الفرق بين الزوجة السورية والزوجة الفلسطينية في التعامل مع الزوج

[عروسة فلسطين]

اذا وقع زوجها عن الدرج:


السوريه : ولي على آمتي، سلامتك حبيبي أنشاء الله ، انا ولا انتا ابن
عمي ( ميته خوف عليه )
الفلسطينية : شو مالك دخت ؟ الله ما برمي الناس بحجار خطيتى الله لا
يردك ( بتستناه يموت علشان تورث)
اذا الزوج بدو يسافر:

السوريه : انتبه لنفسك ابن عمي، جهزتلك الشنطه، كتّر خيرك على الاغراض
اللى اشتريتها، بيكفوا سنه الله لايحرمنا من دخلتك علينا، أولي على
آمتي، تروح وترجع بالف سلامه

الفلسطينية :أسبوع مبوزة قبل السفر، وكل شوي دموع، ومتى بدك تروح؟ ومع
مين بدك تطلع هناك آه ؟ مش تتطلع عالبنات !! إحلف إنك مش رايح تروح
على أماكن فيها بنات! ما تتأخر بلاش ينقصنا إشي وانت مسافر. وكل يوم
بتتصل بالتلفون عشان تشوف وينك و تحكيلك إنه الولد سخن، وبنتك بدها
تموت، كل المصايب بتقلك اياها بتلاحقك فيها وين ما تروح ( هوايتها نكد )
إذا الزوج تأخر بره فى شغل او مع صديق:


السورية : شو إبن عمي ! غلي ألبي عليك تؤبشني يا حءء وكثير شغلتلي
بالي، تؤبرني ما تتأخر عليي كثير مره تانيه عشان بشتائلك أنا ( يؤبرني
دلع الشام )

الفلسطينية : شرّفت !! وين كاين؟ مهو أنا كاينه حيوانه في الدار، طول
نهاري أكنس و أمسح !! مع مين من أصحابك الهمل كاين تتصرمح ؟ إيش
جبتلنا معاك ؟وللا جاي إيد قدام وإيد ورا، كويس عرفت إلك دار وروحت (
لا تعليق)
إذا طلبت شى منه :


السورية : إبن عمـــــــــي تؤبشني تؤبر ألبي ( كله تؤبــر) حبيب ألبي
فيك تجيبلنا شي حلو من دياتك الحلوة وعلى زوئك شو بعشق زوئك أنا
ياحياتي.
الفلسطينية : إغلط مرة وجيبلك شغله حلوة معك بقلاوة وللا كنافة بدي
أحلي تمّي إللي مرّر من هالعيشة إللي بتقرف ( هاى طخها حلال )
إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد
عنجد زوئك بيعئد تؤبشني بتجنننننننننن الله لايحرمنى منك يا عمري
الفلسطينية : والله غاب وجاب، وياما جاب الغراب لمه، من وين جايبها
وقديش حقها هاي، الله يقطع هيك ذوق مش لو جبتلنا طبخة للدار أحسن (
حسبي الله )اذا بدك شي منها :


السورية : من عيونى ابن عمى تؤبرنى بتؤمر أمر ابن عمى ولووو غالى
والطلب رخيص، شو بعبد سماك انا دخيلو انا شو بحبووو على راسى حبيب
ألبي
الفلسطينية : مهو حرام نستريح شوي، لازم حياتي تظل تعب ونكد، هو فش
غيرك فى الدار؟ مش فاضية، وللا أقلك اطلع من الدار حل عنى روح شوفلك
>>شغله سويها، فقعت مرارتى من شغل البيت اففففف اففففف.

لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك،
وبدياتى راح شربك كمان، تعبك راحة ابن عمي، ما في اغلا منك حبيب ألبي
( تخيل فنجان القهوة بس )
الفلسطينية : بدك قهوة ؟ هي اخوانك مرميين فى الحوش روح اشرب معهم،
وللا أقلك روح عنك امك بتعملك، أترك شغلي وأعملك قهوة؟؟ هادا اللى
ناقص، ياااا رب موتني وخلصني من هالعيشة اللى بتقرف ( كل هادا علشان
فنجان قهوة ريتو سم ياشيخة )اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل
شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك
انا ابن عمي، بدك اعملك شى لمن ترجع؟ ( بتكون غبى لو طلعت وتركتها )الفلسطينية : لأأأأ (مع تبويزه طولها شبرين)... بديش إشي، وين بدك
تروح؟ ومع مين بدك تقعد؟ انشالله بتطوّل وبتخلّيني لحالي زي الهبله،
وللا أحكيلك، جيب معاك حفاظات للولد وإنت جاي.

[عروسة فلسطين]

شووووووووو وين الردود باين ما عجبكم الموضوع

[Big Brother]

ههههههههههههههههههههههههههه
تسلمي عروسة فلسطين علي الموضوع الجميل
بس كده كل الرجالة عايزة تتجوز من سوريا
واللي بيفكر يتجوز من فلسطين مش هيتجوز اساسا بعد ما يقرأ موضوعك
تسلم ايدك وتقبلي مروري

[عروسة فلسطين]

يا سيدي معلش بنات سوريا هما بنات فلسطين كلنا واحد

[نــــــورا]

ههههههههههههههههههههههههههههه

[Dr.nour]

هههههههههههههههه

الفلسطنين هيضربوكوا حالا

هههههههه

[..Dana..]

ههههههههههههههههههههههههههههههههههههههههه ..

دحكت من قلبي ..

مرسي ..

[7ouda]

هههههههههههههههههههههههههههههههههههههه

[ـًآ‘إوٍلٍ حٍ‘ـبٍ]

بجد تحفة هههههههههههههههههههههههه بس عجبتني اوي بتاعت بدك شي هههههههه

[شوشه ومربوشه]

هههههههههههههههههههههههههههه
مرسي على التوبيك
تسلم اديكي