ازاى تكون رخم فى الجامعه (( الجزء الثانى ))

[Mo7aMeD Lotfy]

طبعا انا جبت ليكم الجزء الاول من الرخامه وانا متاكد ان فى ناس رخمة على اصحابها

المهم ايه رايكم فى الرخامه والله حلوه

النهارده بقا جيت ومعاى الجزء الاحلى والاظرف وهى ازاى تكون رخم فى الجامعه



الجزء الثانى الجاااااااااااااااااااامعه هههههههههه



بصوا يا حلوين


نبدا

انت واقف قدام المدرج جميل وعسول كده -جت بنت وداخله المدرج وقفها واسالها الساعة كام هتقولك مثلا : الساعة 4.30 بص فى ساعتك و قوللها تمام الساعة بتاعتك مظبوطة واستلم بنات الدفعه كلهم بقا ههه




فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى


*_*_*_*_*_*_*_*_*_*_*_*



فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك



أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى


وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا



*_*_*_*_*_*_*_*_*_*_*_*


عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد
وقتك كأنك بتحجز فى سينما و اسأل أسئلة كتير وكل مايقولك حاجة قوله مش
فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل

ملاحظه
لطلاب اعلام

طبعا شؤون الطلبه طول السنه بنشوا دبان ده لو دخلهم دبان (دلوقتي عندهم تكييييييييف )
مش بنلاقي زحمه الا يوم المعونه قصدي المنحه
تقدروا تطبقوا القاعده دي في اليوم ده واحرص انك تبقى متواجد من اول اليوم
الايام دي بتبقى موسم في السنه مره


*************

بص للبنات فى الجامعه واضحك بصوت عالى وشاور بايدك لحد ما تشككهم فى نفسهم يا معلم

او بص للبنت باستغراب وكانك تعرفها وبعدين اضحك فجاه وقولها ازيك



وانت قاعد مع شلتك قل ما حد من البنات تقول حاجه قولها بجد ده حصل

اهى واستغرب واعمل فيها اهبل وقولها بجد هتقولك والله قولها ياه بجد

لحد ما هتعرف انك بتتراخم



- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك
ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى

2- ولما ترد و تقول خلاص انا اسفة
ترد و تقول شىء طبيعى

*************



-لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضرت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما رسبت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس


***************

شفت واحده فى الكليه سامرة وكانت لابسة فستان احمر و قاليتلك دلعنى....
قولها : يا فحم مولع

&&&&&

بكده يا معلمين اقدر اقولك مبروك انت كده رخمة على الجامعه كلها


استنونى فى الجزء الثالت من ازاى تعيش رخم ههههههههه

اخوكم

[m$m$]

ههههههههههههههههه
بس انا ملاحظه " ازاي تعيش رخم " دي في صالح الاولاد بس .. لا وفوق دماغ البنات كمان ..
عموما ميرسي بجد جميل

[Dr.nour]

ليه كده يعنى

ههههههههههههه

يا ربنا ع الغلاسه

روح العب بعيد

يا لتفى

نايس غلاسه

...........

[اشرقت]

يالهوووووووووووووى
دا اللى هيعمل كدة مش هيبقى رخم بس دة هيبقى تيييييييييييييييييييييييييييييييييييييييييييت
تصدق انا لو حد عمل فيا كدة هقوم اضربه واللهى ممكن اعمل اكتر من كدة
لان موتى وسمى ان حد يرخم عليا وانا مش فى المود
على العموم حلوووووووو اوووووووووى التوبيك تسلم ايديك
والحمد لله انى قريته علشان لو لقيت حد عمل كدة اعرف انو تبعك هههههههههههههههههههه

تقبل موروى

[*وحيده كالقمر*]

لا حلوه بجد ينفع البنات تعملها

[منار mmm]

هههههههههههههههههههههههه
و الله رخااااااامه جااااااامده جدااا

بس انا لو حد عطلني وانا بكتب المحاضره
طبعا مش هسكت
الا دي دا كدا يبقي بيلعب في عداد عمره هههههه

تسلم الايادي علي التوبيك الجامد
تقبل مروري

[Mo7aMeD Lotfy]

اقتباسالمشاركة الأصلية كتبت بواسطة m$m$ههههههههههههههههه
بس انا ملاحظه " ازاي تعيش رخم " دي في صالح الاولاد بس .. لا وفوق دماغ البنات كمان ..
عموما ميرسي بجد جميل

هههههههههههههههههه

لا مين قال كده البنات ممكن تستخدمها كمان

حولى انتى بس تعيشى جو الرخامه هتحسى بمتعه

مشكوره على المرور الجميل

[Mo7aMeD Lotfy]

اقتباسالمشاركة الأصلية كتبت بواسطة DR.O.SHليه كده يعنى

ههههههههههههه

يا ربنا ع الغلاسه

روح العب بعيد

يا لتفى

نايس غلاسه

...........

طيب مش هتيجى تلعب معاى اصلى مش بحب العب لوحدى

انا عارف انك بتحب الغلاسه قلت اجبلك شويه فى كيس

منورنى يا نجم

[Mo7aMeD Lotfy]

اقتباسالمشاركة الأصلية كتبت بواسطة محمد لطفياقتباسالمشاركة الأصلية كتبت بواسطة DR.O.SHليه كده يعنى

ههههههههههههه

يا ربنا ع الغلاسه

روح العب بعيد

يا لتفى

نايس غلاسه

...........

طيب مش هتيجى تلعبى معاى اصلى مش بحب العب لوحدى

انا عارف انك بتحبى الغلاسه قلت اجبلك شويه فى كيس

هع هع هع هع

[غاوى حب موت]

هههههههههههههههههههههههه