ايه السر في كده .................؟

[ماتركس]

السلام عليكم ورحمه الله وبركااته
ازيكم ياا اخوواتي ياا حلووين وحشتووني اوي
اولا اناا عاارف انوو مقصر معااكم بس يوومين شغل واخلص وافضالكم
ثاانياا انااا عندي امتحاان بكراا عايزكم تدعووالي
علشاان اغرقكم بيبسي ههههههههههههههههههههههههه
ثاانياا اناا برضووه مش بدخل قسم النقااش كتير علشاان سبب
علشاان كل وواحد بينزل مووضوع في دقيقه بنحصالوو في الصحفه ال6
ياا ريت ياا جمااعه نحااول نرتقي بقسم النقااش حبه
ثاالثاا اناا جاايبلكم مووضوع هووه يخص البناات حبتين بس متخفووش اناا جااي في صفكم النهاارده
طبعاا المووضوع ده خطر علي بالي اناا وقااعد لووحدي
قوالت ايه السر في اني الام ممكن تضرب ابنهاا او بنتهااا وبعدين ترجع تصالحووو
طيب اناا هحكيلكم علي مووقف حصل معاايه اناا وصغير
انا طبعاا لماا كنت في مصر كنت الحيطه الماايله لاامي بمعني صح علشاان كاانت بتنتهلي بااسم حمديه مش احمد هههههههههه
علشاان كنت بحب اسااعدهاا في كل حااجه حتي والله في غسيل الملابس
طبعاا اناا كنت قااعد كده قصاد التلفزيوون وطبعاا امي اوماال تقووالي ياا حمديه قوومي اغسلي معاايه الملابس دي
واناا بقي كنت بتكسف علشاان الجيراان بتشفني بس اناا كنت صغير اياامهاا ومكنش حد غير طبعاا اخوويه طاافش عالطووال وبيكره البيت
وبعدين قووالتله اناا مش هقووم تقووالي لا هتقووم قووالتله لا مش هقووم وفي وسط النقااش اناا وبينهاا
رااح دخل بابااا من براا وامي بقي تقووالوو الوواد احمد مش راضي يقووم يغسل معااياا
والوواد احمد مش رااضي يقووم حتي يطلعلي الملابس فووق السطوح علشاان انشر والواد والواد
وقاامت تضربني علشاان مسمعتش كلامهااا
طبعاا ابوويه اخدني من ايدهاا وراح جااب السكينه والله بجد زي ماا بكلمكم
وقال اناا همووتهووالك طبعاا بابا كاان بيهزر وطبعاا حط السكينه علي رقبتي وامي بقي اللي كاانت بتضرب فياا بقت تصرخ وقعد تتصرخ وهووه يقووال لا همووتهووالك علشاان ترتااحي
اناا عاايز اعرف راايكم يااا تري ياا جمااعه
مين الاحن الام والا الاب ومين اللي بيخااف علي ابناائوو اكتر فيهم
ياا تري الام هيه اللي بتخااف والا قلبهاا بيبقي جاامد علي اولادهاا
والا الاب هووه اللي بيبقي احن عن الامر عاايز اشووف رايكم
وياا تري لماا اهلناا يضربووناا يبقي بيكرهووناا والا بيحبووناا
والا عاايزين يعلمووناا الصح من الغلط
عاايز اشووف راايكم الجميل في
مووضووعي المتواضع ومنتحرمش من وجوودكم معناا يارب اخووكم
احمد الشريف

[اميره الحب والعذاب]

هههههههههههههههههه
سكينه مره واحده انا شايفه ان الغسيل كان ارحم
الاب والام هم ارحم الاشخاص واكرتهم حبا للبنائهم
تظل طوال حياتك تتمني ان تكون الافضل ولا تقبل بان يكون هناك من افضل منك حتي تري ابنك فتتمني ان تراه افضل الدنيا حتي ولو كان ذالك ان يصير افضل منك
الام والاب من الاكثر حنانا هما بنفس الاحنان ولا يختلف احدهما عن الاخر
ولكن الشخصيات تختلف فاحياننا يكون احدهما من ذو المشاعر الجياشه والاخر من المتحفظ في اظاهر مشاعره فنتعتقد ان احدهما يحبنا اكثر من الاخر
ضرب الابناء هو عاده خاطئه ولكن احياننا يحتاج الطفل الي الشده او التخويف وقد احل الاسلام ذالك
انا لا احكم علي جيمع البشر فكل قاعده ولها شواذ
تقبل موروي
اميره العذاب

[فرولة]

طبعا الام بتبقى احن من الاب مش علشان انا بنت بقول كده لا والله خالص بس الفطره هيا اللى بتقول ان العاطفه عند الست بتبقى جامده قوى واقوى من الراجل بكتير
بس ده مش معناه ان الاب قاسى ومبيحبش ولاده لا هو حنين برده وبيحبهم بس مش قد الام
وطبعا من التخلف اننا نقول على اى حد يضرب ابنه او بنته انه بيكرهم
اكيد هيكون عمل حاجه تستاهل انه يتعاقب و طبعا اكيد الاب والام بيضربوه علشان مصلحته وبيبقو زعلانين وهما بيضربوه والله علشان كده انتا قولت ممتك بتضربك وبعدين بتيجى تصالحك
انا كمان ماما او بابا لو حد فيهم زعقلى بيجى يصالحنى لاننا بصراحه متعودناش من صغرنا على الضرب ماما وبابا بيزعقو بس لكن ساعات الكلام بيبقى اشد من الضرب بمراحل وعمرى مزعلت منهم او اعتبرتهم بيكرهونى بالعكس هما كده بيفوقونى وبيعرفونى مصلحتى فين
طولت عليكم بس بصراحه الموضوع حلو قوى والكلام فيه مبيخلصش
وتسلم الايادى

