الإنتقام الأعظم وحلقة خاصه جدا من المصيده ادخلو وانتو تعرفوا

[حياتي ذكريات]

اقتباس المشاركة الأصلية كتبت بواسطة silver spectra الله يكون في عونك و الله يا دعاء ربنا يعينك و يصبرك على تقى أنا جارك و مسجون في زنزانة الموضوع الي جنبك منورة و الله و اجابات روعة أكيد متابعين معاكي...

ههههههه

تقى عاملة معتقل الأيام دي ^_^

وساجنة فيه الكل بالدور

مش سايبه حد في حاله

ربنا يعينك يا جاري انت كمان

انا عارفة تقى أمثلتها الشعبية مش عارفة بتجيبها من فين

منور يا طارق والله ..

[حياتي ذكريات]

اقتباس المشاركة الأصلية كتبت بواسطة برنسيسه s اني طيبة أوي واللي بيتعامل معايا بيعرف كده فعلا طيبه يا دعاء وحسيت دا لما نتكلم ربينا يحققلك كل الي بتتمنيه واكيد متابعه معاك لحد ماتخرجي باالف سلامه من هينا ههههه هاذا اذا طلعتي سليمه

تسلميلي يا قلبي على كلامك

ده انتي أساس الطيبة كلها

ليكي وحشة يا قمر .. من زمان عنك

وان شاء الله أطلع زيك كده سليمة

:054:

كوني بالقرب هههههه

[حياتي ذكريات]

اقتباس المشاركة الأصلية كتبت بواسطة funny g!rl [font=comic sans ms][size=5][color=slategray] يارب يسامحنا كلنا يارب هههههههه ماجيش تاني ليه يا بنتي هو انا عملتلك حاجه ههه اجاباتك زي العسل بجد ربنا يحميكي يارب يا قمر استنيني شويه وجايه بالاسئله منورة المصيده :: ::

ههههههه

لا ما عملتيش حاجه خالص

تعبتيني بس وخلاص

المصيده منورة بأعضائها يا قمري

تسلمي على كلامك العسل زيك

[رووكه]

اقتباس المشاركة الأصلية كتبت بواسطة حياتي ذكريات ههههههههه ااه قوللها يا روكه تخف شوية علينا اصل انا عارفة تقى كويس :vb8: بس احنا قدها وقدود ان شاء الله منورة يا قمري

قلبى معاكى بجد طبعا عارفه اننا رجاله هههههههه

وهطلعى عنيها:Sport-114:

انطلقى:090:

هههههههههههه ربنا يوفقك ويعينك يارب

[حياتي ذكريات]

