تصوير في الخفاء..........

[dr.marmar]

ازيكوا ياحلوين
عاملين إيه
واخباراتكم
واخبار الجماعه ايه
طبعا هتقولوا ايه البت الرغايه دي
ماتتدخلي في الموضوع علي طول
إستنوا عليا بس هقول اهو
بس اصل عندي امتحانات والحاله صعبه علي الاخر
وعاوزه أعيط همتحن منهج سنتين علي بعض ياناس
بس حتي الدموع مش راضيه تنزل
قلت بلا وجع قلب اجي أدردش معاكوا شويه
من كام يوم كده يجي أيام5باين
كان عندي إمتحان عملي
والحمد لله عدي علي خير بعد يوم من العناء
قلت لأصحابي ماتيجوا يابنات نأكل اي حاجه في اي مطعم
احنا واقفين علي رجلينا من الصبح
المهم بعد عناء معاهم وافقوا
ورحنا مطعم قريب من الكليه
المهم دخلنا قعدنا علي ترابيزه في جنب لوحدنا كده فاضي مكنش فيه حد
علشان نعرف ناخد حريتنا
بعد شويه صغيرين لقينا راجل يعني حوالي 50 سنه جه قعد
علي الترابيزه الي قدامنا
عادي يعني ده راجل قد أبونا
بعدين قاعدين عادي مستنين الأكل لاقيت الراجل ده
ماسك موبايل وعمال بيصور المطعم وهو اصلا قاعد مدينا ظهره
بعدين فجأه في الخباثه كده لاقيته عامل الموبايل ناحيتنا وبيصورنا
قال يعني احنا مش واخدين بالنا
قمت انا قلت لامنيه لأصحابي عيال الراجل ده بيصورنا
قامت امنيه صحبتي قالتي ايه ؟ بيصورنا
شوفتيه يامروه متاكده قلتلها ايوه
قامت صاحبتنا التانيه بتبص لاقيته بيمسح صورنا من الموبايل
وبعدين قعدنا لاقيناه بيصور تاني
يادي المصيبه ايه ده
البنت امنيه دي جدعه بصراحه بميه راجل
قامت قامت وراحتله وقالتله انت بتعمل ايه
هات الموبايل الي في ايدك ده
قامت واحده تانيه من أصحابنا قالت ماتعمليش مشاكل ياامنيه
خلينا نروح ترابيزه تانيه بعيد عنه وخلاص
قامت امنيه ماسكتتش قالت ازاي
مش لما نشوف صور ايه الراجل ده
هات الموبايل ياما والله هتصل بالشرطه تيجي شوف تصرف معاك
والراجل اتلغبط وكانت حالته حاله
والناس الي في المحل اتلموا والرجاله كلهم مسكوه روقوه
واخدوا منه الموبايل ومسحوا الصور والفيديوهات الي صورها
واحنا رحنا بعيد عنه وانتهي الموضوع
لاقينا راجل كبير كده جاي يقول لامنيه انا بحيكي علي شجاعتك
انتي بنت جدعه وتعرفي تتصرفي بجد
وقام مسك فاطمه وانتي سلبيه ماينفعش انك تسكتي عن حقك
وتهربي من الموقف وتمشي
انتي مش عارفه هو كان ناوي يعمل ايه بالصور دي
انتوا بقي تتخيلوا راجل زي ده وكبير في السن كده
كان ممكن يعمل ايه بالصور دي
مافيش ضمير خالص مش دول بنات زي بناته
يعني كما تيدن تدان
وبعدين انتي لو في الموقف ده كنتي هتتصرفي ازاي
هتقفي وتاخدي حقك
ولاهتاخفي وتهربي

[тoкα..♥]

عايزة تعرفي كنت هعمل ايه
وربنا كنت روقته هههههه
ال اسكت عن حقي ال
ده انسان مش محترم يصور بنات وهو اصلا قد ايه ال يعني لسه ف سن المراهقة هههههههههه
لا طبعا كنت هخلي يومو مطلعلوش شمس ال اسكت ال
جدعه اوي امنيه تيه ياريتني كونت معاكو وانتي كونتي تشوفي هههههههه
ربنا معاكي يا مرمورتي وتنجي باعلى تقدير يارب

[أنثـے مًنْ الّخٍـْيـِالْ→♀]

