يومــــــــــــــــيــــــــــــات رينجاوي

[Ring]

السلام عليكم ورحمة الله وبركاته النهارده هنتكلم عن رينجاوي

رينجاوي شاب كول جدا

من عائله هاي كلاس جدا

الاسم : مادو غنيم عبد الرحيم

السن : 18


المهنه : شغال فاضي جدا

اللقب بين اصحابه : رينجاوي لانه مهتم جدا بالخواتم البرونز

تبدأ قصه رينجاوي


الام : مادو حبيبي اصحي من النوم هتتأخر ده اول يوم ليك ف الكليه

مادو : يا مامي انا عايز انام شويه وابقي صحيني كمان ثويه عشان تعبان اوي من سهره امبارح

الاب يدخل

الاب: انتي بتتحايلي عليه قوم فز يازفت انت هتتاخر عالكليه

مادو : يا ماما بابا بيزعقلي انا معملتش حاجه غلط بقي حرام كته

الام : بس يا غنيم الولد عايز ينام وتعبان سيبه وانا هصحيه دلوقتي براحه

عم غنيم الغلبان : ينام ايه بقولك اول يوم كليه انا هلاقيها منك ولا منه دي بقت عيشه قرف

الاب يخلع الجزمه وعلطول ف وش رينجاوي

قوم بدل المرة الجيه مش هيبقي في حدف

مادو : خلاص خلاص اديني قايم اهوه

رينجاوي يركب سيارته ال Bmw وينطلق الي الكليه

في الطريق

طق طق طق (علي قزاز العربيه )

مجهول : لو سمحت

مادو : نعم بقي في ايه

مجهول : حضرتك انا بس كنت مروح وتقريبا اتسرقت في الاتوبيس ممكن

وقبل ما يكمل

مادو : امشي بقي ياي البلد بقت كلها شحاتين كدا

مجهول : شحاتين ؟؟ يا استاذ انا عايز اعرف الطريق منين

مادو : اتحجج اتحجج ما كان سواق بابي يوديني احسن

مجهول راح لاسعه علي قفاه وخلع علطول

الدموع نزلت ف عين رينجاوي وكان هيعيط:cv23: بس لحق نفسه ووقته وراح الكليه

طبعا اول دخله ف الكليه مش اي دخله يعني رينجاوي دخل بنظره مبعديه للمجمع

طبعا الناس كلها مستغربه لبس رينجاوي لانه كان شاب روش بغباء

قعد يتمشي رينجاوي لحد ما قابل

رينجاوي : هاي من فضلك ممكن تقولي فين باب تجارة انجليزي

عصام : انت جديد هنا صح

رينجاوي : ايوة بس مش اعرف اي حد ممكن تساعدني ( قصدي تخدمني )

عصام : اخدمك ؟ ما علينا تعالا انا اسمي عصام وانت

رينجاوي : انا مادو

وبنظره استغراب من عصام لمادو علي الاسم الغريب

لغايه ما وصلو

رينجاوي : ميرسي بجد انا كنت هتوه من غيرك يا عصام

عصام : لا شكر علي واجب احنا هنبقي اصحاب

مادو : اكيد اكيد هنبقي انتيم جامد جدا

وينظر عصام نفس النظره باستغراب وفي سره ( ربنا يحفظنا )


نكمل بكره الحلقه التانيه

كان معكم رينجاوي الاصلي هههههههههه محمد

علي فكرة يا جماعه انا مش كدا بس بجد انا عايز اقولكم اني جربت اكتب اليوميات دي ويارب تعجبكم بجد مع انها بايخه انا حاسس

شكرا جزيلا

[فيصــــل]

هع هع هع هع

روعه يامحمد

منتظرينك يارنجاوي يامعلم

[Ring]

اقتباس المشاركة الأصلية كتبت بواسطة فيصــــل هع هع هع هع روعه يامحمد منتظرينك يارنجاوي يامعلم

ربنا يخليك اول حد يقول رأيه اهوه شجعتوني

[Dr.nour]

خخخخخخخخخخخخخ

منور يا رنكاوى

كمل وخلينا نتفرج

يا رنجاوى

[♥..pure]

هو رنجاوى دة عشان الخواتم ولا عشان اكل الرنجه

ولا انتى ايه رايك ياااااااااااااااانور

ههههههههههههههههه

رنجه حبيبتى

جوعتنى ياض

الفكرة حلوة

وكمل كمل بشوف دة كتير

[Ring]

اقتباس المشاركة الأصلية كتبت بواسطة whisperer هو رنجاوى دة عشان الخواتم ولا عشان اكل الرنجه ولا انتى ايه رايك ياااااااااااااااانور ههههههههههههههههه رنجه حبيبتى جوعتنى ياض الفكرة حلوة وكمل كمل بشوف دة كتير

هههههههههههههه اولا سؤالي انتي بتشوفي ايه يعني مش فاهم

ثانيا رينجاوي علي اسم عضويتي

Ring

شكرا لردك الكريم
ولزوقك