حياتى فى سطور

[خارج عن القانون]

بسم الله الرحمن الرحيم

ترددت كثيرا قبل ان ابدا فى طرح هذا الموضوع

واللى شجعنى لطرحه هو العضو Mr. M ! r o

فبعد ان قبلته شخصيا وتحدثت معه قليلا وحدثنى عن موضوعه البحث عن الذات

فشجعنى على المضى قدما لبناء هذا الموضوع (بطريقه غير مباشره)

وها انا ذا ابدا فى الكتابه

تنلخصت حياتى قبل سن ال 19 سنه فى انى

ولدت بين جنبات عائله تتكون من اب وام و 4 اخوات

مثل اى عائله مصريه فيها ما يسر وما يحزن

ولكننا تعلمنا من ابى الحب

الحب لبعضنا البعض بدون اى اسباب

وتعلمنا فى مستوى تعليمى متوسط ولكننا ذو عقليه ذكيه وسريعه البناء والتفكير

حاصل ع دبلوم صنايع الكترونيات وكمبيوتر وكنت فرح جدا عند استلام الشهاده

اما الان فهذه الشهاده هى سر شقائى (ستلعمون لما ذلك فيما سياتى )

وبعد ان حصلت ع الشهاده تنقلت بين اعمال شتى حتى يحين موعد سن دخولى للجيش

ومن بين هذه الاعمال (رئيس عمال مصنع زيوت نباتيه وعطريه- تنظيف صحون فى احد المطاعم-شركه استيراد اكسسوار موبيلات ومستمر فيها حتى الان)

تبدا المشكله عند بدايه دخولى الجيش فانا جريت فى الاوراق مثلى كمثل اى شاب

يحلم بالحصول ع الاعفاءة النهائيه او التاجيل ولكن بما انى ذو جسم ضخم الى حد ما

فلم يكن يهمنى ان ادخل او لا فانا اعشق التمرينات الرياضيه فكنت اتخيل

انى سادخل احد الاسلحه الصعبه كالصاعقه او المظلات او ما شابه ذلك

وانا لى اخان فى احد الشركات الحكوميه المشهوره التى يحلم كل الشباب

فى الحصول على عقد عمل بها حتى لو تطلب ان يدفع فيه 30000 الف جنيه

واخويا قالو لى اذا لم تدخل الجيش فابواب الشركه مفتوحه لك ع مصرعيها

وعندما جاء موعد الكشف الطبى ومن يعرفنى شخصيا يعلم انى نظرى ضعيف شويه

ولكنى ضحكت ع الدكتور وقلت له انى تمام وعند الكشف لم يكتشف شيئا

وذلك لانى كنت اعلم ان يوم تاريخ ميلادى 3/17 سيتم اعفاءه من الجيش

وتلك المعلومه كانت من احد القاده المهمين وهذا ما حدث فعلا

ولكن تاتى الرياح بما لاتشتهى السفن فعلى حظى السعيد تم نزول قانون جديد

يجعل للقوات المسلحه الحق باحقيه طلب الحاصلين ع شهادات معينه حتى ولو

كان تاريخ الميلاد معافى من الدخول وكانت شهاده الالكترونيات والكمبيوتر مطلوبه

وكان ما كان ودخلت هيئه الامداد والتموين سلاح تعيينات

ومحدش يسالنى ليه السلاح ده انا مش عارف

مال الكمبيوتر ومال الاكل والشرب مش عارف

المهم دخلت وبعد يومان حصلت على اول قفا على قفايه

تصورو معايا اللى حصل

كنا نجلس جميعين واذا بالصول يقول لنا اللى اشاور له يطلع بره

علشان هيتنقل لعنبر تانى غير ده

وشاور لكذا واحد وخرجوا من غير اى حاجه

وجاء الدور عليا : انت يا ابو نظاره اطلع بره

وطبعا بدون اى كلام خرجت ووانا امر من امامه

طررررررررررررخ على قفايا

ببص له علشان اعرف ليه وطبعا ببص وانا قرفان- وبقول فى سرى

لو كنت بره كنت سلختك ع عمود كهرباء- عايز اعرف هو ضرب له

فاذا به يقول : مش عجبك ولا ايه انت هنا تضرب وما تفتحش بقك

قولتله ماشى

وده كان اول قفا بعدها بيومان(والحمد لله) سمعنا عن انه سياتى لواء

ويختار بعض العساكر وذلك لانهم هيعملوا عرض امام المشير

وانا كنت من ضمن الناس وذهبت الى مكان التدريبات انا ومعى ما يزيد عن 800 عسكرى

واستمرت فتره التدريبه لمده 5 شهور وكانت فتره مرهقه بدنيا الى اقصى الحدود

ولكن كله بالادب والاحترام ومن دون ان يقول لك اى شخص امك او ابوك

وهرب منها بعض العساكر بسبب الارهاق ولكنى تحملت بدون مصاعب تذكر

هذا لو لم نعتبر ان جرح ياخذ غرزتين بسبب التمرينات مشكله اصلا

المهم تم انتهاء فتره التدريب وقمنا بتنفيذ العرض وانتها يوم 5/6

واخذنا 9 ايام اجازه ورجعنا استعداد للترحيل الى القوة الاساسيه

وعرفت وانا فى خلال فتره التدريب ان القوة الاساسيه لى هو

مجمع مخابز رقم 2 قوات مسلحه بالسلام لمن يعرفه

فلم اهتم حيث ان ابى كان يملك فرن وافهم الى حدا ما فى ذلك العمل

وجاء يوم الترحيل وطبعا تم ترحلنا فى عربه تابعه للجيش بها مخلفات لا اعلم

ان كانت مخلفات حيوانيه او بشريه وما ان دخلنا من الباب فاذا بالامن يقول لنا:

