مين الصح........الولد ام البنت

[قلب حساس]

ازيكو ياجماعه

الولد والبنت طرفين

مفيش شك طبعا ان كل طرف من دول بيميل للطرف التانى وان كان البنات بيتقلو شويه هههههههههههههه

بس مش مشكله دا مش موضوعنا

ولكن المشكله انو دايما كل طرف منهم بيتهم الطرف الاخر بالغدر والخيانه والانانيه وخصوصا اللى مر بتجربة حب وفشلت بيبقى اكتر شويه

يعنى مثلا نيجى على البنات

دايما يقولو ان الولد ملوش امان

وانو فى اغلب الاحيان بيتسلى

وبيبقى مش صادق فى حبه

وانه ممكن يعرف واحده واتنين وتلاته عادى

وتلاقى هنا حتى فى المنتدى اعضاء كتير بنات بيعبرو عن كده من خلال التوقيعات سواء بصور او بكلام

ولو جينا على الولاد هتلاقى برضه نفس الاتهامات

ان البنت برضه ساعات بتتسلى

وممكن تكون مرتبطه بواحد وتلاقيها ممكن تكلم وتصاحب غيره

وان البنت مبتبقاش عندها وفاء فى حبها

يعنى مثلا لو كانت مرتبطه بواحد وبينهم وبين بعض قصة حب وجالها واحد تانى يتقدملها عشان يخطبها بتوافق عليه عشانه جاهز من كله ونسيت الحب اللى كان بينها وبين حببها الاولانى

ودا برضه واضح من اعضاء ولاد فى المنتدى بيعبروا عن كده فى توقيعاتهم بالكلام وبالصور


وهكذا كل طرف بيتهم الطرف التانى بالغدر والخيانه

ومش عارفين مين الصح ومين الغلط
مين اللى عنده الحق ومين اللى معندوش


الولد ام البنت


ياريت ياجماعه تشاركو برايكو فى الموضوع ده ولاد وبنات
بس بالهداوه ومن غير تعصب للجنس

ملحوظه:انا ولد مش بنت

شكرا....................قلـــــــــــــــب حســـــــــــــــــــاس

[رووكه]

موضوعك جميل قوى وكنت بفكر فى فكره قريبه منه

احنا لما نشوف كل يوم توبيك نازل ان البنت وثقت فى حد وكلمته وبعدها هو بيسبها ويدور على غيرها

وتلقى شاب يدخل ويقول العيب على البنت طب متصلح انت من نفسك وبعدين نلوم

ياريت كل البنات مش هقول الشباب الاول يتقو الله ويراعو ربنا فى اى حد يتكلمو معاه

وبرده الشاب يتقى الله ويعرف ان ربنا موجود ويعرف ان ليه اخوات بنات او امه او بنته فى اللى فى المستقبل

مش يستهون بعقاب ربنا

تسلم على الفكره بجد احيك عليها وربنا يوفقك بالخير

[đΘόđΘό]

بصراحه كلام البنات ع الشباب صح 100% لانهم ملهمش امان وبيغدرو في ثواني
دلوقتي تلاقي الولد لو عرف ان اختو بتحب واحد ولا مرتبطه بيه العفريت بيتنطط في وشو وبيبقى خايف عليها ليه لانو عارف ان الاولاد ملهمش امان وغدرهم صعبع البنت انما البنت لو غدرت بالولد مش هاتدمور زي ما الولد بيدمر البنت

وفي النهايه مش كلهم زي بعض بس الاغلبيه من الاولاد
ميرسي ع التوبيك

[ڪــــبرياء الروح]

شوف عزيزي واخي
الواحد يشوف نفسه صح مهما قبا عنه


البنت تريد رجل يخااااف عليها يحبها يغير غليها يحن يرق قلبيه لها مو يتهمها بكل حااجه
اولد يرى ان له مطلق الحريه بعمل اي حاااااجه
انا لا انكر ان الرجااااال قومون على النساااااااااء
ولكن يريد يكلمو بنات وهي لا
يطلع مع بنات وهي لا
اذا احد لو بالخطاااااء اتصل على بنت بتلاقيه كل شوي يسأأأأل اتصل ؟؟
لو البنت اتصلت على الشاب لمجرد شوقهاااا وحبهااا له تشوفه ير فض يرد يقول ما ابغى خليها تنتظر
مااااعلي منها