انتي بنوتة طيبة فهل طيبتك دي أوقات بتخليكي ضعيفة ؟؟

لا خالص فيه فرق بين الضعف والطيبة .. انا طيبة مع اللي طيب معايا

لكن طيبتي عمرها ما توصل لضعف او استغلال

بحط حد لطيبتي مع اللي عارفة انهم بيستغلوني ومستحيل اخلي طيبتي

في يوم مصدر للضعف


عايزاكي تحكيلي عن موقف محرج حصل معاكي أيام الدراسة

افتكر اني في مرة كنت قاعده على الكرسي وحاطه شنطتي على

رجلي كان علينا حصة انجلش والابلة قالتلي قومي جاوبي فاما قمت

وشلت الشنطة من على حجري لقيت الزي بتاعي كله ازرق في ازرق

( الزي لونه الأساسي بيج ) أتاري القلم السائل كان مفتوح وحبره كله فرقع

في لبسي كنا ساعتها بقى الحصة التانية لسه فضلت قاعده في الفصل

الحصص كلها لان كان منظر الزي لا يعلى عليه بصراحه

وايه أقسى عقاب مر عليكي طول الدراسة ؟؟

والله أقسى عقاب كان لما حصل موقف بين وحده معايا وكانت هي

اللي غلطانة بس هي قالت كلام كدب عني وقالت كلام ما قولتوش

وكلام انا اصلا مستحيل أقوله أبدا .. نقول ايه غير حسبي الله ونعم الوكيل

فوصلت الحكاية انه حصل تحقيق وكتبونا تعهد اننا ما نتكلمش مع

بعض ولا يكون بينا سلام وكلام وكان الأمر هيتطور ويوصل لرئاسة البنات

الموضوع ده لسه من يومين على فكرة ^_^


وهل انتي بتحبي المواجهة ولا الهروب ؟؟

لا أكيد بحب المواجهة لاني لو فضلت أهرب المشكلة هتفضل تكبر

وكلام الناس بيأثر عليكي ولا Noooo ؟؟

لا خالص مش بيهمني كلام الناس لانك مهما عملتي هيتكلمو

بحب اعمل اللي بيريح ضميري وخلاص

لانهم كده كده هيتكلمو .. أمر مفروغ منه يعني ورضا الناس غاية لا تدرك


و بـ صراااااااااااحهـ ..انتي أنانية ؟؟

لا الحمد لله مش بحب الصفة دي ولا بتصف بيها

تيب غيورة ؟؟

أكيد في بعض الحاجات بغير منها


دعاء عايزة ايه من الدنيا ؟؟

عايزاها تبطل فيا صدمات واعيش هنيئة سعيده في حياتي

وتفضل تبتسم ليا طول الوقت


وايه الحاجز اللى بينك وبينها ؟

اني ما اتعداش قيمي وحدودي اللي حطاها لنفسي

وايه الحاجز اللى بينك وبين اى انسان تانى ؟

على حسب الانسان لو كنت لسه اعرفه هتبقى بيني وبينه حواجز كتير

اما لو كنت على معرفة شخصية بيه يبقى هيكون الحاجز الوحيد .. قلبي
وايه الحاجز اللى بينك وبين نفسك انتى ؟

مش بحب أحط حواجز لنفسي عشان افهم نفسي صح

مين الشخصية الغامضة فى حياتك ؟

أخويا اللي أصغر مني شوية وعمي الصغير

شخصيتين غامضيتن جدا ما تعرفيش هما بيفكرو بايه


ايه الحياة اللى بتتمنى تعيشيها<<طبعا مش حياتك الحالية

حياتي حلوة بس كنت اتمنى انها تبعد عن الفراق

بس هي دي سنة الحياة

بتبقى فرح بعد حزن

بسمة بعد دمعه

لقاء بعد فراق

دي طبيعه الحياة فبحب أفضل اني اعيش الحياة كده

على الأقل احسن من غيري كتير جدا

يعنى لو عندك القدرة انك تعيشي فى حياة على مزاجك
ايه نوعها
فلوس؟؟

لا الفلوس مش كل حاجه في الدنيا ومش بنقدر نشتري

بيها حاجات كتير الفلوس مش بتشتري الحب .. الصداقة .. العطف

وغيرهم كتير

حب؟؟

الحب جزء مهم في حياة اي انسان أكيد احب اني اعيش حياة مليئة بالحب

استقرار؟؟؟

ده اللي نفسي فيه حاليا لان احنا مش بنستقر في حته واحده

وليه؟؟

حصللك قبل كدة موقف ان حد قالك انا بحبك وانتى رديتى عليه بطريقة جارحة او لا؟؟ وليه فى كلتا الحالتين

حصلي موقف مشابهه بس أفضل اني ما أذكروش


لما بتبقى قاعدة لوحدك
ومغمضة عينيكى وسرحانة
ايه الحاجة اللى ممكن تسرحى فيها مع مراعاة انك فى جو هادى وقت الغروب او حاجة كودة>>اوعس تقولي هسرح فيكي ههههههههههه ؟؟

ههههههه وليه ما أسرحش فيكي

ortugal-flag:

لا بفكر في حاجات كتير اوي لاني اما بعد في مكان هادي

ببقى في عالم تاني خالص .. عالم في مخيلتي بس


ماذا تعنى لكى الكليمات الاتيةالحب-الخيانة-الغدر-الفراق-الظلم-الصداقة)

