كيف امشي مرتاح مبسوط..

[الساحر الزهري]

السلام عليكم ورحمة الله وبركاته..

كيف الحال انشاء الله تكونوا في تمام الصحة والعافية..هذا موقف صار لي انا الساحر الزهري..

في مرة من المرات كنت مار من عند واحد من عيال الحارة في الشارع نداني..
رحت عندة سلم علي وسألني عن اخباري وكذا..المهم

قالي ابي اسألك بسؤال؟

قلت له تفضل..

قالي:

كيف امشي في اي مكان مرتاح و مبسوط؟!!!!!!

طبعا انا ما حبيت اني اتفلسف ولا اني ما افيدة ولا بشئ...قلت له انت من جدك!!؟

قالي: والله..

قلت له والله انا راح اقلك على الي انا مسويه والحمدلله حتى ما اذكر بعد ما مشيت عليه احد
تعرضلي او لامني او سوالي دوشه بس اني خايف انك تقول في نفسك اني مزود يد ورجل في كلامي....
ضحك وقالي لا والله لا تخاف حتى لو فيه راح اقلك انت كذا وكذا..قلت له اكيد..قالي اي والله..المهم

اول شئ عطيته جدولي اليومي..طبعا

الصبح دوام والظهر نوم او على النت وبعدين غدا وبعد صلاة العصر مباشرة نص ساعة او ربع
ساعة مع الاهل سوالف وشاي وقهوة وزي كذا وبعدين على الملعب وبعد المغرب..اشوف اهلي
ايش يبون واشوف النواقص حقي وكذا الين اذان العشاء واتروش واروح اصلي وبعد صلاة
العشاء اسولف مع اهل الحارة شوي الين الساعة10 وبعدين اشوف الاهل ايش يبون ,وبدها
اراجع
دروسي الين 10 ونص كذا واخذ ساعة على النت وقرا وجه او وجهين واصلي
الوتر وبعدين
انام...وكذا ..

قالي والله حلو بس احسك ما تخالط الناس كثير...

قلت له انت عارف ان انا بطلت من الدراسة سنتين يعني اذا خرجت من البيت ارد بعد يومين ثلاث
كنت خربان بس والله الصلاة ما خليتها وكنت انام يوم كامل واصحى واصلي الي فاتني والحمدلله تاب
الله علي ..ضحك وقال صايع انت كنت,,

ابتسمت بس تحطمت من داخل صدري من الكلمة الي قالها..بس حلو وهو قالها عشان ازيد
انصحه..المهم بعد حوار ونقاش طويل وكذا...

اختصرت الكلام وقلت له:

شوف بعطيك حاجات تكون عليها مدى حياتك قالي يلا يالعثيمين...ضحكت

تتقي الله وما تسيب الصلاة حتى لو انت اكبر خربان في الكون وبعض الاعمال الحسن زي قرأة
القرآن وكذا..

تبر بوالديك ولا تعصاهم بالمرة حتى لو ايش خلك محترم وانت عارف انو ذكر في القرآن


وكذا..قلت له والله انا كانت امي تدق علي كنت اكذب عليها بس عشان ترتاح ما تكون مشغوله علي
وانتو عارفين شغلت الام..وابوي كان شغال في مدينة واحنا ساكنين في مدينه بس تجيه بعض
الاخبار عني وكذا وزي امي اكذب عليه عشان ما ينصدم ,,بس احسن شئ في ابوي انه يتفاهم مو
على طول يجي وصرخ وما ادري ايش بس والله احبه مووت حتى والله اني افرح اذا روح من السفر
واجلس واسولف معاه ونتعشى سوا وكذا عشان يتطمن وبرضوا كنت والله اني ابكي وانا عاطل كذا
لاني احس في عيون امي وابوي انهم متندمين علي وانا عاطل وكذا انتو عارفين احساسهم..


اكمل الباقي لان الكلام في هذا كثير..

وحاول انك تسوي جدول لنفسك عشان تكون وسط يعني مع الاهل وقت ومع نفسك وقت ومع الناس
وقت...ورب البيت ان حتى البناقله والاجانب يتصلو علي يتواصلون معاي ..


