هو فى ايه ؟ بالله عليكم اللى فاهم يفهمنى

[lost heart]

فاكرين زمان زمان اوى لما كنا صغيرين فاكرين لما كنا بننطق الكلام غلط
فاكرين لما كنا بنعمل حاجه غلط واحنا صغيرين وكنا بنبقى مرعوبين وخايفين اوى احسن حد يعرف
فاكرين لما يكون عندنا مشكله او بنتخانق خناق عيال يعنى يجى كل اصحابك ويدافعوا عنك كانكم اخوات
فاكرين كمان يابنات لما الباربى بتاعتنا كانت تضيع او تتكسر كان ممكن نفضل طووول الليل نعيط علشانها وميجيلناش نوم ونفرح اوى لما يجيلنا حاجه جديده
وفاكرين كمان لما كنا نحب اوى نلبس لبس مامتنا او اخواتنا الكبار
ولما كنا من ورا مامتنا نلبس الجزمه بتاعتها اللى بكعب ونقع واحنا ماشين بيها

يــــــــــــــــــــاه الواحد كان هيموت علشان يكبر ودلوقتى بتمنى يوم من ايام الحب

الله فاكرين البراءه دى على فكره ده مش انا بس ده كلنا بس ودايما اللى بعد بس معروف

شايفين نفسكم دلوقتى ياترى انت شايف نفسك برىء زى ماكنت وانت صغير

لماعرفت تنتطق الكلام بتقول بيه ايه اوبتجرح بيه مين
لما بتعمل حاجه غلط بتخاف !!!اصلا بتفكر فيها
لما تكون عندك مشكله بتلاقى اللى يقف جمبك دلوقتى ؟؟ ايه واحد ولا اتنين ولاااااااااااااااااااااااامفيش اصلا (هو فى اصحاب اصلا دلوقتى فى زمن مصلحتى اولا)
لما تضيع وتجرحه حبيبك اوصاحبك (مش بقى الباربى) بتنام وتحلم كمااااااان
بقيت بتحس بطعم الحاجات الجميله الصغيره دى بتفرح لما تشترى حاجه جديده ولا خلاص بقت حاجه عاديه

هو ايه اللى اتغير مهو الاتنين احنا
ليه كنا كده وازاى بقينا كـــــــــــــــــــــــــــــــــده
طب احنا ينفع نرجع زى زمان؟
يــــــــــــــــــــارب رحمتـــــــــــــــــــك

[~®§§][][ سيد دندنة ][][§§®~]

يأأأأأأأأأأأه بجد انتى قولتى

كلام وحكايات فى زماااااااان

وذكرياتى زمان لو الواحد بايدو

يرجع طفل كان راجع من زمااااااان

ولا شاف من الغدر الزمان

اللى يعنينك زمان بلا يعنينى زمان

وناس زمان

يعنينى خير زمان يعنينى حب

الناس زمان

بجد موضوع فوق الوصف

لسانى عاجز عن دلوقتى زمان

كنت نفسى اكبر ولما كبرت ههههه

بقول ياليتنى كنت لسه صغير فى الدنيا

كبرت ويارتينى ماكبرت

شوفت غدر وجرح الناس لبعضيها

شوفت ويارتينى ما شوفت

دمتى لينا بكل جديد منكى

[Golden Mind]

الفرق انه مع كبر السن تغيرت متطلبات الحياه

واحنا صغيرين كل همنا نجرى ونلعب وننام احـــــلام بسيطه

لما كبرنا شويه نجرى ونلعب ونذاكر وننام

تصعبت الاحـــــــلام شيئا فشيئا

ولما صرنا كبار اصبحت متطلبات الحياه اشد صعوبه

مع غياب تام لضمائر من حولك

اصبح الكذب سائد الاصطناع سائد المصلحه هى الغالبه

الصداقه متواجده ولكن من الحياه نراها قليله

لم يتغير شيئا ولكن تغيرت افكارنا واحلامنا ومتطلباتنا

زادت المسئوليه على اعناقنا

لذلك اختفت البراءه واصبحنا فى صراع دائم

لتحقيق الاحلام والامانى لتحقيق اهدافنا

لبناء حياتنا والحفاظ عليها

[اهلاويه جامده]