[فرحة العمر]

هههههههههههههه
اكيد مفيش في الدنيا احن من الاب والام علينا ربنا يخليهم لينا ويحفظعم لينا
واكيد لما بيضربونا واحنا صغيرين بنفتكر انهم بيكرهونا ودا بيبقي لخوفهم علينا وبيعلمونا الصح من الغلط
وانا ياما انضربت من ماما بسبب بردو اني مش بساعد في البيت وساعات من بابا لما كنت اتاخر
ههههههههههه
بس لما كبرت عرفت اد ايه بيحبوني وبيخافو عليا وعلي مصلحتي
اشكرك يااحمد وتقبل مروري المتواضع

[تانيا]

ازيك يا أحمد موضوعك النهارده حلو أووووووى بجد خااصة ان أنا بمووووووووت في ماما وبابا
يعنى كنت عاوزه أقول ان أكيد الأم بتبقى أحن وأقرب من أولادها عن الأب
وده طبعااا بيكون بحكم ظرووف شغله .... يعنى الأم هى اللي بتتعب وبتسهر وبتعمل كل حاجه
بس الأب أكيد طبعاااا بيحب أولاده بس أنا دايما بشوف إن الأم أكتر
وأكيد لما الأهل طبعاااااا أكتر حد بيخاافوا على أولادهم
بس أنا مش مع موضوع الضرب ... عشان نتايج الضرب دايمااا بتكون عكسيه
تقبل مرورى

[fula]

ههههههههههههه.....موضوعك مهم مع انك طرحته بشكل ظريف وكوميدى بص يا احمد الاب والام الاتنين احن على اولادهم من اى حد فى الدنيا ومفيش فرق بينهم لكن هى بتختلف بس من طبيعة انسان للأخر فى ناس بطبيعتها بيبان عطفها وحنيتها وناس بتبقى قلبها طيب جدا وتحاول تبان عكس كدا بس فى النهايه اهلنا بيخافو علينا وبيبقو عايزين مصلحتنا مفيش اهل بيكرهو اولادهم ابدا...ومش عيب ابدا على فكره ان الولد يساعد امه خصوصا ان فى امهات ربنا بيرزقها بصبيان بس وميكنش عندها بنات وانا والله شفت شباب وبيعملو مع امهم كل حاجه ده مش عيب....وبارك الله فيك يا احمد على موضوعك الجميل ويباركلك فى والديك

[جوهرةالقصر]

اكيد الاب والام الاتنين بيحبوا اولادهم
وكل واحد فيهم بيخاف علي ابنه بطريقة مختلفة
ومواقف كتير تلاقي الولد غلطان فيها
بس لازم تلاقي واحد من الاب او الام واقف في صف الولد
رغم انه بيبقي عارف ان ابنه غلطان
لكن مينفعش الاتنين يشدوا عليه ويضربوه
لان كده ممكن الولد يفقد الثقة في البيت
وبعدين تلاقي الام بعد ما تضرب ابنها او تزعله
ويجي حد من الناس يضربه او يزعئله
بتلاقي الام بتبقي واحدة تانية
وممكن تروح تزعل اللي ضرب ابنها
وبتنسي اللي كان مزعلها منه

ودي طبيعة ربنا خلقها في الاب والام

وتسلم علي الموضوع المميز

[فيروزه]

ههههههههههههههههه بجد ضحكتني والله الاتنين عندهم حنيه بس بتختلف في طريقه التعامل وهما بيبقوا عايزين مصلحتنا بس احنا بنشوفها انها نوع من انواع التحكم وانا بقول يارب ما يحرم حد من والده ولا والدته
علي فكره انت دمك خفيف اوي وطريقه طرحك للموضوه جميله جدا ربنا يحفظك ويوفقك

[رحيق الجنه]

الام والاب يتقاسموا كل شئ
لكن فى اعتقادى ان الاب لابد ان يكون النصف الجاد مع الحنيه
حتى تستقيم الحياة

اعذرنى ماتركس فهذا الموضوع يؤلمنى
فانا لم اعيش مع ابى وامى حتى اشعر بحنيه احدهما
حتى الفترة اللى عشتها معهم سويا كان الى سن العاشرة تقريبا
تحياتى على الموضوع
مع تحفظى على ان ممكن الوالد يمسك السكينه لابنه حتى ولو بهزار
فقد يتملك منه الشيطان فى لحظة
ربنا يبارك لك فيهما ويحميك لهما

تحياتى

[game010]

الموضوع جميل جدا بجد اول قراتو حتيت ايدى على خدى علشان وانا فى سنه 3 اعدادى فى اخر يوم الامتحانات روحت انا واصحابى نلعب كوره فى ملعب جنب المدرسه كده و بعد العب راحت انا واصحابى برضو ناكل كشرى بقا كده انت فاهم بقا واتاخرت وانا راجع ولا فى حاجه بالى وبضحك بقا وكده .
وهنا حصلت المفاجا ابويا قبلنى بقلم على خدى بس كان قلم محترم اوووووووى اصلى انا ابويا شغال فى الشرطه وانت عارف بتوع الشرطه بقا وبعديها جه بقا وصلحنى وكده
يعنى انا بحس انهم فى متعه فى انهم يدربو اولادهم وبعدين يصلحوهم ههههههه
وشكرا على التوبيك ده