هانت عليا عشرتى

[عصام العويضى]

هانت عليها عشرتى والحب هان
وبانت بشاير الغدر والكذب بان
بعد ما فات الاوان
فات الاون
بعد ما حبك دخل فى قلبى وسكنتى فيه
بعد ما بقيتى حته منى والقلب ملكتيه
من اول يوم عرفتك
بعيون قلبى نظرتك
وقلتلك اوعى الخيانه
قلبى ده ملكك انتى
خليه عندك امانه
وباجمل طريقه من جوه جوفك طردتيه
وهان عليكى الحب هان
فينك انتى وفين الحب بتاع زمان
يا مليكة عمرى انتى يا نبع الحنان
فين كلامك لما قلتى انت حبيبى
وانتى امنيت حياتى وانت املى ونصيبى
دلوقتى غيرتى كلامك
واختفا من لسانك
واختفى من عيونك شوقك غرامك
اترينى انا وحدى الى كنت عايش فى اوهامك
يا خصاره هان عليكى الحب
والعشره هانت
يا خصاره على كل كلمة حب قلتهالك
يا خصاره على نبضات قلبى الى كنت سمعتهالك
يا خصاره على ليلى سهر
كانت طويله وانا بغرامى وحبى قصرتهالك
بكل كلمة حب عزبك من شفيفى وقلبى سمعتهالك
يا خصاره على كل دمعه
كل لحظه على كل لحظه
على كل يوم كانت عنيا وروحى مشتقالك
كان نفسى بس اقف قبالك
واعتبك والومك واردد كلامك
وباديكى تمسحى دموع عنيا
انا ياما باديا دموع عنيكى مسحتهالك
مفيش ولا مره شفت دموعك
كنت بخاف عليها تنزل من عيونك
وتبدد جمالك
ليه هانت عليكى عشرتى
مبقتش حتى استاهل سؤالك
وهانت عليكى دمعتى وروحى
عوز اقلك كل حته فيا ديما مشتقالك
انا بحبك عوز احس ديما انى فى بالك
وعوز كل ساعه وكل لحظه اشوفك معاى واشاهد جمالك
انتى القمر والقمر مش احلا منك
انتى فى قلبى انا وانا فى قلبك
غصب عنى انا وانتى كمان غصب عنك
بجد نفسى فى كلمه وحده اقلك
محتاج تكونى معاى وبايدى اضمك
بس هانت عشرتى والحب هان
ومهما اقول او اتكلم خلص الكلام

[احمد الحلو]

عصام العويضي0000






اخي العزيز000





أَجَملُ الأَحَاسِيَس






تِلكَ التِي تَجعلُنَا نُرفرفُ






بِ جَناحَان يَخفُقَان






بِ الصُعُود إلى أَعَلى






عصام





يَتكوثَرُ الوَرد






بَين يَديك







مُكوناً حَدائِق






تُحَلقُ فَوقُهَا الفَراشَات ..!






رائع انت وكفى






تقديري واحترامي كنت هنا انا 000احمد الحلو

[عصام العويضى]

ما اجمل ردودك اخى احمد الحلو
دمت بالف خير

[فرحة]

جميييييييييل جداااااا الكلام ده
بجد كلام راااااائع
دمت ودامت كتاباتك الراااااائعه

[فيروزه]

	تســـــــــــــــــــــــــلمـــ ايديك كلالام جميل جدا ربنا يحفظـــــك تقبل مروري

[عصام العويضى]

فرحه
جميلة هى ردودك
دمتى بالف خير

[ڪــــبرياء الروح]

كلماااااات كااااانت جدا جميله ولكن حزينه


سلمت وسلمت يمنااااااك

[عصام العويضى]

عزة النفس
سلمتى وسلمت ردودك