واهم شئ لا تجلس مع ناس اصحاب كيف نوقف هنا شوي..قال انا حتى لو جلست معاهم ما استخدم
الي هم يستخدمونه..لا لا مو قصدي كذا..قالي ها طيب ايش..؟!!


قلت اصحاب الكيف ما يرتاحون وفي واحد شاذ عنهم لازم انك تكون في جوهم..قالي والله انك
صادق..قالي موقف صاره من شان اهل الكيف ..قالي والله انا كنت مع ناس اهل حبوب نسأل الله
السلامة والعوفة للي يستخدمونه قولوا امين ..

قالي انه كل شوي يعطون حبه وهو يقول لا ويحاولون فيه اخر شئ قالي انه عطوه نص حبة قالي

توقع ايش سويت قلت ايش ؟؟!!قالي اخذتها وحطيتها بين اصابعي في الفروق الي بين

الاصابع..وساعتها كانوا سألوني ها كيف مسوط قالي كنت اقله مبسوط وسويت كاني مثلهم..قلت له

ها شفت..اشلون اهل الكيف دمار لانهم خربانين يبون يخربون الناس كلهم وتلاقيهم حاسدين الي مو
خربان..الا ماشاءالله..بعضهم اذا كانوا خربانين ما يخربون الي يعزنون عليهم لا وبعد يضربونه
صح والا لا ..

اكمل لكم الباقي...

وبرضوا لاتجلس تتكلم بالي يذم الناس حاول انك تتكلم بشي حلو عنهم..حتى انت تكون عند الشخص
الي تتكلم معاه فوق راسه لانه يحس انك شخص امين ما تحب تتبع الناس..لا وبعد احيانا تلاقيه
يحط اسراره كلها عندك لانه يحس انك انت تبي تساعده وكذا ..


واهم شئ الي تلاقيه يتكلم في الناس لو يوم واحد تردعه وكذا وتعلمه حتى لو كان عزيز وغالي
عليك لانه في النهاية راح يحس انك شخص حليم لا وبعد تلاقيه اذا سولف معاك ما يقدر يتكلم في
اي شئ يذم الناس لانه عارف انها خصله مذموة وانت ما تحبها ويحترمك بعد..

وكمان حاول انك تكون مسلي ومفيد في نفس الوقت قالي كيف ؟؟!


قلت عادي مثلا مزح في حد المعقول ونكت وكذا ..


مثلا لو في شخص موهوووب في الكبيوتر خطيير مررة اربع وعشرين ساعة


لما انت تجي عندة ويكون كلامك كله في الكمبيتر تلاقيه يتكلم ويعلمك ويوريك ويفسر لك تفسير
خاصة اذا انت تعز عليه ..وبرضوا يرتاح لك كثير وانتو جربوا انت مثلا اذا انت موهوب في شئ
وجاء احد وسألك في موهبتك تنمبسط وتكلم وكذا ..صح ..


المهم الشخص كان منسجم وناظرين بنظرة غريبه وكذا ..


عارفين وش سوى ..


باس راسي وهو اكبر مني باربع سنين..


وقالي ليت كل يوم تجلس معاي ونسولف سوى قلت انشاءالله خير


قلت بس الي تلاقيه بالصدفة يكون الكلام كثير ومن موضوع لموضوع وكذا اما الي كل يوم مو
قصدي انه طفش او ثقيل لا لا ..قصدي ان السوالف تكون قليلة وكذا....وبعدها دق جوالي ومشيت
...

واخر شئ..

قال الرسول صلى لله عليه وسلم(...فل تقل خيرا او اصمت )

انشاءالله يكون اعجبكم كلامي.. الهم

الحين بعد ما قريتوا..

ابي اقول على شئ ..

لو انت مكاني وجاء واحد من الي يعرفونك وسألك نفس السؤال ايش
راح يكون جوابك وش راح
تقول له ؟!!!



ابتسامتكم وارأكم واجوبتك غاية هدفي...

ارجو لكم التوفيق..

[كويتية]

شكر على الموضوع الرائع

[ڪــــبرياء الروح]

مشكوووووور والله يعطيك الف عافيه ےع طرحك
عزہ النفس رمز لسمو ذاتے

[دعاء هاني]

شكرا على الموضوع الرائع
انتظر منك دائما ماهو جميل