الحب : أجمل حاجه في الدنيا واحساس جميل

الخيانة : صفة سيئة مش بيبقى عنده حفظ للأمانة ولا حفظ للثقو العشرة والحب

الغدر : تشبه الخيانة في نتاجئها

الفراق : اتألمت منه كتير تقريبا حياتي اغلبها فراق

الظلم : احساس صعب بجد اما تكوني مظلومة ومش عارفة تبرئي نفسك

الصداقة : جميلة جدا الانسان مش بيقدر يعيش من غير صداقة لغيره


لما بتبقي مخنوقة مين اول شخص بتفكري تتكلمي معاه؟؟

صاحبتي الأنتيم اللي في مصر بتفهمني في الطايرة

لو حطيناك في موقف انك تحكمي على نفسك وتقيميها بالكويس اللي في شخصيتك والوحش فيها برد

وببساطه اكتر عايزين نعرف ايه العيوب اللي انتي شايفاها في نفسك و بتحاولي انك تصلحيها او تعدلي

منها ؟؟

العيوب اني بسهر كتير يعني يمكن انام في اليوم 5 ساعات بس

كمان اني بزنق نفسي في أي عمل حد يطلبه مني وآجي في آخر

لحظه وأحط جهدي كله فيه بس بيطلع متعب اوي

وكمان اني باخد على الناس وبثق فيهم بسرعه وده بيعملي مشكلات كتير


اكتر بلد نفسك تزوريها؟

حاليا مصر نفسي أروحها

ايه رايك فى بنات و شباب الايام دى ؟

ربنا يهدي شبابنا .. نقول ايه غير كده

فيهم الكويس وفيهم الوحش بس الشباب والبنات

اللي ضايعين شوية هما اللي باينين عشان الخير

بيخص والشر دايما بيبان ويعم

وأخيراااا



إيه رأيك الصريح فيا
(أجابيات وسلبيات)>>السلبيات أهم
وكفايه كده دلوقتي ههههه

هههههه سلبيات والله مش شايفة

لو هشوف انك فيكي سلبيات كنت قلتلك

ايجابياتك بقى

انك طيوبة اوي

بتتعاملي مع الكل كويس

محبوبة من الجميع

اممممم ايه تاني

واخده الحياة ببساطة كده

بيعجبوني الناس اللي كده

بس كده كفاية عليكي .. :006:

[тoкα..♥]

اولا شكرا على رايك فيا يا قمر
ربنا يخليكي
بس لو كان فيه مجامله هزعل ههههههه
ونبدأ بالاسئله~
انتى اية افضل عضو او عضوة ليكى هنا فى المنتدى ؟ لازم تقولى اسامى

مين اللى نفسك تكهربية فى المنتدى ؟

لو فى ايدك وردة وشوكة ؟
ومعاكى 2 من الاعضاء
تدى لمين الوردة ولمين الشوكة ؟
لازم تجاوبى وتختارى عضوين

لو معاكى تلفون مع صديقة عزيزة عليكى اوووووى اووووووووى وكانتى مستانية اتصال
تلفونى من حد تانى واتصل وهو على الويتنج هتقفلى مع صحبتك وتكلمى الحد التانى
ولا تفضلى مع صحبتك ومتعبريش الحد التانى ..ملحوظة الحد تانى دة نفسك تكلمية وكانتى مستانية التلفووووووووووون؟


قوليلى يا طمط مين بتحبى تسمعى كلمو اكتر ماما ولا بابا ولية؟

وليكى اخوات ولا لاء وفيهم بنات ولاء
ولو معندكيش اخوات بنات كان نفسك يكون ليكى اخت ؟
ولو عندك اخت بنت بتتعملى معاة ازى ؟


لو حد بعتلك يقولك ملكيش دعوة بية ودى اخر مرة نتكلم
ومتعرفيش هو او هى زعلانة من اية ؟
هل تقبلى با الامر الواقع ولا تناقشى الموضوع وتفهمى السبب ؟

هل وانتى قعدة بتاكلى فى دوافرك هههههه؟

لونك المفضل ؟ واكلتك المفضلة ؟ و كلامتك المفضلة ؟ يعنى الكلامة اللى على طول بتقوليها ؟


