:: 30جمله يقلها 90%من الشباب للبنات ::

[مـــــايـــــو]

حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات
( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )


9- عايز اشوفك كل يوم كل ساعه كل ثانيه
( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا )

13- ياحبيبتى انتى بتتكلمى فى أيه انا كل عطورى من فرنسا
(اكيد فرنسا ده جمب عم سيد البقال )

14- ياه لما بشوف رقمك على الموبيل قلبى بيتنفض

طبعا من الخضه انها تكون فأسته)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )


20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)


26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )

وياريت يا جماعه اللى يقرا الموضوع
لو كان ولد يقول رقم الجمله اللى بيقلها للبنت اللى بيكلمها
ولو بنت تقول رقم الجمله اللى اتقالت لها قبل كده

الموضوع للدعـــابه



طبعا انا مش الـــ 10%

[هدوء الكون]

ههههههههههههههههههههههههه

بجد موضوع جامد وفعلا في كلام كتير صح

وانت بقى بتقول الكلام ده

هههههههههههههههههههههههههه

شكرااا ليك على الموضوع

منتحرمش من جديدك

تحياتي

هدوء الكون

[~®§§][][ سيد دندنة ][][§§®~]

ايييييييييييه ياعم على

اللى انت بتقوله ده

بس لما اشوفك فى الشارع بس

هههههههههههههههههههههههه

لا بجد مش كل الناس زى بعضيها ياعلى

تسلم يا صحابى على الموضوع الجميل

[مـــــايـــــو]

انت يا دندنة من 10%

التانين

[تيا]

هههههههههه حلوه يا عم الشهر
26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )
ليه كان بيخسسها ولا إيه ده زمانها معدتش بتلاقي مقاس رجليها حتى ف الرجالي
- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )
جاله كساح من كتر اللف ف الشوارع ارحميه بقى والله صعبت عليا يا ولد
- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )
سعاد هفضل فاكرك لحد بعد بكره وممكن بكره لو فضيت فتحيه الولبيه قلبت كيانه
بس فيه تكمله لسه مألفاها حالا عشان لو هيحبوا يستعينوا بيها
*بحبك وحشتيني أنا آسف ع التأخير
*وشك مش زي وش يو التلات قالب على وش البلد
*انتي فينك من زمان أنا حبيت السوداني من أول ما عرفتك بيحب قرده
*أنا عمري النهارده اتولد من جديد وهخش الحضانه ف العيد
أي خدعه
ميرسي يا جميل ع التوبيك الجامد ده

[حياتي ذكريات]

ههههههههههههه

والله دولوقتي ما حدش بقى يعرف
مين اللي بيحب بجد ومين اللي بيضحك على التاني
تسلم على الطرح
ينقل للقسم الأنسب .. النكت والطرائف

[تانيا]

ههههههههههههههههههههه
الموضوع حلو أووووووووى ... بس مش عارفه ليه حسه انك بتتكلم عن نفسك
شكلك قديم في الشغلانه دى
وعلى العموم يعنى اللي بيبتديها . بقلبى وحبيبتى وحياتى وروح قلبى والكلام ده
والاسطوانه المشروخه دى .. اعرف ان الأمور بيتسلى
بس بجد والله انت قلت كل الكلام اللي بيتقاااااال
بس نسيت حاجه
لما يقولها حبيبتى أنا عاوز أشوفك وحشتينى أوووووووووى ويخرجوا مع بعض ويعزمها في مكان شيك أوووووى
ولما الفاتوره تيجى بقى عينك ماتشوف الا النور صاحبك يقلب 100 لون ويقولها حبيبتى إظاهر انى نسيت المحفظه لما كنت مستعجل وخايف أتأخر عليكى
شباب أخر زمن

[ღsandiღ]

لما يقولها حبيبتى أنا عاوز أشوفك وحشتينى أوووووووووى ويخرجوا مع بعض ويعزمها في مكان شيك أوووووى
ولما الفاتوره تيجى بقى عينك ماتشوف الا النور صاحبك يقلب 100 لون ويقولها حبيبتى إظاهر انى نسيت المحفظه لما كنت مستعجل وخايف أتأخر عليكى
شباب أخر زمن

حلوه اوى نسيت المحفظه ههههههههه قال يعنى من كتر ما بيفكر فيها نسى المحفظه
ههههههههههه
مايو توبيك جميل جدا وهو ده فعلا اللى بيتقال كتير
تسلم على التوبيك الجميل ده

[soـــــesraaــــــso]

هههههههههههههههههه مشكور

[مـــــايـــــو]

الموضوع حلو أووووووووى ... بس مش عارفه ليه حسه انك بتتكلم عن نفسك
شكلك قديم في الشغلانه دى
وعلى العموم يعنى اللي بيبتديها . بقلبى وحبيبتى وحياتى وروح قلبى والكلام ده
والاسطوانه المشروخه دى .. اعرف ان الأمور بيتسلى
بس بجد والله انت قلت كل الكلام اللي بيتقاااااال
بس نسيت حاجه

شكرا على مروركم

تانى حاجة كل واحد بيعبر بى وجهت نزرو

اوك انتى تعرفنى علشان تقولى كدة