اللى معاه شريحه موبيل يطلعها من سكوت تخيلوا الشريحه خدوها

حتى اللى ممعهوش موبيل اصلا خده منه الشريحه

وانا كان معايا mp4 خدوه منى وطبعا خدو برضه الشريحتان

ثم تم التفتيش الذات وانا كان معى برشام كيتوبروفين للصداع اخذوه منى

وكل ده وعادى بقول حفل استقبال لابد منه وطبعا انا ما قلتش بالتفصيل

علشان مراعى انه فيه معانا جنس لطيف ممكن يقرا الموضوع فمحدش منهم يغما عليه ولا حاجه

المهم بعد 4 ساعات فى الشمس وسماع طبعا الفاظ وكميه سب بالدين لما اسمع يها من قبل

قالو يالا خشوا ناموا وسعتين وهتصحوا بعد نص ساعه قلنا يللا ولمده 3 ساعات كنا بنشيل

النجيله اللى فى الارض وشوك وجروح وحاجه اخر شقا مش اشكال كل ده عادى يا اما دقت ع الراس طبول

وجاء ميعاد الانصراف وقالولنا بكره هتقبلوا القائد قلنا تمام اكيد احسن منهم -طبعا ده اللى كنا متصورينه-

وجاء وقت المقابله وسالنا كام سوال عن الاسم والمهنه قبل دخول الجيش

وبعد ان عرف ال c.v لكل واحد قال يرحوا البيت الابيض فساله الظابط كلهم يا افندم

قال اه كلهم هنا انا عرفت انها مصيبه كبيره

وفهمت ان البيت الابيض ده يعنى الافران وسمى بهذا الاسم علشان الدقيق

المهم جعلونى خديع والخديع هذا مهمته ان يطبطب على العجين حتى يتم فرده

وانا اللى كنت اعرفه من خلال فرن ابى مختلف تماما عما هو معمول به فى هذا المكان

فانا طولى 178 والطاوله التى بها العجين ع كرسى طوله 100 سم فتخيلو معنى المعناه

فى الانحناء وطبعا الشغل يبدا من الساعه 10 صباحا حتى الثانيه ظهرا وفى تلك الفتره نقوم

بحمل اجوال الدقيق 4 ساعات كامله شيل دقيق ثم الغداء (ولن اتحدث عن طبيعة الاكل)

ومن الميس مكان الغداء الى البيت الابيض

وهناك نعمل حتى صباح اليوم الثانى الساعه 6 صباحا وطبعا فتره النوم من 6 صباحا حتى ال10 صباحا 4 ساعات

ولكن كل هذا ارهاق بدنى اى نعم هو ارهاق ليس بمجهود بشر ولكن كل هذا كوم والاهانه والضرب

كوم اخر فتخيلوا معى موقف حدث هناك كان معى شخص نفس دفعتى ولكنه 28 سنه ومريض بالقلب

طلب منه ان يعمل شىء بسرعه جدا فلم يستطع فعله بالسرعه المطلوبه

فماذا كان جزاءه طلب منه ان يقف ع سطح الفرن والفرن هذا صاج يعنى السطح كتله من النار

حافى القدمين ويقوم بالتكبير للاذان وهذا لم يكن بموعد اذان ولكن هذه هى الاوامر وحاول ان

يقوم بتنفيذ الامر ولكن لم يستطع فاخد له ما يزيد عن 10 اقلام على الوجه

والكثير من الركلات فى شتىء انحاء الجسم وانا طبعا برضه اخدت من الحب جانب

ولكن لم استطع التحمل وفى اول اجازه قولت يا فكيك وانا الان هارب من التجنيد

وحكمها السجن ولكن هذا لو تم القبض عليا قبل 31 سنه اما لو بعدها فاقوم بدفع كفاله

وينتهى الحوار على ذلك

ارجو الا اكون قد اطالت عليكم ولكنى ارتحت كثيرا بعد هذه الفضفضه

وانا للاسف لست بكاتب قصه حتى استطيع ان اشرح لكم بالتفصيل

ولكن هذا الرابط لشخص تانى فى مكان مشابه حدث معه مثل ما حدث معى

واعتقد انه قام بالشرح بطريقه احسن واجود

[Student]

كان الله فى عونك .
لعله يا اخى خير لك اسال الله ان يكون هذا العذاب والظلم موحا للذنوب .
ويااااارب لم يعثروا عليك ابداااا . والحمد لله ان احنا مش لينا جيش .

[بنوته متفائله]

ياااااااااااااه ايه الى افتره ده انت لو قلت حسبى الله ونعمه الوكيل كل الى اتعمل فيك ربنا
مش هيسيبه معلش يااخى