وبكل صرااااااحه انتم ماااااالكم امااااااااااااان



انت تعرف

"""" بأأأأمن حااااالي مع اسد ونمر ولا مع رجل؟"""""

[جوهرةالقصر]

انا مع الشباب ان في بنات دلوقتي بتخدع وبتغدر
ولكن دول نسبة صغيرة جدا

لكن الشباب متلقيش ولد مبيعرفش اكتر من بنت
ويحب دي ويواعد دي ويسيب دي ويدمر دي و....و......و...
يعني الشباب كلهم كده
وما اعتقدش ان في ولد بيحب بجد
او بيتأثر لما حبيبته تروح منه
بعكس البنت
لان البنت لما بتدمر
بتبقي عاملة ذي الميتة
مع انها بتبقي عارفة ان الولد ميستهلش
لكن تعمل ايه........

ومتزعلش من كلامي
بس دي حقيقة الولاد

وبجد تسلم علي الموضوع الرائع

[جميلة مصر]

انا اصلا شايفة انه غلط ان البنت تعمل صداقة او تتعرف على ولد فايا كان بنت او ولد هما الاتنين غلطانين

اما لو جالها ورفضته عشان واحد مستواه الاجتماعى كويس بالرغم من اخلاق الاولانى فتبقى غلطانة لان المهم تاخد اللى بيحبها مش اللى بيشتريها

وميرسى عالطرح المميز

[قلـــــــــــــــــم]

ديما الشاب غلطان

تعرف ليه

لأن عقل البنت معدوم

بتفكر بقلبها فقط

عقلها مخلياه تلبس ازاي الميك اب الاجمل ايه هو

شويه للدراسة

ولكن عند الكلام العبيط حب وبطيخ

تفكر حالها ماريا كيري

والشاب جون ترفولتا

وليس كل الشباب وليس كل الفتيات ولكن الاغلبية العظمي

سلمت على الطرح العطر

دمت بود

مجرد راي وليس دليل مادي

[فرولة]

انا مش هتحيز فى كلامى للبنات او للولاد لانى مش بحب المثل اللى بيقول السيئة بتعم
فى بنات كويسه وفى ولاد كويسين جدا
وزى مفى الحلو فى الوحش يعنى ممكن تلاقى بنت كدابه وغشاشه وبتعرف كذا واحد
وممكن تلاقى برده ولد كده بيكلمله نص دستة بنات ومعشمهم كلهم والاخر يخلع ويقول انا متجوزش واحده وافقت تمشى معايا
احنا لازم نجزم كلنا ان كل مكان فيه الحلو والوحش
ولازم منخدش حد بذنب حد تانى
انا عندى الدليل على ان فى بنات بتحب بجد وبتستنى اللى بتحبه ده لو جالها ميت عريس اغنى او احلى منه بترفضهم وده بنسميه الوفاء
وفى ولاد بتحب بجد واللى بيحبها بيخلصلها وبيروح يخطبها مش بيقول دى كلمتنى ماخطبهاش
بجد صوابعك مش زى بعضها
ومش هنقول بنت ولا ولد اللى بيحكم ويتحكم فينا هو الضمير والعقل والدين
واللى بينسى ضميره وبيغيب عقله وبيبعد عن دينه نتوقع منه اى شيئ
وتسلم ايدك
بجد موضوع رائع

[قلب حساس]

شكرا على مشاركاتكم
مرسى جدا وارجو المزيد

[قلب حساس]

اقتباس المشاركة الأصلية كتبت بواسطة جوهرةالقصر انا مع الشباب ان في بنات دلوقتي بتخدع وبتغدر ولكن دول نسبة صغيرة جدا لكن الشباب متلقيش ولد مبيعرفش اكتر من بنت ويحب دي ويواعد دي ويسيب دي ويدمر دي و....و......و... يعني الشباب كلهم كده وما اعتقدش ان في ولد بيحب بجد او بيتأثر لما حبيبته تروح منه بعكس البنت لان البنت لما بتدمر بتبقي عاملة ذي الميتة مع انها بتبقي عارفة ان الولد ميستهلش لكن تعمل ايه........ ومتزعلش من كلامي بس دي حقيقة الولاد وبجد تسلم علي الموضوع الرائع

ايه ياعم جوهرة انا معانا ولا معاهم
هههههههههههههههههههههه
لا ياعم انا بهزر دا رايك ويحترم
واشكرك على صراحتك