يا راجل خليك راجل

[МДЯŤĒй]

وزى ما انتقضنا البنات فى لبسهم نتكلم شويه عن الشباب مهم بردو بقو ظاهره غريبه

شعر غريب ولبس اغرب وبيبقى ماشى فى الشارع

فاكر نفسو للاسف راجل

بنطلون بينو وبين الارض هفوه ويقع منو

ويقولك الموضه يكون البنطلون ساقط

مش فاهم ساقط ازاى انا يا راجل خليك راجل

وشعرو مجلجل علشان تبقى كل شعره فى اتجاه معين

واكبر حلم فى حياتو بنت تبصلو

تفتكر هى دى الدنيا انت بتعمل فى نفسك كده ليه

انت بتبقى ماشى فى الشارع الناس قرفانه منك

ولو بنت كلمتك صدقنى اكيد بتضحك عليك انت عارف هى بتكلمك ليه

اصلها شيفاك زيك زيها

ارفع بنطلونك بقى حتى علشان الريحه مش عارف جمعيه الحفاظ على البيئه سيباكو ليه

يا كابتن يالى مكتوب فى بطاقتك ذكر

عمر ما كانت الرجوله كده وحتى البنات اللى انت عامل فى نفسك كده علشانهم

عمرهم ما حبو كده واثبتلك !

حاضر هثبتلك

سؤال للبنات وارجو الصدق فى الاجابه لو سمحتو

انتى توافقى ان شريك حياتك وابو اولادك يكون واحد من دول ؟

وافرض لقيت اللى تتجوزك واكيد هتكون شبهك

تفتكر ينفع تكون قدوه لابنك ؟

تفتكر انت ال هتحرر فلسطين منت مسلم ؟

تفتكر انت اللى ممكن تحارب حرب هيرمكدون؟

مترد يا روش يا جنتل

على فكره عمر البنت الكويسه ال تنفع ام اولاد ما فكرت يكون جوزها زيك

البنت بتحب الراجل لانو فيه حاجه مش فيك عارف ايه هى ؟

لانو راجل

يعرف امتا يكون حنين عليها
يعرف امتا يكون قاسى عليها
تحس معاه بأمان
يقدر يحافظ عليها وفى نفس الوقت يعرف ازاى يخليها تحترمو كزوج
يعرف يعلم اولادو ازاى يعيشو رجاله فى زمنا ده
لكن انت هتعلمو ايه الاسبايكى ولا هتعلمو ان الاهتمام بلبوكسر اهم كتير من البنطلون

ممكن تبقى روش وانيق جدا فى لبسك وبردو موضه

بس مش لدرجة ان البنطلون يكون عند ركبتك

انت بتقلد مين طيب فنان او مطرب
وانت ليه تقلد بنى ادم زيك حتى لو هو مين
شكلك وحش بتجملو بلبسك
حس انك اجمل حد فى الدنيا لانك مهما يكون شكلك هتكون ايه ؟
بنى ادم
خلى عندك ثقه فى نفسك وحس انك احسن حد فى الدنيا كلها بس متتغرش


تحياتى

marten

[جميلة مصر]

ميرسى عالموضوع ووالله معاك حق هما فاكرين بكده انهم بيعجيوا البنات لكن لوسألت البنات هيقولولك اننا مبنحبش الراجل ده لان بجد الراجل الحقيقى بيبان عليه اولا من افعاله وبعد كده من مظهره لما يلبس لبس محترم وبتسرح زى البنئادمين

وميرسى عالموضوع

[♥..pure]

كل الشباب دلوقتى بيحبوا يقلدوا
هما شافوا الغرب بيعملوا كدة قالوا يلا
وقلدوا ماشاء الله بالظبط
احنا المفروض نشوف الاحسن ونقلده مش نختار السئ ونمسك فيه
وكمان انا سمعت ان البناطيل اللى ساقطه دى الرجاله الابنورمال بس هما اللى بيلبسوا
فى الدول الاوروبيه
حتى اهوه لما جم يقلدوا قلدوا ناس غلط
ربنا يهديهم
تسلم على التوبيك

[ڪــــبرياء الروح]

يعطيك الف عااااافيه