* ليتنى لم أعرفك *

[دمعة مبتسمة]

السلام عليكم

ليتنى لم أعرفك
ليتنى مت قبل أن ألتقى بك
وتحياتى لك
فقد أستطعت أن تغزو حياتى
أستطعت احتلال فكرى ووجدانى
أستطعت تجعل نفسك كل حياتى
أستطعت أن تبعدنى عن أهلى وأصحابى
أستطعت أن تأخذنى بعيدا عن محيطى
ولكن الى متى ........
الى متى ستجعلنى اسيرة لك
تتصرف في كما يحلو لك
ابعد عنى ايها اللعين
اخرج من حياتى
فقد كرهتك سئمتك
لماذا لم تبتعد عنى
أليس لك قلب وأحاسيس فتشعر بما أنا فيه من حزن
اااه لقد نسيت
فأنت جماد لا تشعر
فأنت الأنترنت الشبكة العنكبوتية

دى أنا وده النت سيطر على حياتى
أنا صحيح أتعلمت منه كتير
بس حسيت انه توغل فى حياتى زيادة عن اللزوم
أنا سمعت احصائية ان 4 % فقط ممن يستخدمون الأنترنت فى أشياء مفيدة
و96 % يستخدمونه فى أشياء تافهه
أنا بجلس على النت كتير بس بحس انى ما باستفاد منه الا القليل
ونفسى ما أجلس كتير وفى نفس الوقت أستفيد منه على قدر الأمكان
أو بالأحرى نفسى يتنزع من حياتى
وينزل قرار جمهورى بقفل شبكة الأنترنت على مستوى الدولة
هتضايق فى الاول ولكن بعدين هتقبل ده

والسؤال
ماذا يمثل لك النت ؟
كم ساعة تقريبا تجلسون على النت ؟
كم فى % تستفيد من النت ؟

[فيصــــل]

النت جزء مني وانا جزء منه هع هع هع ..

بحكم عملي ..

انا بقعد ع النت بمعدل 16 ساعة باليوم تقريبا .. في البيت في العمل وللأسف في السيارة احيانا

قبل لايرتبط عملي بالنت لم اكن احرص عليه كثيرا الا عندما اتصفح بعض المواقع ومطالعة الصحف ..

الثورة الالكترونية هي من اجبرت الناس على المكوث بالساعات خلف الشاشة ..

[رووكه]

قبل اى كلام بحيكى على اسلوبك فى الكتابه جميل جداااااااااااااااااااا

ماذا يمثل لك النت ؟

شئ بتهربى ليه علشان تخرجى من اى ضغط عليكى بس بحدود واكيد بستفيد من مواضيع

كتيره بشوفها فيه

كم ساعة تقريبا تجلسون على النت ؟

حوالى 8 ساعات يعنى على حسب ظروفى

كم فى % تستفيد من النت ؟

70% بستفيد منه وبحاول افيد بالى عندى

تسلم ايديكى يا قمر وربنا يوفقك

[حـ,ـكـ,ـآيـ,ـهـ,ـ ۅطـ,ـنـ,ـ]

اقتباس المشاركة الأصلية كتبت بواسطة دمعة مبتسمة والسؤال ماذا يمثل لك النت ؟ بمثل لي فتره بقضيها بوقت للتعلم والاستفاده والترفيه من نواحي تانيه كم ساعة تقريبا تجلسون على النت ؟ الصبح 2 الضهر ساعه واحيانا العصر بدخل بشوف شو في جديد حسب مش كتير كم فى % تستفيد من النت ؟

بصراحه 70 باتلمئه استفدت منه والله بتكلم جد
بالنسبه ليا الاب الكبير


باخد منه اي موضوع للاولاد
وبحوث علميه

ومترجم للانجلش


ومعلومات للبيت
والحياه الزوجيه


طرح جميل


عوفيت

[efef]

انا مش بستفيد من النت كتير اوي

[حياتي ذكريات]

السلام عليكم

موضوع جميل وطرحك عجبني

بصي النت دولوقتي بقى شيء أساسي في حياة الانسان

عن نفسي مش بقدر دولوقتي أستغنى عنه يوم او اتنين

بحس ان فيه حاجات ناقصة في حياتي

انا عادي مش بتفرج على التلفزيون الا حاجات بسيطة

بس بعد على النت كتير لاني بستفيد منه اكتر

وبشوف مواضيع واخبار العالم براحتي من غير اعلانات ولا فواصل

ولا أي حاجه .. النت لو عايزة حاجه تقدري تجيبيها بسرعه

وتوصلي ليها لكن التلفزيون بحسه بيجبرك انك تتفرجي على

حاجه معينة او غيره ..

غير اني بدخل المنتدى كتير وبشوف الاعضاء واتكلم واتناقش

يعني بفيد واستفيد .. غير اني كمان بخش على الايميل واتواصل

مع ناس كتير .. فبعتقد ان فوايده اكتر ليا فعشان كده بعد عليه

لو كان النت شيء سلبي في حياتي وبيضيع وقتي هباء بدون استفاده

كنت استغنيت عنه من زمان لكن النت بيعلم برده حاجات كتير

وبيعرفك على ناس كتير من كل الجنسيات وبيبقى بينك وبينهم

صداقات وموده وغير كده من الفوائد الكتيرة

تسلمي على الطرح الجميل .. تقبلي خالص تقديري وودي