عينى عليك يا زمن فيك العجب

[عبد الحميد بدوى]

عيني عليك يا زمن فيك العجب

ناس بتفطر رمضان وناس بتصوم رجب

وناس مشية علي رجليها

وناس مشية علي عجل

وناس حالها حال

وناس حالها مال

وناس دبحها حلال

وناس بدور علي سكن

وناس بالعة الوطن

وناس عيشتها غم وحزن ونكد

*****

سبعين مليون مظلوم

سبعين مليون معتقل

طول عمرك يا بلادي

رسمك قدامي

شايل في كفوفي

أحزانك وأحزاني

يا أرض الهرم والنيل

يا أرض الناس الطيبين

أرفعي راسك من الطين

وأغسلي هدومك المتوسخين

وأتوضي وصلي ركعتين

*****

اة يا بلد لو حالك يتعدل

لو تمشي عدل

لو الجلاد ينجلد

كان الجنين غنا

فى بطن امة من قبل ما يتولد



الشاعر
عبد الحميد بدوى

[بنان]

كلمات بصدق رائعة




وتعبر عن الحال اجمل تعبير




تصوير وتشبيه جميل




سلمت يمناك اخي

[عاشقة الهدوء]

السلام عليكم ورحمة الله وبركاتوا


تسلم اخى عبد الحميد والله كلمات زى العسل وفعلا من القلب وكلماتها جميله

بانتظار المزيد منك ان شاء الله

[حياتي ذكريات]

كلمات جميلة

وبتعبر عن الحال

ربنا يصلح احوال بلدنا للأحسن

تسلم على كلماتك .. خالص تقديري

[عبد الحميد بدوى]

هذة هو الواقع تحياتى

[حلم كل فتاه]

كلمات جميله

[عبد الحميد بدوى]

وجودكم اجمل

[s sh]

ميرسى على الكلمات الاكثر من رائعة
كلمات جميلة ومحسوسة فعلا