اضربتي قبل كودا بالقلم ؟ وليه؟
لما بتكوني زعلانه اوي بتعملي ايه وبتتكلمي مع مين؟
لو متعصبه اوي من حد وجه الحد ده يتريق عليكي وانتي في عز غضبك تعملي ايه ؟؟
نوعـ تلفونك ولونه والرنه الحالية ورصيدك الحالي ؟>>ده شويه فضول بقى خخخخخخخ
ايه موقفك لو ماشيه وقدامك ناس كتيرة وروحتي واقعه في الارض ؟؟
اكتبي جمله ليس بها بحرف الالف ولا تقل الجمله عن 5 كلمات خخخخ بس جمله مفيده يا دعاء هههههه؟؟
لو رايحه مكان بعيد وعندك اختيار انك تاخدي حاجه واحده بس هتاخدي ايه وليه ؟؟
جريمه تتمنى ارتكابها...؟؟
واخيرا ايه اللي في قلبك من ناحيتي دلوقتي يا دعاء ههههه؟؟
وليا بااااااك تاني

[نانـــــو]

اجابتك جميلة يادعاء كلها عقل وحكمة ياحبيبة قلبى
وربنا يجعل ايامك كلها فرحة وسعادة يارب
ويحققلك كل امانيك يارب
وانتى ياتقى ارحمى شوية انتى مفترية كل دى اسئلة
بس احسن علشان نعرف كل حاجة عن امورتنا حياتى ذكرياتى

[حياتي ذكريات]

اولا شكرا على رايك فيا يا قمر
ربنا يخليكي
بس لو كان فيه مجامله هزعل ههههههه

هههههههه

لا انتي عارفة اني مش بجامل

ومش بعرف اصلا

ونبدأ بالاسئله~


ماشي يلا

انتى اية افضل عضو او عضوة ليكى هنا فى المنتدى ؟ لازم تقولى اسامى

فيه كتير كويسين هنا

انتي وساره ونور ورفيف وندى ورؤى وباسكال وساره التانية

وغيرهم كتير اوي

مين اللى نفسك تكهربية فى المنتدى ؟

لا ما فيش حد نفسي اكرهبه خالص

انا مش بحب ااذي حد ^_^


لو فى ايدك وردة وشوكة ؟
ومعاكى 2 من الاعضاء
تدى لمين الوردة ولمين الشوكة ؟
لازم تجاوبى وتختارى عضوين

انا مش بحب اجاوب على الأسئلة دي :no:

الورد هنديه لكل اللي معانا في المنتدى

اما الشوك نخليه على جنب مش عايزينه

لو معاكى تلفون مع صديقة عزيزة عليكى اوووووى اووووووووى وكانتى مستانية اتصال
تلفونى من حد تانى واتصل وهو على الويتنج هتقفلى مع صحبتك وتكلمى الحد التانى
ولا تفضلى مع صحبتك ومتعبريش الحد التانى ..ملحوظة الحد تانى دة نفسك تكلمية وكانتى مستانية التلفووووووووووون؟

لو كنت مستنية التيليفون ضروري هضطر أقفل مع صاحبتي

هقولها ثواني ارد على البنت وآجي اكلمك تاني

مش معنى كده اني مش بحبها بالعكس بس مادام اني

مستنية التيلفون ضروري يبقى فيه حاجه مهمة


قوليلى يا طمط مين بتحبى تسمعى كلمو اكتر ماما ولا بابا ولية؟

لا بسمع كلام الاتنين ^_^

ولو رأيهم الاتنين غير بعض مثلا هختار اللي هشوفه يناسبني اكتر


وليكى اخوات ولا لاء وفيهم بنات ولاء

اه عندي 3 اولاد غيري وانا البنت الوحيده

ولو معندكيش اخوات بنات كان نفسك يكون ليكى اخت ؟

كان نفسي زمان مامتي اما كانت حامل في اخويا الصغير

كان نفسي في بنت اوي وكنت اجيب ورقة وقلم وأعد اكتب

اسماء بنات عشان اشوف ماما هتسمي ايه

ولما جابت ولد رحت الاوضه بتاعتي وقعدت اعيط هههههههه

كنت ساعتها في 5 او 6 ابتدائي بس بعديها مامتي جت وقالت

اعتبريه زي ابنك والفكرة دي علقت في دماغي وفعلا انا اللي ربيته



ولو عندك اخت بنت بتتعملى معاة ازى ؟

لا قلنا مش عندنا .. عندي ولاد بس


لو حد بعتلك يقولك ملكيش دعوة بية ودى اخر مرة نتكلم
ومتعرفيش هو او هى زعلانة من اية ؟
هل تقبلى با الامر الواقع ولا تناقشى الموضوع وتفهمى السبب ؟