ههههههههه

و الله العظيم امنية دى جدعة جدا جدا جدا

اكيد يا بنتى طالما اتاكدتم انكوا اتصورتم لازم تحذفوا الصور دى

لان متعلميش نية الراجل ده

و خصوصا مع البرامج اللى بتركب الصور على بعضها

و جايز بردو يكون فى نيته انه يشتغل خاطبة

ههههههههههه

ربنا يحفظ بنات امة محمد من كل شر

[♥..pure]

وانتى كنت فين بقى يا مروة

فى الكوخ ولا اصاله ولا الطيبات

اتوقع انه اصاله

المهم

البت امنيه دى جدعه اخر حاجة بس نست تعمل حاجة

تاخد الموبيل وتكسره مليون حته على دماغه

الحيوان المراهق دة

يلا حصل خير ان شاء الله

خدوا بالكم من نفسكم بعد كدة

[حياتي ذكريات]

عارفة المشكلة انه راجل كبير

ما فيش ضمير خالص لو كان صغير يمكن نقول طيش شباب

بس امنية بجد دي جدعه .. مفروض كمان انتو عملتو زيها

مش تمنعوها لان الحاجات دي ما فيهاش خوف

يمكن بالصور دي كان يركب ويلعب بيها والسمعه ساعتها تروح

لو كنت في الموقف ده أكيد مش هسكت ومش هسيبه غير

لما يمسح كل الصور اللي موجوده .. لان سمعتي مش ممكن افرط فيها

تسلمي على الموضوع وربنا معاكي ان شاء الله .. شدي حيلك في المذاكرة بقى

[misho]

عارفة يا مرمر ان الموضوع دة حصل معايا برضه انا واصحابي

كنا في مول وكان مجموعة شباب تافه كدة

صاحبتي اخدت بالها انهم بيصوروا وكدة

راحت برضه عملت زي صاحبتك كدة وهو يقولها انا مصورتش حاجة

روحت قلتلها انتي لسة هتتكلمي قمت شديت الموبايل من ايده و رميته علي الارض جامد

اتكسر مية حتة احسن:ju4:

طبعا الواد اتنرفز بس الامن اتدخل واتربي هو و اللي معاه

مش عارفة يا بنتي الشباب جري ليها ايه؟؟

مش ممكن اختك او مراتك تتعرض للموقف دة.

يبقي موقفك ايه ساعتها

ربنا يهدينا كلنا يارب

[Dr.nour]

المهم انكم بخير يا مروه

وعرفتم تتصروفوا صح

بالنسبالى بكى

لو الى قدامى ده قاصد

انا ممكن امرمط بكرامته الارض

بس لو مش قصد

بيبقى عفا الله

وخدى بالك بحد كوده

[K A S E M]

اولا ربنا معاكى يا مروه ويساعدك يارب
ثانيا والله بجد مش عارف اقول ايه
فى السن ده كمان ويعمل كده
ده طلع راجل تييييييييييييييييت خالص
بجد الراجل ده ربنا يتولاه برحمته اللى زى كده ربنا ابتلاه بنفسه والله
بس امنيه فعلا بنت جدعه واتصرفت صح جدا
ارتبك لما واجهته بانها عرفت اللى بيعمله طيب مش خايف من اللى خلقه،،اللى عالم بما نجهر وما تخفى الصدور،،
ربنا يهدى الجميع يارب
ويحمى بنات المسلمين من كل سوء
وميحرمناش من مواضيعك الجميله ابدا يا دكتر
اخوكى

[رووكه]

ينهار زى بعضه هى الرجاله حصلها ايه انهطلو هههههههههههههههههههه

هما لما بيكبرو بينهطلو ياربى عليه

والله السفاله كلها بتيجى من الرجاله الكبيره وتلاقى الشباب محترمه عنهم

عليه العوض الرجاله جالها لطف وهطل ههههههههههههههههههههههههههه

الحمد لله ان صحبتك عملت يمكن ربنا جعلها سبب علشان تمسح اى حاجه بتاع بنات تانيه زيكم

وربنا نجاهم منه بسببها والله جدعه وتسلم على اللى عملته فى الحيوان ده عمووووو الشيخوخه

[đΘόđΘό]

والله صحبتك دي جدعه جدااااااااااااااااااااااااا
الموقف ده حصل معايا انا واختى بردة كنا في مطعم مع العيله واخدت بالي ان ولد قاعد مع شله بنات وبيصور قلت لبابا بابا اتنرفز ولسه هايقوم الواد اتلم ومشي
على راي روكه الرجاله جالها هطل وربنا ههههههههههههههههههههههههههه
منهم لله حسبي الله ونعم الوكيل