ياااااااه انا والله بتمنى ارجع صح انا مش كبيره يعني وسط بس بتمنى ارجع لطفولتي


وفعلا بتمنى ارجع لبراءه زماان دلوقتي كلو كدب وخيانه وبس مفيش احسن من الطفوله بجد

تحياتي ليكي

[ناجي عثمان]

الزمن طبعا بختلف باختلاف النفوس وهذا الاختلاف ناتج طبيعي يعكس قرب الاسرة اكثر من الاصحاب - فهذا القرب الذي يجعل الاسرة تنافس بالابناء في دراستهم ومستوياتهم ومعنهم ومعاملاتهم بين الاخرين (سلوكهم) لكن الحصل ده بخلي الماضي الجميل بكل التفاصيل المذكورة ماهو الاذكريات جميلة وحنين يجرف الفرد منا كلما تذكر اوشاهد شخصا في هذه فترة من العمر
فالذكرى ناقوس

[snow wh!te]

فعلا زومااان كان احلى بس دلوقتي برده في اصحاب جدعين أوي ..

ولما الواحد يحتاجهم في~ اي وقت بتلاقيهم تحت الخدمة علطول ،،

آه أيام زمان كان في براءة أكتر وحب وخوف >> بس والله لسه موجودة ،،

احنا اللي بندي لنفسنا احساس ان الحب مبقاش موجود .. وكل حاجة مصالح ومش عارفة ايه :l

والله لو بصيتي للحياة بنظرة امل وتفاؤل وحب >< هتحسي ان كل اللي حواليكي كده .. والعكس صحيح

ثانكي يا سكر على التوبيك الجميل ....

تحياتي << ماري :..

[AnGeL SenSe]

ياااااااااه رجعتينا لورا وقعدنا نفتكر والله بجد ايام زمان ايام جميلة اوي ايام راحت وراحت معاها كل الايام الجميلة والحلوة راحت فيها الحب بالاخلاص والصداقة بجد وكل حاجة اتغيرت مش عارفة الانسان هو الي تغير ولا الزمن
يعني في الزمن دا قليل جدااا لو لقيت صاحب بجد لو لقيت حب بجد وان لقيت الحب بين اتنين لازم تحصل حاجة وتفرقهم الايام الجميلة والحاجة الحلوة مش بتكمل حاجة غريبة بجد ايام افرح تتعد على الاصابع بس الحزن حدث بلا حرج والله مش عارفين العيب فينا ولا في زماننا وما في زماننا عيب سوانا ..انشر بنسبة كبيرة اوي الحقد والحسد والطمع وجرح القلوب وخيانة الصديق معادش في حاجة بجد زي زماااان بس يمكن في قليل جدااا الي قلوبهم طيبة وفيهم براءة زي الاطفال ...ربنا يهدينا ويهدي الناس جميعا يارب ....وبحيك جداااا على الموضوع الجميل ..تقبل تحيااااااااتي اختك angel

[قلب القمر]

فعلا ايام زمان كانت جميلة اوى وكانت من اجمل ايام عمرنا بس كل انسان لما

يكبر يقول اة ايام زمان كانت جميلة كل واحد كدا ويقول نفسى الزمن يرجع بينا ورا

بس الناس هما اللى اتغيروا مش الزمن

ولما يكون عندى مشكلة اة اكيد اصحابى بيقفوا جمبى

وبعدين الحياة مليئة بالوحش والحلو فى كل مكان كدا لازم تلاقى اللى فيها حلو وتلاقى فيها الوحش



تسلم ايدك على الموضوع المميز دة ويارب ميحرمناش من موضيعك الجميلة دى

[lost heart]

نورتو الموضوع يا احلى اعضاء
شكرا ليكم على ردودكم
يارب كل ايامكم تبقى صدق وحب

[فارس من زمن جميل]

مش عارف اتكلم عن الاهل

والا عن الصديق

المهم اننا نبعد عن الزمن لان الزمن ماله دخل بالى بيحصل

زى ما تقولى

طغيان فتنتين

فتنه المال

وفتنه المرأه

وضعف النفوس عن

تقاليدنا وعاداتنا الشرقيه

الى استوردها مننا الغرب

وصدر لنا ؟؟؟؟؟؟؟؟؟

يعنى ممكن الاخ يحاول يعنف اخته بدافع انها جزء منه

يلاقى اخته بتقول انا حره

لأن المجتمع فهمها كدا

عيوب كتير تحتاج لقوة النفس مش اكتر

اسف للاطاله

تقبلى مرورى

فارس