لا هفهم السبب وايه سر التغير ده فجأة كده

أكيد في سبب ولو عرف السبب بطل العجب

هل وانتى قعدة بتاكلى فى دوافرك هههههه؟

هههههههه لا خالص رايقة وحاطه رجل على رجل

لونك المفضل ؟ واكلتك المفضلة ؟ و كلامتك المفضلة ؟ يعنى الكلامة اللى على طول بتقوليها ؟

لوني المفضل : الأحمر بدرجاته والسماوي

اكلتي المفضلة : البيتزا

اما كلامتك المفضلة دي اول مرة اسمع بيها :bigsmile:


اضربتي قبل كودا بالقلم ؟ وليه؟

لا خالص عندنا الضرب بالقلم ممنوع

ما افتكرش اني اضربت مرة قبل كده بالقلم

يعني اللي اضربت فيه بالقلم هزار مع صحبات كده وخلاص


لما بتكوني زعلانه اوي بتعملي ايه وبتتكلمي مع مين؟

بتكلم مع صاحبتي وافضفض معاها واريح قلبي او امسك قلم وورقة واكتب

لو متعصبه اوي من حد وجه الحد ده يتريق عليكي وانتي في عز غضبك تعملي ايه ؟؟

ياه مش هيشوف خير ساعتها خالص ^_^

نوعـ تلفونك ولونه والرنه الحالية ورصيدك الحالي ؟>>ده شويه فضول بقى خخخخخخخ



ما هو باين فعلا الفضول ده هههههه

نوكيا 6500 والرنة مش ثابتة بحط أكتر من رنة

والرضيد لسه من فترة شاحنة معايا 37 ريال

ايه موقفك لو ماشيه وقدامك ناس كتيرة وروحتي واقعه في الارض ؟؟

هبقى محرجة أكيد بس هقوم وارفع راسي وامشي وخلاص

اكتبي جمله ليس بها بحرف الالف ولا تقل الجمله عن 5 كلمات خخخخ بس جمله مفيده يا دعاء هههههه؟؟

جلست على بحر وبيدي قلم

كده كويس .. انا مش بحب العربي :sly:

لو رايحه مكان بعيد وعندك اختيار انك تاخدي حاجه واحده بس هتاخدي ايه وليه ؟؟

هاخد النت معايا هقدر اتواصل من خلاله على العالم

كله وأكلم وأطمن على كل حبايبي

جريمه تتمنى ارتكابها...؟؟

اقتل كل اليهود المغتصبين

واخيرا ايه اللي في قلبك من ناحيتي دلوقتي يا دعاء ههههه؟؟

ههههههه انتي بتسألي برده

مش عايزة اشووفك هنا تاني

تعبتيني معاكي :no:

وليا بااااااك تاني

ليه كده بس .. خليكي براحتك

[حياتي ذكريات]

اقتباس المشاركة الأصلية كتبت بواسطة روكه2 قلبى معاكى بجد طبعا عارفه اننا رجاله هههههههه وهطلعى عنيها:sport-114: انطلقى:090: هههههههههههه ربنا يوفقك ويعينك يارب

ههههههههه

احنا ننطلق ونعمل اللي علينا

اما نشوف آخرتها معاهم ايه

^_^

[حياتي ذكريات]

اقتباس المشاركة الأصلية كتبت بواسطة nano.n.s اجابتك جميلة يادعاء كلها عقل وحكمة ياحبيبة قلبى وربنا يجعل ايامك كلها فرحة وسعادة يارب ويحققلك كل امانيك يارب وانتى ياتقى ارحمى شوية انتى مفترية كل دى اسئلة بس احسن علشان نعرف كل حاجة عن امورتنا حياتى ذكرياتى

تسلميلي يا قمري على كلامك الجميل

ده من زوقك بس والله

قولي لتقى بقى تخفف شوية علينا :053:

منورة المصيدة .. عقبالك