة جرائم الانترنت دلوقتي أصبح له سلطة معترف بها دوليا وبيستخدمها في مراسلةأصحاب المواقع لمعرفة الآيبيهات الخاصة بالأعضاء المتهمين بالنصب على صفحات الموقع،،
ومن خلال الآي بي بتتحدد شركة الانترنت المزودة للخدمة،،
وأي حد شغال فيأي شركة انترنت أكيد طبعا عارف ان الشركة لازم بتحتفظ بـ log كامل بالآيبيهات المستخدمة خلال آخر 60 يوم ومن خلاله بتقدر تعرف أنهي آي بي كان على أنهي خط تليفون يوم كام في الشهر والساعة كام بالظبط،، متهيألي بعد كده بيبقى الباقي سهل أوي عليهم انهم يجيبوا النصاب بمجرد التأكد من البلاغات المقدمة ضده ومن تعدد الشكاوي والبلاغات من أشخاص مختلفة

طب ازى ؟

موقع وزارةالداخلية افتتح قسم أو صفحة خاصة ببلاغات النصب عن طريق الانترنت

سواء كان النصب عن طريق تقديم خدمات من على الانترنت مقابل رصيد على الموبايل،وطبعا بتكون الفيزااللي اتعمل بيها الخدمات دي مسروقة زى شخص باعلك حسابات فى الرابد شير او دومينات مسروقة وبتلاقي الخدمة اتوقفت بعد شهر ولاشهرين بدون سبب ولما تراسل الشركة يقولولك أصلك حرامي ومشتري الخدمة بفيزامسروقة،وبالتأكيد صاحبنا اللي انت حولتله الرصيد بيبقى ساعتها فص ملح وداب وغير رقم موبايله وابقى هاته لو تعرف...
أو حتى الايميلات الوهمية اللي بتيجي تقلك انا ورثت مبلغ كام مليون دولار بس عاوزك تساعدني في تهريبه من البلد واديك ماعرفش كام في المية
او حتى ايطريقة أخرى يقوم صاحبها باستغلال شبكة الانترنت للايقاع بضحاياه

طب هل أي حد متغاظ من واحد يروح يحط فيه شكوى كده وخلاص ؟؟

لأ طبعا،الوزارة مش بتتخذ أي اجراء ولا أي تحرك غير لما تتعدد شكاوى الناس من نفس النصاب

الموضوع بسيط جدا...
إليكم رابط صفحة بلاغات النصب الالكتروني على موقع وزارة الداخلية:
http://www.moiegypt.gov.eg/arabic/departments%20sites/antitreasure/balaghat

لما تخش عليه هاتلاقي انك لازم تكتب بياناتك الشخصية كاملة،
زي رقم بطاقتك وعنوان سكنك واسمك بالكامل وخلافه
وده لضمان جدية مقدم البلاغ وانه مش واحد بيتسلى وخلاص
وهاتلاقي خانة تكتب فيها تفاصيل الشكوى بتاعتك أو البلاغ بتاعك
ودي طبعا تكتبفيها كل تفاصيل طريقة النصب المستخدمة
ولو تعرف أيبيانات عن النصاب يبقى طبعا لازم تكتبها (مهما كنت شايف انها تافهة أومالهاش لازمة) لأن كلمة منك على كلمة من غيرك بتجمع جملة مفيدة يقدروا هما يستخدموها للايقاع بذلك النصاب
حتى لو مش عارف اسمه (وده بيكون غالبا) لكن فيه حجات كتير بتسهل عليهم الوصول اليه من غيراسمه
زي رقم موبايله أو ايميله أو اسم عضويته في المنتدى اللي حصلت فيه عملية النصب أو أي حاجةتانية تعرفها
حاجة مهمة جدابقى وهي انك تحط رابط للصفحة أو الموقع اللي استخدمه النصاب
عشان يدخلواعليها ويتأكدوا بنفسهم انك مش بتقدم بلاغ كاذب
وكمان عشان يقدروا يشوفوا زوار الموضوع ويحاولوا يتواصلوا معاهم في محاولة منهم للعثورعلى شخص يكون اتعامل مع النصاب ده ويكون عرف عنه أي معلومة تساعدهم
هاتلاقي كمان مكان لإرفاق ملف أو صورة
وده ليه استخدام مهم جدا جدا
انك تاخد print screen من الصفحة المستخدمة للنصب وترفعهالهم في الوزارة
طب لازمتها ايه دي ؟؟؟ عشان فيه بعض المواقع ممكن لما يلاقوا فيها موضوع نصب يقوم المشرف يحذفه
يبقى كده الرابط اللي انت بعتته للوزارة في البلاغ بتاعك مش شغال
وساعتها مش هايقدروا يتأكدا هل بلاغك ده صحيح ولا وهمي
فالصورة بتديهم تأكيد

آخر خطوة بتحتاج تملاها في الموقع هي اختيار الجهات المعنية بالتحقيق في الشكوى الخاصة بك
ودي انت بتعملها عشان تسهل عليهم

يعني هاتلاقي خانة فيها كل الجهات التابعة لوزارة الداخلية وبتختار منهم أنهي واحدة الليانت عاوز الشكوى بتاعتك تروحلها (لأنه طبعا لو الشكوى أو البلاغ بتاعك راحلمكان غلط يبقى مفيش منه فايدة)

هاتختار منهم مديرية أمن المنطقة بتاعتك أو التابعة ليك
ولو تعرف محافظة أو مكان النصاب (وتكون طبعا ذكرته في الشكوى)
يبقى هاتختاركمان مديرية أمن المنطقة اللي هو تابع ليها

وبكده تبقى كملت بلاغك،،

الموضوع كله مش هاياخد منك 5 دقايق

بس لما ييجي واحد من دول يعمل موضوع في المنتدى عن حركة تحويل الرصيد مثلا
لازم كلنا نقدم فيه بلاغ

لما عشرة ولاخمستاشر واحد هايقدموا بلاغ ضد نفس الشخص ساعتها بيتأكدوا ان مش كل دول بيتهموه زور أو بيتبلوا عليه وفعلا بيقوموا بتحركاتهم عشان يجيبوه من قفاه

الموقع أهو مرةتانية:
http://www.moiegypt.gov.eg/arabic/departments%20sites/antitreasure/balaghat

والله الموفق لما فيه الخير

وختاما الموضوع نصفه منقول بمعنى الجزء الاول اضافته والجزء الاخير منقول _دمتم بخير

[خارج عن القانون]

شكرا ع المعلومات الرائعه

ولقد استفدت منها كثيرا

فى انتظار جديدك